រាជធានីភ្នំពេញ៖បើទោះបីការនាំចេញកសិផលឬផ្លែទុរេនមកទល់នាពេលចប្ចុប្បន្នមិនទាន់បង្ហាញសញ្ញាច្បាស់លាស់ថានៅពេលណាឱ្យប្រាកដ តែសម្រាប់ពលរដ្ឋឬម្ចាស់ចំការបានចាត់ទុកទុរេនជាផលិតផលយុទ្ធសាស្ត្រសំខាន់មួយរបស់កម្ពុជានឹងអាចមានទីផ្សារសម្រាប់ធ្វើនាំចេញនៅថ្ងៃខាងមុខ ។
ម្ចាស់កសិដ្ឋានដាំដុះធុរេន នៅជើងភ្នំវល្លិ៍ ក្នុងស្រុកដំណាក់ចង្អើរ ខេត្តកែប លោកស្រី ហ៊ឹម ស៊ីវន បានឱ្យដឹង ក្រៅពីអាជីពជាអ្នកចម្រៀង លោកស្រីបានយកពេលវេលា មកធ្វើកសិកម្ម ដាំដុះដំណាំទុរេន បច្ចុប្បន្ននៅក្នុងកសិដ្ឋានរបស់លោកស្រី មានទុរេនចំនួនជាង ៤.០០០ដើម រួមជាមួយដាំណាំរួមផ្សំផ្សេងៗទៀតជាច្រើន កំពុងហុចផលផ្លៃផ្កាជាបន្តបន្ទាប់ ។
លោកស្រី ហ៊ឹម ស៊ីវន បន្តថាក្នុងមួយឆ្នាំៗ ទទួលបានផលជាច្រើន នឹងបាននាំផលិតផលនេះទៅចែកចាយនៅតាមទីផ្សារក្នុងស្រុកមួយចំនួន ក្នុងនោះចំពោះបងប្អូនដែលបានស្គាល់ តែងតែចូលទិញដល់កសិដ្ឋានដោយផ្ទាល់ ព្រោះទុរេនយើងបានដាំដុះតាមធម្មជាតិនិងបានចុះបញ្ជីនៅក្រសួងកសិកម្ម រុក្ខាប្រមាញ់ និងនេសាទយ៉ាងត្រឹមត្រូវ ជាទុរេនដែលមានរស់ជាតិឆ្ងាញ់ និងមិនធ្វើឱ្យប៉ះពាល់ដល់បញ្ហាសុខភាពសម្រាប់អ្នកពិសារ» ។
ពាក់ពន្ធនិងដំណាំទុរេននេះ លោកបណ្ឌិត យ៉ងសាំងកុមារធ្លាប់លើកឡើងថា« តាមខ្ញុំធា្លប់ទៅប្រទេសថៃ មើលតំបន់ដាំដុះទុរេនរបស់គេ និងបានហូបទុរេនរបស់ថៃ ខ្ញុំជឿថាគុណភាពទុរេនរបស់ខ្មែរយើងមិនចាញ់ទុរេនថៃទេ អាចល្អជាងថៃផង។សម្រាប់កម្ពុជា តំបន់ដែលធ្លាប់ដាំទុរេនឬអំណោយផលអាចមាននៅខេត្តកំពត។ឥលូវនៅកោះកុង ព្រះសីហនុ ពោធិសាត់ កំពង់ចាម ត្បូងឃ្មុំ រួមនិងខេត្តព្រះវិហារក៏មានការដាំដុះទុរេនច្រើនផងដែរ។អីចឹងតំបន់ដែលផ្តល់អំណោយផលដាំទុរេន យើងមានច្រើន។ខ្ញុំគិតថាយើងត្រូវដាក់ចូលក្នុងកម្មវិធីជាតិមួយ គាំំទ្រដល់ការស្រាវជ្រាវនិងអភិវឌ្ឍន៍នៃការដាំដុះផ្លែទុរេន»។
តាមលោកបណ្ឌិតកសិកម្ម បើកម្ពុជាអាចផលិតទុរេនបានរហូតដល់១លានតោនចន្លោះពី៥ទៅ១០ឆ្នាំទៀត អាចឱ្យកម្ពុជារកចំណូលបានរាប់ពាន់លានដុល្លារអាមេរិកសម្រាប់ជាតិ ហើយអាចកាត់បន្ថយការនាំចូលបានទាំងអស់ ហើយដល់ពេលនោះយើងត្រូវតែនាំចេញអាចនឹងជួបបញ្ហាទីផ្សារ ព្រោះសព្វថ្ងៃថៃគេផលិតរួចហើយ១លានតោនហើយថៃសម្រុកដាំទុរេនសំបើមណាស់ ។ផ្លែទុរេនរបស់ថៃ ពី៧០ទៅ៨០%នាំចេញទៅប្រទេសចិន ហើយបើទោះបីជួបវិបត្តិជំងឹកូវីដ១៩ក៏ដោយ ការនាំចូលទុរេនរបស់ចិនៅតែមានច្រើន ហើយពេលចប់ជំងឺកូវីដ១៩នេះទៅ ខ្ញុំគិតថាប្រទេសនៅតំបន់អាស៊ីដូចជាចិន កូរ៉េ ជប៉ុនគាត់ត្រូវការទុរេនច្រើន អីចឹងយើងត្រូវត្រៀមទីផ្សារសម្រាប់ការនាំចេញ។
ឯកឧត្តម ប៉ែន សុវិជាតិ អ្នកនាំពាក្យនិងជាអនុរដ្ឋលេខាធិការក្រសួងពាណិជ្ជកម្មមានប្រសាសន៍ថា« ចំពោះដាំដុះដំណាំឈើរហូបផ្លែ កម្ពុជាបានចាត់ទុកជាដំណាំសក្តានុពលសម្រាប់បម្រើទីផ្សារនាំចេញ ក្នុងនោះបន្ទាប់ពីផ្លែចេក និងស្វាយ,យើងនៅមានដំណាំសក្តានុពលផ្សេងៗទៀតដូចជា ម្រេច មៀន និងដំណាំធុរេនជាដើម ដោយបច្ចុប្បន្នផលិតកម្មដំណាំទាំងអស់នេះ បានកំពុងចរាចរក្នុងស្រុក នឹងអាចមានលទ្ធភាពគ្រប់គ្រាន់ សម្រាប់ពង្រីកផ្ទៃដីដាំដុះបម្រើទីផ្សារនាំចេញ»៕
ចែករំលែកព័តមាននេះ