ប្រការមួយចំនួនដែលស្ត្រីប្រាថ្នាមានផ្ទៃពោះគួរដឹង និងដើម្បីបង្ការកុំឲ្យមានការភ័យខ្លាច ព្រោះនៅពេលមានផ្ទៃពោះស្ត្រីគ្រប់រូបមិនអាចគេចផុតពីបញ្ហាទាំងនេះបានឡើយ ។ កត្តាប្រឈមចំពោះស្ត្រីក្នុងអំឡុងពេលមានផ្ទៃពោះដូចជា ៖
ប្រការមួយចំនួនដែលស្ត្រីប្រាថ្នាមានផ្ទៃពោះគួរដឹង និងដើម្បីបង្ការកុំឲ្យមានការភ័យខ្លាច ព្រោះនៅពេលមានផ្ទៃពោះស្ត្រីគ្រប់រូបមិនអាចគេចផុតពីបញ្ហាទាំងនេះបានឡើយ ។ កត្តាប្រឈមចំពោះស្ត្រីក្នុងអំឡុងពេលមានផ្ទៃពោះដូចជា ៖
-ចាញ់កូន៖ ការក្អួតចង្អោរ ឬរកកល់ក្អួតចង្អោរ អាចនឹងចាប់ផ្តើមកើតមានចាប់ពីខែដំបូងទៅ ។ រោគសញ្ញាទាំងនេះច្រើនតែកើតមាននៅពេលព្រឹក ឬនៅពេលធុំក្លិនអាហារមួយចំនួន ។ ក្រៅពីរកកល់ក្អូតចង្អោរហើយ ស្ត្រីក៏អាចមានអាការអស់កម្លាំង ល្ហិតល្ហៃទន់ដៃទន់ជើង ព្រោះរាងកាយរបស់ស្ត្រីបានបញ្ចេញលំហូរឈាមមួយផ្នែកទៅចិញ្ចឹមគភ៌ក្នុងស្បូន ហើយបេះដូងក៏ខំប្រឹងធ្វើការជាងមុន ដើម្បីសម្រួលទៅនឹងចលនាឈាមរត់នៅក្នុងខ្លួន ។ សារជាតិផ្សេងៗដែលនៅក្នុងខ្លួនត្រូវបានស្រូបយកទៅចិញ្ចឹមគភ៌ ។
-សុដន់មានការប្រែប្រួល៖ ជាការពិតនៅក្នុងកំឡុងពេលមាន ផ្ទៃពោះ សុដន់ស្ត្រីអាចនឹងឡើងរឹង រីកធំ ហើយក្បាលសុដន់ ប្រែពណ៌ទៅជាក្រមៅផងដែរ ។ ក្នុងពេលនេះសុដន់ទាំងគូរបស់ស្ត្រីចាប់ផ្តើមឈឺខ្ទោកបន្តិចៗនៅពេលដែលមានការប៉ះទង្កិច ពិសេសនៅពេលចាប់ច្របាច់ ឬអង្វែល ។
-ក្រៅពីការរៀបរាប់ខាងលើនេះ ស្ត្រីក៏អាចមានការប្រែប្រួលអវយវៈមួយចំនួនទៀតផងដែរដូចជា ឡើងទម្ងន់ បត់ជើងតូចច្រើនដង អាការហើម គ្រុនក្តៅស្រៀវស្រាញ ចុកចាប់តាមសរសៃជើង ចង្កេះ ខ្នង ជាពិសេសគឺទទួលទានដំណេកមិនលក់ស្កប់ស្កល់ជាដើម ។
ទាំងអស់នេះគឺជាបញ្ហារបស់ស្ត្រីមានផ្ទៃពោះ និងត្រូវឲ្យអ្នកដែលនៅជុំវិញខ្លួន ពិសេសស្វាមីត្រូវតែយកចិត្តទុកដាក់ចំពោះសុខភាពស្ត្រីនិងគភ៌ក្នុងផ្ទៃផងដែរ ដើម្បីឲ្យទារកកើតមកមានសុខភាពល្អ ប្រាជ្ញាឆ្លាតវ័យ។ រីឯស្ត្រីជាម្តាយត្រូវតែធ្វើចិត្ត ឲ្យសប្បាយរីករាយព្រោះអារម្មណ៍ ដែលកើតមានចំពោះម្តាយអាចមានឥទ្ធិពលដិតដាមទៅដល់គភ៌ដែលនៅក្នុងផ្ទៃ ដូច្នេះចង់មិនចង់ស្ត្រីត្រូវតែស្រស់ស្រាយជានិច្ច៕
ចែករំលែកព័តមាននេះ