អ្នកប្រាជ្ញខាងព្រះពុទ្ធសាសនាបានលើកឡើងជាទស្សនៈទាក់ទងទៅនឹងកល្យាណមិត្តថា កល្យាណមិត្តគឺមិត្តល្អមានគុណសម្បត្តិ៨ចំណុចគឺៈ ១- កល្យណមិត្ត (មិត្តល្អ) មិនលះបង់គ្នាចោលក្នុងគ្រាមានអាសន្ន ។ ២- មិត្តល្អតែងជួយការពារមិត្ត ទាំងនៅចំពោះមុខនិងពេលអវត្តមានមិត្ត…
អ្នកប្រាជ្ញខាងព្រះពុទ្ធសាសនាបានលើកឡើងជាទស្សនៈទាក់ទងទៅនឹងកល្យាណមិត្តថា កល្យាណមិត្តគឺមិត្តល្អមានគុណសម្បត្តិ៨ចំណុចគឺៈ
១- កល្យណមិត្ត (មិត្តល្អ) មិនលះបង់គ្នាចោលក្នុងគ្រាមានអាសន្ន ។
២- មិត្តល្អតែងជួយការពារមិត្ត ទាំងនៅចំពោះមុខនិងពេលអវត្តមានមិត្ត ។
៣- កល្យាណមិត្ត មិនពោលពាក្យផ្អែមល្អែម ប៉ុន្តែតែងពោលពាក្យពីរោះ មានន័យទាំងនៅចំពោះមុខនិងនៅពីក្រោយ ។
៤- ពេលស្ថិតក្នុងគ្រោះអាសន្ន កល្យាណមិត្តតែងមានវត្តមានជានិច្ច ។
៥- បើចង់ឱ្យអ្នកដទៃធ្វើជាមិត្តល្អជាមួយនឹងខ្លួនត្រូវខិតខំព្យាយាមសាងខ្លួន ធ្វើខ្លួនជាមនុស្សល្អដោយខ្លួនឯង ជាមិត្តល្អជាមុនសិន ។
៦- សន្តានកល្យាណមិត្តមិនដែលរំពឹងទទួលបានក្តីស្រឡាញ់ពីអ្នកដទៃឡើយ តែតែងព្យាយាមផ្តល់ក្តីស្រឡាញ់ឱ្យខ្លួនឯងនិងធ្វើជាអ្នកផ្តល់ក្តីស្រឡាញ់ដល់អ្នកដទៃទើបជាការប្រពៃ ។
៧- មិត្តល្អពិតប្រាកដតែងមានប្រក្រតីធ្វើល្អ និយាយល្អ គិតល្អ និងរស់នៅប្រកបដោយសេចក្តីមិនធ្វេសប្រហែស និងធ្វើអ្វីសព្វបែបយ៉ាងប្រកបដោយបញ្ញា ។
៨- កល្យាណមិត្តតែផ្សាយមេត្តាធម៌ សូមឱ្យសព្វសត្វបានសេចក្តីសុខ មិនមានសេចក្ដីព្យាបាទ-បៀតបៀនគ្នា ។ សូមសព្វមនុស្សល្អមានជ័យជម្នះក្នុងទីទាំងពួង សព្វកាល ។ សូមសព្វសត្វរស់នៅជាសុខ រស់នៅប្រកបដោយសេចក្តីមិនប្រមាទ និងប្រកបដោយបញ្ញា ៕ សាន សារិន
ចែករំលែកព័តមាននេះ