អ្នកដំណើរ១២នាក់ជិះឡាន១គ្រឿងចេញពីភ្នំពេញមកដល់ខេត្តស្ទឹងត្រែង ក៏រកឃើញវិជ្ជមានម្នាក់
- ស្ទឹងត្រែង
ខេត្តស្ទឹងត្រែង៖ អ្នកធ្វើដំណើរក្នុងរថយន្តឈ្នួលមកពីភ្នំពេញចូលខេត្តស្ទឹងត្រែងមានចំនួន១២ត្រូវបានក្រុមការងារឆ្លើយតប
ខេត្តស្ទឹងត្រែង៖ អ្នកធ្វើដំណើរក្នុងរថយន្តឈ្នួលមកពីភ្នំពេញចូលខេត្តស្ទឹងត្រែងមានចំនួន១២ត្រូវបានក្រុមការងារឆ្លើយតបបន្ទាន់នៃមន្ទីរសុខាភិបាលខេត្ត ត្រួតពិនិត្យនិងធ្វើតេស្តរហ័សរកឃើញវិជ្ជមានកូវីដ១៩លើស្ត្រីម្នាក់កាលពីថ្ងៃទី១៧ ឧសភា ឆ្នាំ ២០២១ នៅច្រកអូឫស្សីកណ្តាល ឃុំអូរឫស្សីកណ្តាល ស្រុកសៀមបូក ខេត្តស្ទឹងត្រែង។
លោក ទន់ វុទ្ធី អនុប្រធានមន្ទីរសុខាភិបាលនិងជាប្រធានក្រុមការងារប្រយុទ្ធនឹងជំងឺឆ្លង បានបញ្ជាក់តាមរបាយការណ៍ជូនថ្នាក់ដឹកនាំថា ស្ត្រីម្នាក់ក្នុងចំណោមមនុស្ស១២នាក់ធ្វើដំណើរពីភ្នំពេញមកកាន់ខេត្តស្ទឹងត្រែងបានពិនិត្យនិងធ្វើតេស្តរហ័សឃើញ
វិជ្ជមានកូវីដ១៩។
ស្ត្រីម្នាក់ដែលរកឃើញករណីវិជ្ជមានខាងលើឈ្មោះ ទឹម ឆវី អាយុ៥០ មកពីភូមិទួលពង្រ សង្កាត់ចោមចៅ ខណ្ឌដង្កោ រាជធានីភ្នំពេញ បច្ចុប្បន្នរស់នៅភូមិព្រែក សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង ។
លោកបន្តថា មនុស្សទាំង១២នាក់ខាងលើ ក្នុងនោះមានប្រុស៤នាក់ ស្រី៨នាក់ បានធ្វើដំណើរតាមរថយន្តមួយគ្រឿងម៉ាកស៊ីណា ពាក់ស្លាកលេខ 2AQ.9204 ៕
ក្រោយពីពិនិត្យឃើញវិជ្ជមានកូវីដ១៩ ក្រុមការងារឆ្លើយតបរហ័សមន្ទីរសុខាភិបាលបានបញ្ជូនតាមរថយន្តសង្គ្រោះទៅព្យាបាលនៅមណ្ឌលកម្រិត២មន្ទីរពេទ្យខេត្ត។ចំណែកមនុស្ស១១នាក់ទៀតក្រុមការងារបានធ្វើតេស្តជាលើកទី១ហើយបញ្ជូនទៅធ្វើចត្តាឡីស័កនៅមណ្ឌលកម្រិត១ស្ថិតនៅសាលារៀនស្រុកសៀមបូកហើយកំពុងបន្តធ្វើតេស្តនិងយកសំណាកជាលើកទី២ក្រោយ៧២ម៉ោងម្តងទៀតដែលជាសំណាកប៉ះពាល់ដោយផ្ទាល់ ៕
ចែករំលែកព័តមាននេះ