ខេត្តត្បូងឃ្មុំ ៖ បើតាមសេចក្តីរាយការណ៍បានឱ្យដឹងថា មានសាកស.ពបុរសម្នាក់អាយុប្រហែលជា៣០ទៅ៤០ឆ្នាំ ស្លៀកខោជើងវែង មានសភាពហើមស្អុយបានរសាត់អណ្ដែតមកទើរនឹងបង្គោលដាក់ម៉ងមកត្រង់ចំណុចច្រាំងទន្លេ ស្ថិតក្នុងឃុំជីរោទ៍ទី១ ស្រុកត្បូងឃ្មុំ ។ ហើយតាមការសន្និដ្ឋានរបស់កម្លាំងសមត្ថកិច្ចរួមនឹងគណៈកម្មការចម្រុះ បានធ្វើការវាយតម្លៃថា សាកស.ពជនរងគ្រោះរូបនេះ គឺស្លា.ប់ដោយសារអំពើឃាត.កម្មដែលជាស្នាដៃរបស់ឃាត.ករពុំស្គាល់មុខ។ ហើយរហូតមកដល់ព្រឹកថ្ងៃទី១៧ ខែឧសភា ឆ្នាំ២០២១នេះ មិនទាន់មានសាច់ញាតិណាម្នាក់មកសួររកនៅឡើយទេ។
បើតាមសមត្ថកិច្ចនៅមូលដ្ឋានបានឲ្យដឹងថា ការប្រទះឃើញសាកស.ពអណ្តែតទឹកមិនស្គាល់អត្តសញ្ញាណរូបនេះ គឹកើតឡើងនៅថ្ងៃទី១៦ ខែឧសភា ឆ្នាំ២០២១ម្ល៉េះ។ ហើយដោយបានទទួលបញ្ជាពីលោកឧត្តមសេនីយ៍ត្រី ចក់ សុខកៅ ស្នងការរងស្តីទីផែនការងារនគរបាលព្រហ្មទណ្ឌ ការិយាល័យនគរបាលបច្ចេកទេស និងវិទ្យាសាស្ត្រ បានដឹកនាំកម្លាំងចុះសហការជាមួយកម្លាំងជំនាញនៃអធិការដ្ឋាននគរបាលស្រុកត្បូងឃ្មុំ និងនគរបាលប៉ុស្តិ៍រដ្ឋបាលជីរោទ៍ទី១ ចុះដល់កន្លែងកើតហេតុវេលាម៉ោង៩និង៣០នាទីព្រឹក ថ្ងៃទី១៦ ឧសភា ដើម្បីនាំគ្នាពិនិត្យកោសល្យវិច័យលើសាកស.ពជនរងគ្រោះដែលប្រទះឃើញនេះ។ ក្នុងនោះក៏មានការចូលរួមពីគ្រូពេទ្យមណ្ឌលសុខភាព និងអាជ្ញាធរភូមិ-ឃុំជីរោទិ៍ទី១ យើងបានបង្កើតគណៈកម្មការពិនិត្យ និងដោយបានការដឹកនាំសម្របសម្រួលពីលោក ហាក់ សៀកលីម ព្រះរាជអាជ្ញារងអមសាលាដំបូងខេត្តត្បូងឃ្មុំផងដែរ ។
បើតាមការបំភ្លឺពីឈ្មោះ សៅ សាន ភេទប្រុស អាយុ៤៣ឆ្នាំ ជាជនជាតិខ្មែរ រស់នៅភូមិជីរោទិ៍កណ្តាល ឃុំជីរោទិ៍ទី១ ស្រុកត្បូងឃ្មុំ ដែលជាសាក្សីឃើញផ្ទាល់ដំបូងបានលើកឡើងថា រូបគាត់ជាមួយនឹងអ្នកភូមិ២នាក់ទៀត ដោយម្នាក់ឈ្មោះ សន សំអូន ភេទប្រុស អាយុ៣១ឆ្នាំ និងម្នាក់ទៀតឈ្មោះ កេត ថុន ភេទប្រុស អាយុ៤៧ឆ្នាំ ។ ហើយនៅវេលាម៉ោងប្រមាណ៥ព្រឹក ថ្ងៃទី១៦ ឧសភា ពួកគាត់ទាំង៣នាក់ បាននាំគ្នាធ្វើដំណើរចេញពីផ្ទះទៅមើលមងដែលរាយនៅមាត់ទន្លេចំណុចកើតហេតុ ក៏ស្រាប់តែឈ្មោះ សន សំអូន បានប្រទះឃើញស.ពមនុស្សប្រុសម្នាក់អណ្តែតទឹកមកជាប់នឹងបង្គោលមងរបស់គាត់។
ប្រភពដដែលបន្តថា ភ្លាមៗនោះ ក៏បានឆោឡោប្រាប់គ្នា (អ្នកទៅជាមួយគ្នានោះ) និងបានរាយការណ៍មកប៉ុស្តិ៍នគរបាលរដ្ឋបាលជីរោទិ៍ទី១ ឱ្យបានដឹងជាព័ត៌មានតែម្តង។
ជាមួយគ្នានោះ ដោយមានការចង្អុលបង្ហាញពីសំណាក់លោកឧត្តមសេនីយ៍ត្រី ម៉ុន មាគ៌ា ស្នងការនគរបាលខេត្ត បានបញ្ជាមកលោកអធិការនគរបាលស្រុកត្បូងឃ្មុំ ដើម្បីបង្កើតគណៈកម្មការចម្រុះចុះពិនិត្យសាកស.ពជាបន្ទាន់។ ហើយបើតាមការពិនិត្យកន្លែងកើតហេតុ ស្ថិតនៅចំណុចក្បែរមាត់ទន្លេខាងលិចវត្តជីរោទិ៍ ចំងាយ ៣.២០០ម៉ែត្រ ក្នុងភូមិជីរោទិ៍កណ្តាល ឃុំជីរោទិ៍ទី១ ស្រុកត្បូងឃ្មុំនោះ គឺសាកស.ពជាមនុស្សប្រុសម្នាក់មិនស្គាល់អត្តសញ្ញាណ មានអាយុចន្លោះពី៣០ទៅ៤០ឆ្នាំ សម្បុរខ្មៅស្រអែម កំពស់១,៦៧ម៉ែត្រ ស្លៀកខោខ្លីជើងស្ទើរ ពណ៌ខៀវក្រម៉ៅ អត់មានពាក់អាវ អណ្តែតទឹកចំងាយ៧ម៉ែត្រ ពីមាត់ច្រាំងមកជាប់ទាក់ជាមួយបង្គោលឬស្សី (បង្គោលដាក់មង) កំពស់ទឹក០.៧០ម៉ែត្រ ។
ប្រភពដដែលបន្តថា ហើយស.ពជនរងគ្រោះ គឺមានស្លាកស្នាមផ្នែកក្បាល ហើយហើមស្អុយរលួយ មើលមុខមិនស្គាល់នោះទេ ផ្នែក.កមានសភាពទន់ (បាក់ឆ្អឹង.ក) ផ្នែកដងខ្លួនមានសភាពហើមស្បែករីកតឹង រីឯដៃទាំង២ និងជើងទាំង២មិនមានបាក់ឆ្អឹងនោះទេ រីឯស្បែកវិញមានសភាពរបើកដោយកន្លែង។ ដូច្នេះយោងតាមការពិនិត្យសាកស.ពបុរសរងគ្រោះមិនស្គាល់អត្តសញ្ញាណរូបនេះ គឺស្លា.ប់ដោយសារអំពើឃាត.កម្ម ។ បន្ទាប់ពីពិនិត្យចប់រួចរាល់ នៅវេលាម៉ោង១១និង៣០នាទីថ្ងៃខែឆ្នាំដដែល ដោយមានការឯកភាពពីលោកស្នងការនគរបាលខេត្ត និងបានការឯកភាពពីលោក ហាក់ សៀកលីម ព្រះរាជអាជ្ញារងអមសាលាដំបូងខេត្តត្បូងឃ្មុំ ក៏បានបង្កើតគណៈកម្មការបញ្ចុះស.ពជនរងគ្រោះនៅឯមាត់ច្រាំងទន្លេនោះតែម្តង។
ចំណែកលោកទឹក លាង មេឃុំជីរោទ៍ទី១ ក៏មានប្រសាសន៍ឲ្យដឹងដែរថា នៅត្រង់ចំណុចដែលប្រទះឃើញស.ពបុរសរងគ្រោះនេះ កន្លែងនោះគឺទឹកមិនបានហូរទេ ដូច្នេះសាកស.ពនេះអាចត្រូវមនុស្សមួយក្រុមវាយសម្លា.ប់ រួចដឹកយកមកទម្លាក់ចោលនៅទីនោះតែម្ដង ។ ហើយរហូតមកដល់ព្រឹកថ្ងៃទី១៧ ខែឧសភានេះ នៅមិនទាន់មានសាច់ញាតិណាម្នាក់មកសួររកនៅឡើយ។
ដោយឡែកប្រជាពលរដ្ឋរស់នៅតាមដងទន្លេ នៅក្នុងឃុំជីរោទ៍ទី១ និងតាមបណ្ដាឃុំនៅក្បែរនោះកម្លាំងសមត្ថកិច្ចក៏បានសាកសួររួចហើយដែរ ប៉ុន្តែមិនមានអ្នកណាម្នាក់បាត់បង់សមាជិកក្រុមគ្រួសារដែលមានសភាពដូចបែបនេះឡើយ៕
ចែករំលែកព័តមាននេះ