រាជធានីភ្នំពេញ ៖ រថយន្តដឹកកុងតឺន័ររបស់ក្រុមហ៊ុនផែស្ងួតតេងឡាយមួយគ្រឿងបើកបោះពួយក្នុងល្បឿនលឿនក៏ជ្រុលបុកក្បាលរបាំងថ្មខណ្ឌចែកទ្រូងផ្លូវពេញទំហឹង បណ្ដាលឲ្យបាក់ចំនួន៤កង់ ហើយរថយន្តបាក់ដាច់កង់ទាំងពីរផ្នែកខាងមុខ រងការខូចខាតយ៉ាងធ្ងន់ធ្ងរដែរ ។ ហេតុការណ៍គ្រោះថ្នាក់នេះ បានកើតឡើងកាលពីវេលាម៉ោងម៉ោង០៤និង៣០នាទីទៀបភ្លឺថ្ងៃទី១៧ ឧសភា…
រាជធានីភ្នំពេញ ៖ រថយន្តដឹកកុងតឺន័ររបស់ក្រុមហ៊ុនផែស្ងួតតេងឡាយមួយគ្រឿងបើកបោះពួយក្នុងល្បឿនលឿនក៏ជ្រុលបុកក្បាលរបាំងថ្មខណ្ឌចែកទ្រូងផ្លូវពេញទំហឹង បណ្ដាលឲ្យបាក់ចំនួន៤កង់ ហើយរថយន្តបាក់ដាច់កង់ទាំងពីរផ្នែកខាងមុខ រងការខូចខាតយ៉ាងធ្ងន់ធ្ងរដែរ ។ ហេតុការណ៍គ្រោះថ្នាក់នេះ បានកើតឡើងកាលពីវេលាម៉ោងម៉ោង០៤និង៣០នាទីទៀបភ្លឺថ្ងៃទី១៧ ឧសភា នៅតាមបណ្ដោយផ្លូវជាតិលេខ5 មុខអធិការនដ្ឋានរដ្ឋបាលជលផលចតុមុខ ស្ថិតក្នុងភូមិស្វាយប៉ាក់ សង្កាត់ស្វាយប៉ាក ខណ្ឌ
ឬស្សីកែវ រាជធានីភ្នំពេញ ។ បន្ទាប់ពីកើតមានគ្រោះថ្នាក់នេះ អ្នកបើកបរបានរត់គេចខ្លួនបាត់ស្រមោលតែម្តង ។
រថយន្តដែលបង្កគ្រោះថ្នាក់នោះម៉ាកFUSOស្លាកលេខភ្នំពេញ3C.0635 សណ្ដោងរឺម៉កដឹកកុងតឺន័រពាក់ស្លាកលេខព្រះសីហនុ 4A 03 74ជារថយន្តរបស់ក្រុមហ៊ុនផែស្ងួតតេងឡាយ។ តាមសាក្សីបានឲ្យដឹងថា នៅមុនពេលកើតហេតុគេឃើញរថយន្តដឹកកុងតឺន័រមួយគ្រឿងខាងលើ បានធ្វើដំណើរតាមផ្លូវជាតិលេខ 5 ក្នុងទិសដៅពីជើងទៅត្បូង។ នៅពេលធ្វើដំណើរមកដល់កន្លែងកើតហេតុ ក៏បានជ្រុលទៅបុកក្បាលរបាំងថ្មខណ្ឌចែកទ្រូងផ្លូវជាតិលេខ 5 ពេញទំហឹងបណ្ដាលឱ្យរបាំងថ្មបាក់បែករងការខូចខាតចំនួន 4 កង់។
ដោយឡែក រថយន្តបណ្ដាលឱ្យរងការខូចខាតធ្ងន់ធ្ងរដាច់កង់មុខទាំងពីរ និងបាក់ជន្ទាសហើយរថយន្តបានកិនកល់ជាប់នៅលើកំណាត់របាំងថ្ម។
ទាក់ទិនការកើតមានគ្រោះថ្នាក់ត្រូវបានខាងក្រុមហ៊ុនឲ្យដឹងថា បណ្ដាលមកពីបើកជែងរថយន្តមួយគ្រឿងរួចជួបឧបសគ្គមានម៉ូតូមួយគ្រឿងនៅពីមុខក៏បានទាញចង្កូតគេចទៅបុកក្បាលរបាំងថ្មពេញទំហឹងតែម្ដង។ ។ នៅព្រឹកនោះនគរបាលចរាចរណ៍ និងខាងម្ចាស់រថយន្តបានចាត់ចែងរៀបចំស្ទួចយកកុងតឺន័រទៅកាន់ការិយាល័យចរាចរផ្លូវគោក ដើម្បីដោះស្រាយសងការខូចខាតទ្រព្យសម្បត្តិសាធារណៈ ៕ ដោយ៖ ម៉េង ធា
ចែករំលែកព័តមាននេះ