រាជធានីភ្នំពេញ ៖ សមត្ថកិច្ចបានចុះបង្ក្រាបករណីជួញដូរ និងចែកចាយគ្រឿងញៀនមួយសំបុកកាលពីវេលាម៉ោង២ និង១៥នាទីរសៀល ថ្ងៃទី៣១ តុលា ២០១៥ នៅចំណុចតំបន់ត្រពាំងឈូក ស្ថិតក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ ដោយឃាត់ខ្លួនជនសង្ស័យបាន១៥នាក់(ស្រីម្នាក់) ព្រមទាំងដកហូតបានវត្ថុតាងមួយចំនួន ។
ប្រតិបត្តិការចុះបង្ក្រាបសំបុកគ្រឿងញៀននៅតំបន់ត្រពាំងឈូកនេះធ្វើឡើងដោយមានការសហការគ្នារវាងកម្លាំងកងរាជអាវុធហត្ថខណ្ឌទួលគោក និង កម្លាំងកងរាជអាវុធហត្ថរាជធានីភ្នំពេញ ព្រមទាំងមានការសម្របសម្រួលពីលោក គង់ សំសារ៉េត ព្រះរាជអាជ្ញារងអមសាលាដំបូងរាជធានីភ្នំពេញ ។
សមត្ថកិច្ចបានឲ្យដឹងថា ជនសង្ស័យដែលត្រូវបានឃាត់ខ្លួនមាន ១-ឈ្មោះ ម៉ន សេរីរ័ត្ន ភេទស្រី អាយុ១៨ឆ្នាំ មុខរបរមិនពិតប្រាកដ, ២-ឈ្មោះ សុខ វណ្ណៈ ភេទប្រុស អាយុ១៩ឆ្នាំ មុខរបរមិនពិតប្រាកដ ស្នាក់នៅក្នុងតំបន់ត្រពាំងឈូក, ៣-ឈ្មោះ គឹម យ៉ា ភេទប្រុស អាយុ១៨ឆ្នាំ, ៤-ឈ្មោះ វណ្ណ សំណាង ភេទប្រុស អាយុ២២ឆ្នាំ មុខរបរមិនពិតប្រាកដ ស្នាក់នៅភូមិទ្រា សង្កាត់ស្ទឹងមានជ័យ ខណ្ឌមានជ័យ, ៥-ឈ្មោះ ឡា ពេជ្រ សត្ថាវត្តិ ភេទប្រុស អាយុ២០ឆ្នាំ ស្នាក់នៅភូមិជម្ពូរវ័ន្ត សង្កាត់ចោមចៅ ខណ្ឌពោធិ៍សែនជ័យ, ៦-ឈ្មោះ យឹម បូរី ភេទប្រុស អាយុ២៤ឆ្នាំ មុខរបរកម្មករសំណង់ ស្នាក់នៅម្តុំផ្សារតូច សង្កាត់ទួលសង្កែ ខណ្ឌឫស្សីកែវ, ៧-ឈ្មោះ ប៊ុន គំរូ ភេទប្រុស អាយុ១៧ឆ្នាំ មុខរបរមិនពិតប្រាកដ ស្នាក់នៅភូមិអូរបែកក្អម សង្កាត់ទឹកថ្លា ខណ្ឌសែនសុខ, ៨-ឈ្មោះ ស្រី សុធា ភេទប្រុស អាយុ៣៣ឆ្នាំ មុខរបរលក់ដូរ ស្នាក់នៅម្តុំពេទ្យរុស្ស៊ី, ៩-ឈ្មោះ គឹម សៀង ភេទប្រុស អាយុ១៨ឆ្នាំ មុខរបរកម្មកររោងចក្រ ស្នាក់នៅភូមិព្រៃស្ពឺ សង្កាត់ចោមចៅ ខណ្ឌពោធិ៍សែនជ័យ, ១០-ឈ្មោះ ហាម ប៊ុនតាយ ភេទប្រុស អាយុ២៥ឆ្នាំ មុខរបរមិនពិតប្រាកដ ស្នាក់នៅសង្កាត់បឹងសាឡាង ខណ្ឌទួលគោក, ១១-ឈ្មោះ ស្នា ពន្លឺ ភេទប្រុស អាយុ២៣ឆ្នាំ មុខរបរកម្មកររោងចក្រ ស្នាក់នៅម្តុំបុរីសន្តិភាព សង្កាត់ចោមចៅ ខណ្ឌពោធិ៍សែនជ័យ, ១២-ឈ្មោះ ឡុង រិទ្ធី ភេទប្រុស អាយុ២២ឆ្នាំ មុខរបរកម្មករសំណង់ ស្នាក់នៅភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ, ១៣-ឈ្មោះ អឿន សាត ភេទប្រុស អាយុ២៥ឆ្នាំ មុខរបរកម្មកររោងចក្រ ស្នាក់នៅម្តុំបុរីសន្តិភាព២ សង្កាត់ចោមចៅ ខណ្ឌពោធិ៍សែនជ័យ, ១៤-ឈ្មោះ ឡុង និត ភេទប្រុស អាយុ២២ឆ្នាំ មុខរបរកម្មករសំណង់ ស្នាក់នៅភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ និង ១៥-ឈ្មោះ គឹម យ៉ា ភេទប្រុស អាយុ១៨ឆ្នាំ មុខរបរមិនពិតប្រាកដ ស្នាក់នៅស្រុកស្វាយជ្រុំ ខេត្តស្វាយរៀង ។
សមត្ថកិច្ចបន្តទៀតថា ក្នុងប្រតិបត្តិការនេះ សមត្ថកិច្ចដកហូតវត្ថុតាងមួយចំនួនរួមមាន ថ្នាំញៀនម៉ាទឹកក ក្រាមសថ្លា ១កញ្ចប់ធំ, ដបជក់៤ និងស្បោងច្រក២កញ្ចប់ ។
ក្រោយពេលចាប់ខ្លួន ជនសង្ស័យទាំង១៥នាក់ និងវត្ថុតាងទាំងអស់ត្រូវបានបញ្ជូនទៅទីបញ្ជាការកងរាជអាវុធហត្ថរាជធានីភ្នំពេញ ដើម្បីកសាងសំណុំរឿងចាត់ការតាមនីតិវិធីច្បាប់ ៕
ចែករំលែកព័តមាននេះ