វ៉ាក់សាំងស៊ីណូវ៉ាក់ចំនួន៥០ម៉ឺនដូសដែលកម្ពុជាបញ្ជាទិញ បានមកដល់ហើយ
- ភ្នំពេញ
រាជធានីភ្នំពេញ ៖ ដូចជាគ្រោងទុក វ៉ាក់សាំងស៊ីណូវ៉ាក់ចំនួន៥០ម៉ឺនដូស ដែលរាជរដ្ឋាភិបាលកម្ពុជាបញ្ជាក់ទិញពីមិត្តចិនបានមក
រាជធានីភ្នំពេញ ៖ ដូចជាគ្រោងទុក វ៉ាក់សាំងស៊ីណូវ៉ាក់ចំនួន៥០ម៉ឺនដូស ដែលរាជរដ្ឋាភិបាលកម្ពុជាបញ្ជាក់ទិញពីមិត្តចិនបានមក
រាជធានីភ្នំពេញ ៖ ដូចជាគ្រោងទុក វ៉ាក់សាំងស៊ីណូវ៉ាក់ចំនួន៥០ម៉ឺនដូស ដែលរាជរដ្ឋាភិបាលកម្ពុជាបញ្ជាទិញពីមិត្តចិនបានមកដល់កម្ពុជាហើយនៅថ្ងៃទី១៦ ឧសភា ឆ្នាំ២០២១។
កម្ពុជាបានត្រៀមរថយន្តរួចហើយសម្រាប់ដឹកវ៉ាក់សាំងស៊ីណូវ៉ាក់(Sinovac)ចំនួន៥០ម៉ឺនដូសទៀត ដែលមកដល់កម្ពុជាជាការស្រេច។
នៅព្រឹកថ្ងៃអាទិត្យ ទី១៦ ខែឧសភា ឆ្នាំ២០២១ វ៉ាក់សាំងកូវីដ១៩ របស់ក្រុមហ៊ុនស៊ីណូវ៉ាក់(Sinovac) ចំនួន៥០ម៉ឺនដូសបន្ថែមទៀត ដែលរាជរដ្ឋាភិបាលកម្ពុជា បានបញ្ជាទិញពីរដ្ឋាភិបាលចិននោះ នឹងដឹកមកដល់ប្រទេសកម្ពុជា ។
សូមជម្រាបថា វ៉ាក់សាំងស៊ីណូវ៉ាក់(Sinovac) ចំនូន៥០ម៉ឺនដូស ដែលដឹកមកដល់កម្ពុជានៅថ្ងៃទី១៦ ឧសភា គឺជាវ៉ាក់សាំងលើកទី៤ហើយ ដែលរាជរដ្ឋាភិបាលកម្ពុជាបានបញ្ជាទិញ ខណៈជើងទី១ មានចំនួន១.៥លានដូស បានដឹកមកដល់កម្ពុជា កាលពីថ្ងៃទី២៦ ខែមីនា និងជើងទី២ មានចំនួន៥០ម៉ឺនដូស ដឹកមកដល់កម្ពុជានៅថ្ងៃទី១៧ ខែមេសា និងជើងទី៣ ចំនួន៥០ម៉ឺនដូស ដឹកមកដល់កាលពីថ្ងៃទី ១១ ខែឧសភា ឆ្នាំ ២០២១។
សូមជម្រាបថា រាជរដ្ឋាភិបាលបានដាក់យុទ្ធសាស្ត្រដោយប្រើប្រាស់កំលាំងកងទ័ពធ្វើការចាក់វ៉ាក់សាំងជូនប្រជាពលរដ្ឋនៅក្នុងរាជធានីភ្នំពេញឲ្យអស់ ដើម្បីធ្វើការទប់ស្កាត់ជំងឺកូវីដ១៩ ឈានដល់លុបបំបាត់ព្រឹត្តិការណ៍សហគមន៍២០កុម្ភៈ។
រាជរាជរដ្ឋាភិបាលបានប្រើកំលាំងកងទ័ពរាប់ពាន់នាក់របស់ក្រសួងការពារជាតិក្នុងចាក់វ៉ាក់សាំងជូនពលរដ្ឋនៅក្នុងរាជធានីភ្នំពេញ។
វ៉ាក់សាំងកូវីដ១៩ ជាផ្នែកដ៏សំខាន់ក្នុងប្រតិបត្តិការប្រយុទ្ធប្រឆាំងជំងឺកូវីដ១៩ និងជួយការពារសុខភាពរបស់ប្រជាពលរដ្ឋពីការវាយប្រហារដោយជំងឺកូវីដ១៩។ រាជរដ្ឋាភិបាល កម្ពុជា បានដាក់ចេញយុទ្ធសាស្ត្រចាក់វ៉ាក់សាំងនេះឱ្យបានលឿន តាមដែលអាចធ្វើទៅបានជូនដល់ប្រជាពលរដ្ឋរបស់ខ្លួន។ ទន្ទឹមនឹងនេះ រាជរដ្ឋាភិបាលបានស្វះស្វែងរកវ៉ាក់សាំង ហើយបាននាំមកដល់នូវវ៉ាក់សាំងជាបន្តបន្ទាប់សម្រាប់ចាក់ជូនប្រជាពលរដ្ឋរបស់ខ្លួន។ វ៉ាក់សាំងកូវីដ១៩ ដែលកំពុងទទួលបាន ហើយកំពុងដំណើរការជូនប្រជាពលរដ្ឋនេះ គឺភាគច្រើនបំផុតជារបស់ប្រទេសចិន។
សូមរំលឹកថា កម្ពុជាទទួលបានវ៉ាក់សាំងជាង៤លានដូសរួចមកហើយ រួមមាន៖ ស៊ីណូហ្វាម(Sinopharm) ដែលជាជំនួយរបស់រដ្ឋាភិបាលចិន ១.៧លានដូស, វ៉ាក់សាំងស៊ីណូវ៉ាក់(Sinovac) ទិញពីចិនចំនួន២លានដូស និងវ៉ាក់សាំងអាស្ត្រាហ្សេនីកា( AstraZeneca ) ៣២៤,០០០ដូស ជាជំនួយរបស់ខូវ៉ាក់ តាមរយៈអង្គការ សុខភាពពិភពលោក(WHO)។ កម្ពុជានឹងស្វះស្វែងរកវ៉ាក់សាំង កូវីដ១៩ជាបន្តបន្ទាប់ទៀត ក្នុងការចាក់ជូនប្រជាពលរដ្ឋឱ្យបានជាង ១០លាននាក់ ដើម្បីបង្កើតភាពសាំ និងដើម្បីទប់ស្កាត់ការចម្លងរាលដាលដល់ប្រជាពលរដ្ឋទូទាំងប្រទេស៕
ចែករំលែកព័តមាននេះ