រូបភាពប្លែកៗគួរឱ្យចាប់អារម្មណ៍នៅលើពិភពលោក
១-ដៃ-ជើងសិប្បនិមិត្ត
ទាហានកូឡុំប៊ី ពិការដៃ-ជើងម្នាក់ ហ្វឹកហាត់នៅក្នុងមន្ទីរពេទ្យយោធា ក្រុងមេឌីលីន ខណៈពេលរដ្ឋាភិបាល និងក្រុមឧទ្ទាមទើបព្រមព្រៀងគ្នាកាលពីពេល ថ្មីៗកន្លងមក
១-ដៃ-ជើងសិប្បនិមិត្ត
ទាហានកូឡុំប៊ី ពិការដៃ-ជើងម្នាក់ ហ្វឹកហាត់នៅក្នុងមន្ទីរពេទ្យយោធា ក្រុងមេឌីលីន ខណៈពេលរដ្ឋាភិបាល និងក្រុមឧទ្ទាមទើបព្រមព្រៀងគ្នាកាលពីពេល ថ្មីៗកន្លងមក ដើម្បីបំផ្លាញមីនឱ្យអស់ពីក្នុងប្រទេស ។ កូឡុំប៊៊ីជាប្រទេសមានមីននៅសេសសល់ច្រើនស្ថិតនៅលំដាប់ទី៣ បន្ទាប់ពីអាហ្វហ្គានីស្ថាន និងកម្ពុជា ។
២-វាំងវប្បធម៌
វាំងវប្បធម៌ និងវិទ្យាសាស្ត្ររបស់ប៉ូឡូញ បានរចនាម៉ូដដោយលោកដេនៀល លៀបប៊ែសខាញ ស្ថាបនិកជនជាតិអាមេរិក ដោយសាងសង់នៅជាប់អគារខ្ពស់ និងស្ថិតនៅក្បែរស្ថានីយរថភ្លើងក្រោមដី ។
៣-រៀបការលើយន្តហោះ
លោកខេវិន គ្រីស្ទី សុំគូស្នេហ៍រៀបការលើយន្តហោះនៃជើងហោះហើរ «Fasyjet» ដោយមានអ្នកដំណើររាប់រយនាក់ធ្វើជាសាក្សី ។ លោកខេវិន បានលុតជង្គង់នៅចំពោះមុខគូស្នេហ៍ រួមទាំងនិយាយថា «អ្នកជានារីដ៏ស្រស់ស្អាតគួរឱ្យស្រឡាញ់» ។
៤-ស៊កក្បាលចូលមាត់ក្រពើ
លោកកាត វ៉ាយ សិល្បករជនជាតិបារាំងយកក្បាលស៊កចូលមាត់រូបចម្លាក់ក្រពើនៅតំបន់ហ្សង់ណេវីលីយេ ក្បែរក្រុងប៉ារីស ដើម្បីស្វាគមន៍កិច្ចប្រជុំស្ថានភាពអាកាសធាតុពិភពលោកប្រចាំឆ្នាំ២០១៥(COP21) ពីថ្ងៃទី៣០ វិច្ឆិកា ដល់ថ្ងៃទី១១ ធ្នូ ២០១៥ ។
៥-បំពេព្រលឹង
ក្មេងស្រីម្នាក់ពីមជ្ឈមណ្ឌលកុមារកំព្រា បានសម្តែងសិល្បៈក្នុងក្រុងបាដាដ ប្រទេសអីុរ៉ាក់ ដើម្បីលួងលោមផ្លូវចិត្តពលរដ្ឋដែលភ័យខ្លាចពីហេតុការណ៍សង្គ្រាមដែលអូសបន្លាយរយៈពេលយូរ ។
៦-គ្រោះថ្នាក់ពីការកាប់ឈើ
ក្រុមស្ត្រីដើរជាមួយសត្វលាដោយកាន់បន្លែដែលបេះក្នុងឧទ្យានជាតិឡាវីសស៊ីទ័រ ប្រទេសហៃទី ។ បច្ចុប្បន្នហៃទីបានបាត់បង់បន្លែធនធានធម្មជាតិប្រហែល៩៨% ព្រោះប្រទេសនេះបានកាប់ឈើព្រៃឈើ និងទន្ទ្រានយកដី ។
៧-៥០ឆ្នាំនៃការបញ្ចប់សង្គ្រាមនៅកាស្មៀរ
យន្តហោះរបស់កងទ័ពអាកាសប៉ាគីស្ថាន បានប្រារព្ធខួប៥០ឆ្នាំ នៃការបញ្ចប់សង្គ្រាមបែងចែកទឹកដីក្នុងតំបន់កាស្មៀរ រវាងឥណ្ឌា និងប៉ាគីស្ថាន កាលពីឆ្នាំ១៩៦៥ នៅក្រុងអីុស្លាម៉ាបាដ ប្រទេសប៉ាគីស្ថាន ដែលបច្ចុប្បន្នដែនដីនោះនៅតែមានភាពរកាំរកូសនឹងគ្នាជាបន្តបន្ទាប់ ។
៨-ស្វាតូច
«កាពូឈីន» យកផ្លែឈើដាក់លើក្បាល នៅសួនសត្វអូលម៉េន ប្រទេសបែលហ្ស៊ិក ។ ចាត់ទុកថាជាស្វាសែនឆ្លាត មកពីអាមេរិកខាងត្បូង ។
៩-សត្វ «ហ្គុដស៊ីលឡា» ឆ្លាក់ពីខ្សាច់
រូបចម្លាក់ខ្សាច់ជាសត្វហ្គុដស៊ីលឡា ស្ថិតក្នុងឧទ្យានសាធារណៈស៊ីនជូគូស៊ូអូ ក្រុងតូក្យូ ប្រទេសជប៉ុន បានដាក់តាំងបង្ហាញដល់ពលរដ្ឋដែលស្រឡាញ់ហ្គុដស៊ីលឡា កាលពីពេលថ្មីៗកន្លងទៅ ៕
ចែករំលែកព័តមាននេះ