សារព័ត៌មាននៅប្រទេសប៉ាគីស្ថាន កាលពីពេល ថ្មីៗកន្លងមកផ្សាយថា នាងសុននៀ ប៊ីប៊ី អាយុ២០ឆ្នាំ បានរៀបរាប់ប្រាប់ប៉ូលិសនៅមន្ទីរពេទ្យកាលពីថ្ងៃទី២៣ តុលា ២០១៥ថា នាងត្រូវគូស្នេហ៍លោកឡាទីហូ អាម៉េដ អាយុ២៤ឆ្នាំ ចាក់សាំងដុតទាំងរស់ព្រោះតែនាងបដិសេធមិនព្រមរៀបការ ។
វេជ្ជបណ្ឌិតនៅមន្ទីរពេទ្យ «នីស្តារ៍» ក្រុងមុលតាន ខេត្តពុនចាប ភាគកណ្តាលប្រទេសឱ្យដឹងថា រាងកាយរបស់នាងប៊ីប៊ី ប្រហែលពី៤៥ទៅ៥០% របួសដោយត្រូវភ្លើងឆេះ ប៉ុន្តែបច្ចុប្បន្ននាងបានរួចផុតពីគ្រោះថ្នាក់ដល់ជីវិតហើយ ។
ការបំផ្លាញរាងកាយនោះកើតឡើងនៅភូមិដាច់ស្រយាលមួយក្នុងស្រុកមុលតាន ខេត្តពុនចាប ។ ប៉ូលិសបានចាប់ខ្លួនបុរសបង្កហេតុ ក្រោយពីស្គាល់ភិនភាគតាមរយៈការរៀបរាប់របស់នារីរងគ្រោះ និងកំពុងស៊ើបអង្កេតបន្ត ។
លោកអាម៉េដ សារភាពថា គេចាក់សាំងដុតនាងប៊ីប៊ី ជាសង្សារព្រោះតែនាងមិនព្រមរៀបការជាមួយរូបគេ ដោយនាងនិយាយថាឈប់ស្រឡាញ់រូបគេហើយ ៕
ចែករំលែកព័តមាននេះ