កំពូល​ឆ្នាំ​ទាំង​៦​នេះ​សុទ្ធតែជាអ្នក​​មានសំណាង​ធំ​ប្រជុំ​លាភ​លុយ​នៅ​រសៀលថ្ងៃសីលនេះហើយ​ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

Picture

កំពូល​ឆ្នាំ​ទាំង​៦​នេះ​សុទ្ធតែជាអ្នក​​មានសំណាង​ធំ​ប្រជុំ​លាភ​លុយ​នៅ​រសៀលថ្ងៃសីលនេះហើយ​

1 ខែ មុន

ប្រុស​ស្រី​កើត​ឆ្នាំ​ទាំង​៦​នេះ​ពិតជា​អ្នកមាន​លាភ​មានសំណាង​ធំ ! គ្រូ​ហុងស៊ុយ​ចិន​សែ​បាន​ទស្សន៍​ទាយ​ថា នៅ​ថ្ងៃ​អង្គារ​ត្រូវ​សីលធំ​ស្អែក​នេះ​មហា​ឆ្នាំ​៦ ឆ្លូវ រោង ម្សាញ់ វក រកា កុរ…

ប្រុស​ស្រី​កើត​ឆ្នាំ​ទាំង​៦​នេះ​ពិតជា​អ្នកមាន​លាភ​មានសំណាង​ធំ ! គ្រូ​ហុងស៊ុយ​ចិន​សែ​បាន​ទស្សន៍​ទាយ​ថា នៅ​ថ្ងៃ​អង្គារ​ត្រូវ​សីលធំ​ស្អែក​នេះ​មហា​ឆ្នាំ​៦ ឆ្លូវ រោង ម្សាញ់ វក រកា កុរ លេខ​ឡើង​លាភ​សំណាង​៦២៩ ផុត​ទុក្ខ អស់​ភ័យ គ្រោះ​ចង្រៃ​អន្តរធាន​ទៅ ជួប​តែ​រឿង​ល្អ​ៗ​ចូល​មក​ក្នុង​ជីវិត មាន​លាភ មានសំណាង លុយ​ធំ​ហូរ​ចូល ការងារ​ជួញដូរ និង​ការងារ​រក​ទទួលទាន​មាន​លុយ​ចូល​មក​ផ្ទួន​ៗ ជោគជ័យ​ទាំង​ការងារ​តាម​ស្ថាប័ន ទាំង​ការងារ​ក្រុមហ៊ុន និង​ការងារ​ឯកជន​កាក់កប​ខ្លាំង ។

ឆ្នាំឆ្លូវ ពណ៌​នាំ​លាភ ក្រហម នៅ​ថ្ងៃ​អង្គារ​ស្អែក​នេះ​លោក​អ្នកមាន​លាភ​មាន​ជ័យ​មាន​លុយ​ចូល​ហូរហៀរ បើ​លោក​អ្នក​ចង់​ធ្វើការ​ដាក់​ទុន​រកស៊ី​ឬ​ចរចា​រឿង​សំខាន់​អ្វីមួយ​គឺជា​ឱកាសល្អ​បំផុត​នឹង​ទទួល​បាន​ផ្លែផ្កា​តប​មក​វិញ​ឥត​គណនា ។ រីឯ​បញ្ហា​ស្នេហា​គូ​ស្វាមីភរិយា កំលោះ​ក្រមុំ មេម៉ាយ ពោះម៉ាយ​មាន​តែ​ភាព​ស្រស់ស្រាយ​និង​ផ្អែមល្ហែម​រកគ្នា​ប្រពៃ​ណាស់ ។

ឆ្នាំរោង រាសី​ឡើង​ខ្ពស់ត្រដែត​ប្រកប​កិច្ចការ​អ្វី​តែង​ហុច​ផល​មក​វិញ​យ៉ាង​គាប់ប្រសើរ ។ នៅ​ថ្ងៃសីល​ស្អែក​នេះ​ជា​វេលា​ល្អ​បំផុត​ក្នុង​ការ​ធ្វើ​អ្វីមួយ​ទោះជា​ការងារ​ឯកជន​ឬ​ការងារ​ក្រុមហ៊ុន​តែង​ហុច​ផល​មក​វិញ​ជាទី​កក់ក្តៅ ។ ចំពោះ​អ្នក​ប្រកប​របរ​រកស៊ី​ជួញដូរ​វិញ​បើ​លោក​អ្នក​ចង់​បើកហាង​ថ្មី​ឬ​ផ្លាស់​ទីកន្លែង​លក់ដូរ​ក៏​ជា​ឱកាសល្អ​ប្រពៃ​ណាស់​លាភ​លុយ​ហូរ​ចូល​ដូច​ចាក់ទឹក ។ ការ​ធ្វើ​ដំណើរ​ទៅ​ទី​ឆ្ងាយ​ជិត​ជួប​តែ​សេចក្តីសុខ​ក្សេមក្សាន្ត​ទាំង​ពេល​ទៅ​និង​ត្រឡប់​មក​វិញ​។ រីឯ​សម្ព័ន្ធភាព​ស្នេហា​គូ​ស្វាមីភរិយា​កំលោះ​ក្រមុំ​មាន​តែ​ភាព​ស្រស់ស្រាយ​និង​យល់ចិត្ត​គ្នា​ប្រពៃ​ណាស់ ។

ឆ្នាំម្សាញ់ ដួង​រាសី​របស់​លោក​អ្នក​ឡើង​ខ្ពស់ត្រដែត​មានជោគ​មាន​ជ័យ​មាន​សិរី​សួស្តី​បវរ​មហាប្រសើរ​ហើយ​ដំណើរ​ជីវិត​មាន​ភាព​សុខដុម​គាប់ប្រសើរ​ណាស់ ។ ថ្ងៃ​អង្គារ​ស្អែក​នេះ​បើ​លោក​អ្នកធ្វើការ​ងារ​អ្វី​រមែង​បាន​ជោគជ័យ​ភ្លាម​ៗ មាស ប្រាក់​ហូរ​ចូល​ពេញ​ៗ​ដៃ ។ ចំណែក​អ្នក​ប្រកប​របរ​រកស៊ី​ជួញដូរ​មានការ​ទិញ​ចូល​លក់​ចេញ​ចំណេញ​លើសលប់ ។ រីឯ​សម្ព័ន្ធភាព​ស្នេហា​ប្រុស​ស្រី​មាន​តែ​ភាព​ផ្អែមល្ហែម​ស្រស់ស្រាយ​រកគ្នា​ជា​និច្ច ។

ឆ្នាំវក ពណ៌​នាំ​លាភ ទឹកក្រូច នៅ​ថ្ងៃស្អែក​នេះ​លោក​អ្នកមាន​លាភ​មាន​ជ័យ​មាន​លុយ​ចូល​ហូរហៀរ បើ​លោក​អ្នក​ចង់​ធ្វើការ​ដាក់​ទុន​រកស៊ី​ឬ​ចរចា​រឿង​សំខាន់​អ្វីមួយ​គឺជា​ឱកាសល្អ​បំផុត​នឹង​ទទួល​បាន​ផ្លែផ្កា​តប​មក​វិញ​ឥត​គណនា ។ ឯ​ការងារ​តាម​អង្គភាព ស្ថាប័ន ការងារ​ឯកជន ការងារ​តាម​ក្រុមហ៊ុន​ជោគជ័យ​កាន់តែ​ខ្លាំង ទទួលផល​កាន់តែ​ខ្ពស់ ។ រីឯ​បញ្ហា​ស្នេហា​គូ​ស្វាមីភរិយា កំលោះ​ក្រមុំ មេម៉ាយ ពោះម៉ាយ​មាន​តែ​ភាព​ស្រស់ស្រាយ​និង​ផ្អែមល្ហែម​រកគ្នា​ប្រពៃ​ណាស់ អ្នក​មិន​ទាន់​មាន​គូគាប់​ក៏​ដល់​គូជីវិត​នៅ​ចុងខែ​នេះ ។

ឆ្នាំរកា មហា​មនុស្ស​មានសំណាង រាសី​ឡើង​ខ្ពស់ត្រដែត​មាន​តែ​ភាព​ស្រស់ស្រាយ​និង​ស្នាមញញឹម សុខកាយ សប្បាយ​ចិត្តជា​និច្ច ព្រោះ​ជោគ​លាភ​ជោគ​សំណាង​កំណប់ទ្រព្យ​កប់​ក្នុង​ជីវិត​ឱ្យ​ផល ។ នៅ​ថ្ងៃសីល​ស្អែក​នេះ លោក​អ្នកមាន​លាភ​មាន​ជ័យ មានសំណាង​ខ្ពស់ មាន​លុយ មាស ប្រាក់​ហូរ​ចូល​ពេញ​ណែន​ហោប៉ៅ បើជា​អ្នក​ប្រកប​របរ​រកស៊ី​ជួញដូរ​វិញ​ទោះ​ចេញ​ធ្វើ​ជំនួញ​ទី​ជិត​ទី​ឆ្ងាយ​មានការ​លូតលាស់​ទៅ​មុខជា​និច្ច ឯ​ផល​កម្រៃ​ទៀត​សោត​ក៏​ចូល​មក​យ៉ាង​ក្រាស់ក្រៃ​គួរ​ជាទី​កក់ក្តៅ ។ ការ​ធ្វើ​ដំណើរ​ទៅ​ទី​ជិត​ឆ្ងាយ​ជួប​តែ​សុខក្សេមក្សាន្ត​ទាំង​ពេល​ទៅ​និង​ត្រឡប់​មក​វិញ ។ ចំពោះ​សម្ព័ន្ធភាព​ស្នេហា​ប្រុស​ស្រី​មាន​តែ​ភាព​ស្រស់ស្រាយ​និង​យល់ចិត្ត​គ្នា​គ្រប់​វេលា ។

ឆ្នាំកុរ លាភ​ធំ​ចាំង​ចូល​ក្នុង​ជីវិត​មាន​ហុងស៊ុយ​ល្អ​ង៉ូ​វ​ហេង​ឡើង​ខ្ពស់​សម្បូរ​លុយ​ចាយ​និង​មាន​លាភ​ធំ​ដទៃ​ទៀត​ចូល​មក​ក្នុង​ពេល​ដំណាលគ្នា​នេះ ។ តាម​ជើង​លេខ​បាន​បញ្ជាក់​ថា អ្នក​កើត​ឆ្នាំ​នេះ​នៅ​ថ្ងៃ​អង្គារ​ស្អែក​មាន​លាភ​មាន​ជ័យ​លុយ​ធំ​ចូល​មក​ហូរហៀរ និង​សម្រេច​រាល់​ការងារ​យ៉ាង​ល្អ​ប្រសើរ ៕ សាន សា​រិ​ន