សារព័ត៌មានដឹមីរ័រ របស់អង់គ្លេស កាលពីពេល ថ្មីៗកន្លងមកផ្សាយថា បុរសអាយុ៥៤ឆ្នាំ ជនជាតិបារាំងម្នាក់ត្រូវប៉ូលិសចាប់ខ្លួនពីបទអនុញ្ញាតឱ្យប្រពន្ធធ្វើជាស្រីពេស្យា ដោយក្នុងរយៈពេល៤ឆ្នាំ រួមភេទជាមួយបុរស២.៧៤២នាក់
សារព័ត៌មានដឹមីរ័រ របស់អង់គ្លេស កាលពីពេល ថ្មីៗកន្លងមកផ្សាយថា បុរសអាយុ៥៤ឆ្នាំ ជនជាតិបារាំងម្នាក់ត្រូវប៉ូលិសចាប់ខ្លួនពីបទអនុញ្ញាតឱ្យប្រពន្ធធ្វើជាស្រីពេស្យា ដោយក្នុងរយៈពេល៤ឆ្នាំ រួមភេទជាមួយបុរស២.៧៤២នាក់ និងរកប្រាក់បានជាង៥.០០០ផោន ក្នុងមួយខែ ។
បុរសនោះបង្កើតមុខជំនួញពីរាងកាយរបស់ប្រពន្ធអាយុ៤៦ឆ្នាំ នៅផ្ទះរបស់ខ្លួនក្នុងតំបន់មួយនាភាគខាងជើងក្រុងប៉ារីស ខណៈផ្ទះនោះរួមរស់ជាមួយកូនប្រុសអាយុ៥ឆ្នាំ ។
តុលាការឱ្យដឹងថា នៅពេលមានបុរសទៅរកស្ត្រីជាប្រពន្ធដើម្បីរួមរ័ក បុរសជាប្តី និងកូនលាក់ខ្លួននៅក្នុងរថយន្តដែលចតខាងក្រៅផ្ទះ ។
បុរសជាប្តីត្រូវចាប់ខ្លួនកាលពីសប្តាហ៍មុន ទោះបីជារបររកស៊ីផ្លូវភេទនោះសហការគ្នាទាំងប្តី និងប្រពន្ធក៏ដោយ ។ តុលាការសម្រេចដាក់កំហុសតែលើប្តីម្នាក់ ព្រោះជាអ្នកណែនាំអតិថិជនឱ្យប្រពន្ធ ខណៈពេលនាងមិនពេញចិត្តធ្វើជាស្ត្រីពេស្យាទេ ។ ទោះបីអាជីពពេស្យាជារឿងស្របច្បាប់នៅប្រទេសបារាំងក៏ដោយ ប៉ុន្តែការស្វែងរកអតិថិជនឱ្យប្រពន្ធបែបនេះជារឿងមិនត្រឹមត្រូវ ដោយតុលាការបានចោទប្រកាន់ថាជាការបង្កបទឧក្រិដ្ឋអាចជាប់គុក១០ឆ្នាំ ។ ទោះជាយ៉ាងណាក្តី បុរសនោះត្រូវបានធានាខ្លួនឱ្យនៅក្រៅឃុំ ៕
ចែករំលែកព័តមាននេះ