ខេត្តប៉ៃលិន ៖ យុវតីម្នាក់ត្រូវរថយន្តកិនចំក្បាលធ្លាយខួរស្លាប់ភ្លាមៗនៅនឹងកន្លែង ចំណែកម្នាក់ទៀតរងរបួសធ្ងន់ ត្រូវក្រុមគ្រួសារដឹកទៅសង្គ្រោះនៅមន្ទីរពេទ្យបង្អែកខេត្ត បន្ទាប់ពីជិះម៉ូតូបត់ឆ្វេងបម្រុងចូលសាលារៀនឯកជនមិនមើលក្រោយត្រូវរថយន្តសាំងយ៉ុងដឹកអ្នកដំណើរបើកបរក្នុងល្បឿនល្បឿនបុកចំពីក្រោយពេញទំហឹង រួចអូសជាង៥០ម៉ែត្រ។ ក្រោយកើតហេតុភ្លាមៗ អ្នកបើកបររថយន្តសាំងយ៉ុង និងអ្នករួមដំណើរទាំងអស់បានបើកទ្វាររថយន្តនាំគ្នារត់គេចខ្លួនបាត់ស្រមោល ។
ហេតុការណ៍នេះបានកើតឡើងកាលពីវេលាម៉ោង៤ និង៥០នាទីរសៀល ថ្ងៃទី២៦ តុលា ២០១៥ ស្ថិតនៅបណ្តោយផ្លូវជាតិលេខ៥៩ ទល់មុខវិទ្យាល័យហ៊ុនសែនសាលាក្រៅ ក្នុងភូមិថ្នល់ទទឹង ឃុំអូរអណ្តូង ស្រុកសាលាក្រៅ ។
ប្រភពព័ត៌មានពីសមត្ថកិច្ចនគរបាលចរាចរជើងគោកស្រុកសាលាក្រៅបានឱ្យដឹងថា ជនរងគ្រោះ ឈ្មោះ ម៉េន សាន់រ៉ា ភេទស្រី អាយុ២០ឆ្នាំ ជាសិស្ស ស្លាប់នៅនឹងកន្លែង និងជាអ្នកបើកបរម៉ូតូម៉ាកឌ្រីមពណ៌ខ្មៅ ស៊េរីឆ្នាំ២០០៥ ពាក់ស្លាកលេខប៉ៃលិន 1A- 0425 រងការខូចខាតទាំងស្រុង រស់នៅភូមិបឹងព្រលិត ឃុំស្ទឹងកាច់ ស្រុកសាក្រៅ និងឈ្មោះ សំ គន្ធា ភេទស្រី អាយុ១៩ឆ្នាំ របួសធ្ងន់ ជាសិស្សដូចគ្នា រស់នៅភូមិអូរបេ ង ឃុំស្ទឹងកាច់ ស្រុកសាលាក្រៅ ។
ចំណែកអ្នកបើកបររថយន្តត្រូវគេស្គាល់ឈ្មោះ ហ៊ូវ សុខម៉ាប់ ភេទប្រុស អាយុជាង៤០ឆ្នាំ ជាអ្នកបើកបររថយន្តឈ្នួល ម៉ាកសាំងយ៉ុង ពណ៌ទឹកប្រាក់ ពាក់ស្លាកលេខ ភ្នំពេញ 2AC-61 02 រងការខូចខាតផ្នែកខាងមុខស្រាល រស់នៅខេត្តកំពង់ចាម បន្ទាប់ពីបុកម៉ូតូអូសជាង៥០ម៉ែត្ររួច បានបើកទ្វាររថយន្តរត់គេចខ្លួនបាត់៕
ចែករំលែកព័តមាននេះ