១-រុស្ស៊ីប្រឆាំងនឹងអ្នកវាយបំបែករូបចម្លាក់
ជនជាតិរុស្ស៊ីនៅក្រុងសង់ពីទ័រស្ប៊ើក ជាង១.០០០នាក់ បានចូលរួមប្រឆាំងនឹងការវាយបំផ្លាញរូបចម្លាក់បិសាច មានអាយុ១០៥ឆ្នាំ កាលពីពេលថ្មីៗកន្លងមក ។ បច្ចុប្បន្នប៉ូលិសកំពុងស៊ើបអង្កេត និងរំពឹងថាអ្នកបំផ្លាញប្រហែលមានទំនាស់ផ្នែកសាសនា ។
២-ថ្លឹងទម្ងន់
បុគ្គលិកសួនសត្វថ្លឹងទម្ងន់សត្វផេនគ្វីននៅសួនសត្វក្រុងឡុងដ៍ ចក្រភពអង់គ្លេស ដែលក្នុងមួយឆ្នាំកើតមានម្តង ដើម្បីតាមដានការរីកលូតលាស់របស់វា ។
៣-ពិធីបុណ្យរដូវក្តៅនៅជប៉ុន
អ្នករបាំជប៉ុននាំគ្នាតែងកាយក្នុងឈុតប្រចាំប្រទេស រួមទាំងកាន់ផ្លិតរេរាំលើដងផ្លូវក្នុងពិធី«ស៊ុបពើរយូសាកូអុី ២០១៥» ។ ពិធីនោះរៀបចំឡើងនៅក្រុងតូក្យូ ជារៀងរាល់ឆ្នាំរយៈពេល២ថ្ងៃ ។
៤-រូបមនុស្សអវកាស
រូបមនុស្សអវកាសកើតចេញពីការច្នៃម៉ូដរបស់លោកជឺរ៉េមីស្កុត បានទទួលរង្វាន់ក្នុងពិធីផ្តល់រង្វាន់ «អឹមធីវី វីដេអូ មុយស៊ិក» នៅរោងល្ខោន ម៉ៃក្រូសហ្វ ក្រុងឡូសអេនចឺឡេស ។
៥-រថយន្តកែងចោត
កម្មករខាត់ស្បែកជើងជនជាតិអីុរ៉ង់ បានតភ្ជាប់កេសធ្វើជារថយន្តកែងចោត និងបើកបរលើដងផ្លូវក្នុងក្រុងតេហេរ៉ង់ ។ ក្រៅពីបង្កើតចំណាប់អារម្មណ៍ដល់អតិថិជននោះជួយឱ្យជំនួញរបស់គេកាន់តែកាក់កបឡើង។
៦-ប្រគល់អាកាសយានដ្ឋាន
ទាហានអាហ្វហ្គានីស្ថានតម្រង់ជួរឡើងយន្តហោះដឹកជញ្ជូនស្បៀង «C-130» នៅមូលដ្ឋានទ័ពអាកាសក្រុងកាន់ដាហាជាអាកាសយានដ្ឋានមួយដែលទ័ពណាតូបង្កើតឡើងក្នុងពេលប្រយុទ្ធជាមួយពួកតាលីបង់ បានប្រគល់ជូនរដ្ឋាភិបាលអាហ្វហ្គានីស្ថាន យកទៅកែច្នៃជាអាកាសដ្ឋានស៊ីវិល ក្នុងឧស្សាហកម្មទេសចរណ៍ ។
៧-តុក្កតាដូរ៉េម៉ុន
បុរសកូរ៉េម្នាក់បានថតរូបតុក្កតា «ដូរ៉េម៉ុន»ក្នុងពិព័រណ៍នៅក្រុងសេអ៊ូល កូរ៉េខាងត្បូង ។
៨-ឧស្សាហកម្មដង្កូវនាង
ដង្កូវរាងស៊ីស្លឹកមន ក្នុងកសិដ្ឋានចិញ្ចឹមដង្កូវនាង ក្រុងបាន់កា រដ្ឋភីហា ប្រទេសឥណ្ឌា គឺជាគម្រោងមួយដែលរដ្ឋាភិបាលទ្រទ្រង់ឱ្យពលរដ្ឋរួចផុតពីភាពក្រីក្រ ៕
ចែករំលែកព័តមាននេះ