ខេត្តបាត់ដំបង ៖ កូនប្រុសអតីតមន្ត្រីយោធាម្នាក់ ត្រូវមន្ត្រីកងរាជអាវុធហត្ថឃាត់ខ្លួន កាលពីរសៀសថ្ងៃទី០៨ ខែឧសភា ឆ្នាំ២០២១ ស្ថិតនៅក្នុងភូមិចំការឬស្សី សង្កាត់ព្រែកព្រះស្ដេច ក្រុងបាត់សំបង…
ខេត្តបាត់ដំបង ៖ កូនប្រុសអតីតមន្ត្រីយោធាម្នាក់ ត្រូវមន្ត្រីកងរាជអាវុធហត្ថឃាត់ខ្លួន កាលពីរសៀសថ្ងៃទី០៨ ខែឧសភា ឆ្នាំ២០២១ ស្ថិតនៅក្នុងភូមិចំការឬស្សី សង្កាត់ព្រែកព្រះស្ដេច ក្រុងបាត់សំបង ដោយសារតែរក្សាទុកនូវអាវុធជាតិផ្ទុះ ដែលជាកេរ្តដំណែលរបស់ឪពុកដែលនៅសេសសល់តាំងពីសម័យសង្គ្រាម ហើយមិនព្រមប្រគល់ជូនសមត្ថកិច្ច ក្រោយពីគាត់ទទួលមរណភាព។
មន្ត្រីកងរាជអាវុធហត្ថ បានឲ្យដឹងថា ជនសង្ស័យដែលត្រូវឃាត់ខ្លួនខាងលើឈ្មោះ សាំ សុខបញ្ញាវ័ន ភេទប្រុស អាយុ២៥ឆ្នាំ មានមុខរបរជាងដែក រស់នៅភូមិ សង្កាត់ខាងលើ។
ប្រភពដដែលបន្តថា ជនរូបនេះត្រូវបានឃាត់ខ្លួន ជាមួយនឹងការរកឃើញនូវអាវុធជាតិផ្ទុះ រួមទាំងសម្ភារៈយោធាជាច្រើន ដែលជាកេរ្តិ៍ដំណែលរបស់ឪពុកដែលជាអតីតជាមន្ត្រីយោធា ខណៈពេលដែលជននេះបានរក្សាទុកនៅក្នុងផ្ទះខ្លួនរហូតមកដល់សព្វថ្ងៃនេះ ដោយមិនព្រមប្រគល់ជូនសមត្ថកិច្ច ឬអាជ្ញាធរឡើត។
យោងតាមរបាយការណ៍របស់សមត្ថកិច្ចបានឱ្យដឹងថា វត្ថុតាងដែលបានដកហូតរួមមាន៖ កាំភ្លើង M16 ចំនួន១ដើម មានបង់ចំនួន១០ និងមានគ្រាប់ចំនួន២៤២គ្រាប់ បង់ AK47 ចំនួន០៤ មានគ្រាប់ចំនួន៦៤គ្រាប់ និងមានគ្រាប់ខ្ចិបចំនួន៧គ្រាប់ បង់ម៉ាត់តាយ៉ែតចំនួន២ និងមានគ្រាប់ចំនួន៩គ្រាប់ មីនចំនួន៤គ្រាប់ ទូសសៀចំនួន០១ ស្បែកជើងកវែងយោធាចំនួន០២គួ ឯកសណ្ឋានយោធាប៉ារ៉ាចំនួន០១កំប្លេ និងអាវភ្លៀងយោធាចំនួន០១។
លោក សូ ឌី ប្រធានមន្ទីរយុត្តិធម៌ នៃបញ្ជាការកងរាជអាវុធហត្ថខេត្ត បាននិយាយថា ជនសង្ស័យខាងលើនេះ ត្រូវបានឃាត់ខ្លួនដោយជាប់ពាក់ព័ន្ធនឹងការកាន់កាប់ ឬដឹកជញ្ជូនអាវុធគ្មានការអនុញ្ញាត ហើយជននេះ ក៏បានរក្សាទុកអាវុធជាតិផ្ទុះ និងសម្ភារៈយោធាទាំងនេះនៅក្នុងផ្ទះផងដែរ ។
បើតាមចម្លើយរបស់ជនសង្ស័យរូបនេះបានឱ្យដឹងថា កាកសំណល់សង្គ្រាមទាំងនេះ គឺជាកេរដំណែលរបស់ឪពុកខ្លួនដែលជាអតីតមន្ត្រីយោធា។
លោកបានប្រាប់ថា ក្រោយពីឪពុកស្លា.ប់ទៅ ជននេះមិនបានប្រគល់អាវុធជាតិផ្ទុះ និងសម្ភារៈយោធាទាំងនោះជូនសមត្ថកិច្ច ឬអាជ្ញាធរនោះទេ បែរជាលាក់ទុកនៅក្នុងផ្ទះយ៉ាងស្ងាត់ស្ងៀម។ ដោយឡែកពាក់ព័ន្ធនឹងការឃាត់ខ្លួនវិញ បើតាមលោក សូ ឌី បានបញ្ជាក់ថា ពិតមែនតែជនសង្ស័យបានលាក់ទុកអាវុធយុទ្ធភ័ណ្ឌទាំងនេះ តែជននេះមិនបានយកទៅប្រើប្រាស់ ឬឈានដល់ការប្រព្រឹត្តបទល្មើសនៅឡើយទេ។ ប៉ុន្តែអ្នកភូមិបានប្រទះឃើញដោយចៃដន្យនូវសម្ភារៈយោធាទាំងនេះ ដែលជននេះបានលាក់ទុកនៅក្នុងផ្ទះ ទើបរាយការណ៍ជូនកម្លាំងកងរាជអាវុធហត្ថ ដើម្បីចុះត្រួតពិនិត្យ និងដកហូតតែម្ដង។
បើតាមចម្លើយជនសង្ស័យថា ខ្លួនពិតជាបានរក្សាទុកនូវសម្ភារៈយោធាទាំងនេះមែន ដែលជាកេរដំណែលសេសសល់ពីឪពុកខ្លួនដែលជាអតីតមន្ត្រីយោធា តែគាត់បានស្លា.ប់ហើយ។ ខ្លួនមិនដែលប្រើប្រាស់អាវុធ ឬឯកសណ្ឌានយោធាទាំងនេះ តែខ្លួនរក្សាទុក ព្រោះតែចង់លក់យកលុយប៉ុណ្ណោះ។
ទោះយ៉ាងណា លោក សូ ឌី បានបញ្ជាក់ថា ពេលនេះ លោកមេបញ្ជាការ កងរាជអាវុធហត្ថខេត្ត បានបញ្ជាឲ្យមន្ត្រីជំនាញ សួរនាំជនសង្ស័យ ដើម្បីកសាងសំណុំរឿងបញ្ជូនទៅសាលាដំបូងខេត្តហើយ រីឯគ្រាប់យុទ្ធភ័ណ្ឌមួយចំនួន និងត្រូវប្រគល់ជួនមន្ត្រីស៊ីម៉ាក់យកទៅកំទេចចោល៕
ចែករំលែកព័តមាននេះ