ហ៊ានម៉្លេះ! អូសដៃ​ស្ត្រីម្នាក់​ចូលបន្ទប់គ្លីនិក ប៉ងអីៗ លុះប្អូននាងមកទាន់ស្រែកឆោឡោ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

Picture

ហ៊ានម៉្លេះ! អូសដៃ​ស្ត្រីម្នាក់​ចូលបន្ទប់គ្លីនិក ប៉ងអីៗ លុះប្អូននាងមកទាន់ស្រែកឆោឡោ

1 ខែ មុន
  • Phnom Penh

រាជធានី​ភ្នំពេញ​ ៖ ​បុរស​ម្នាក់​បាន​ផឹកស្រា​ស្រវឹង​ហើយ​ដើរ​ចូល​ទៅ​កាន់​គ្លី​និ​ច​មួយ​កន្លែង​បានឃើញ​ស្ត្រី​ម្នាក់​ដែល​ជា​អ្នក​ស្គាល់គ្នា​និង​ជា​អ្នក​មើល​ការ​ខុស​ត្រូវ​គ្លីនិក​នោះ ក៏​មាន​អារម្មណ៍​ពុះកញ្ជ្រោល​ចង់​រួមមេត្រី ។ ​

រាជធានី​ភ្នំពេញ​ ៖ ​បុរស​ម្នាក់​បាន​ផឹកស្រា​ស្រវឹង​ហើយ​ដើរ​ចូល​ទៅ​កាន់​គ្លី​និ​ច​មួយ​កន្លែង​បានឃើញ​ស្ត្រី​ម្នាក់​ដែល​ជា​អ្នក​ស្គាល់គ្នា​និង​ជា​អ្នក​មើល​ការ​ខុស​ត្រូវ​គ្លីនិក​នោះ ក៏​មាន​អារម្មណ៍​ពុះកញ្ជ្រោល​ចង់​រួមមេត្រី ។ ​បន្ទាប់​មក​ក៏​បាន​ចាប់​អូស​ដៃ​នាង​ចូល​ទៅ​ក្នុង​បន្ទប់​សម្រាប់​ព្យាបាល​អ្នកជម្ងឺ​រួច​រុញ​ផ្ដួល​នាង​ឲ្យ​ដួល​​ទៅ​​លើ​គ្រែពេទ្យ ហើយ​​បំរុងធ្វើសកម្មភាព​ចាប់​រំលោ.ភ ចំណែក​នាង​បាន​ខំ​រើ​​បំរះ​​ដែរ ​តែ​រើ​ពុំ​រួច​ឡើយ ។ ពេល​នោះ​ជា​សំណាងល្អ​ ស្រាប់តែ​បងប្អូន​របស់​​ស្ត្រីរងគ្រោះ​​ចូល​ទៅ​ទាន់​ ហើយ​​ស្ត្រីរងគ្រោះ​ក៏​មានឱកាស​ស្រែក ​និង​រើ​រួច​ បន្ទាប់​មក​បងប្អូន​របស់ស្ត្រីរងគ្រោះ​បាន​​ចាប់ខ្លួន​ជនសង្ស័យ​ប្រគល់​ជូន​នគរបាល​ដើម្បី​សាកសួរ​និង​កសាង​សំណុំរឿង​ចាត់ការ​តាម​ផ្លូវច្បាប់​។

ហេតុការណ៍​​ខាងលើ​នេះ​បានបង្កការ​ភ្ញាក់​ផ្អើល​​កើតឡើង​កាលពី​វេលា​ម៉ោង​៦​និង​៣០​នាទី​​យប់​ថ្ងៃ​ទី​៨ ខែឧសភា ឆ្នាំ​២០២១ នៅ​ក្នុង​នៅ​ក្នុង​បន្ទប់​ព្យាបាល​ជម្ងឺ​គ្លីនិក​​មួយកន្លែង ស្ថិត​ក្នុង​ខណ្ឌ​ពោធិ៍​សែន​ជ័យ រាជធានី​ភ្នំពេញ​។

ជនសង្ស័យ​ខាងលើ​ឈ្មោះ​ឃុ​ត ម៉​ង់​ចំណាប់ អាយុ​៣៨​ឆ្នាំ មុខរបរ​មិន​ពិតប្រាកដ មាន​ទីលំនៅ​ផ្ទះ​លេខ​២៦B ភូមិ​ក្តី​ចាស់ សង្កាត់​បាក់​ខែង ខណ្ឌ​ជ្រោយចង្វារ រាជធានី​ភ្នំពេញ​។ ចំណែក​​ស្ត្រី​រង​គ្រោះ​មានអាយុ​៣៧​ឆ្នាំ ជា​អ្នក​ជួយ​មើល​ការ​ខុស​ត្រូវ​គ្លីនិក​ខាងលើ​ឲ្យ​បងប្អូន​។

តាម​ប្រភព​ព័ត៌មាន​បាន​ឲ្យ​ដឹង​ថា ជនសង្ស័យ​និង​នារី​រង​គ្រោះ​គឺជា​អ្នក​ស្គាល់គ្នា​យូរ​មក​ហើយ​ដែរ ដោយឡែក​នៅ​មុន​ពេល​កើតហេតុ​ជនសង្ស័យ​ស្រវឹងស្រា​ហើយ​បាន​ដើរ​ចូល​ទៅ​ក្នុង​គ្លីនិក​ខាងលើ​និង​បានឃើញ​នា​រីង​គ្រោះ​កំពុង​ស្ថិត​នៅ​ទីនោះ​ធ្វើ​ឲ្យ​រូបគេ​មាន​អារម្មណ៍​ចង​រួមមេត្រី​ជាមួយ​នាង​ ។​ បន្ទាប់​មក​ជន​នេះ​ក៏​បាន​ទាញ​ដៃ​នាង​ចូល​ទៅ​ក្នុង​បន្ទប់​សម្រាប់​ព្យាបាល​អ្នកជម្ងឺ​រួច​រុញ​ផ្ដួល​នាង​​ទៅ​លើ​គ្រែពេទ្យ ហើយ​បំរុងធ្វើសកម្មភាព​ចាប់រំលោ.ភ ​។ ​ពេល​នោះ​​ស្ត្រី​រង​គ្រោះ​បាន​ខំ​រើ​​បំរះ​ដែរ ​តែ​រើ​ពុំ​រួច​ឡើយ ហើយ​នៅ​ខណៈ​ពេល​ជនសង្ស័យ​កំពុង​ធ្វើ​សកម្មភាព​ ​ស្រាប់តែ​បងប្អូន​របស់​​ស្ត្រីរងគ្រោះ​បាន​ចូល​ទៅ​ទាន់​ស្រែក​ឆោឡោ ទើប​​ស្ត្រី​រង​គ្រោះ​មានឱកាស​បាន​រើ​បំរះ​រួច បន្ទាប់​មក ក៏​ចាប់ខ្លួន​ជនសង្ស័យ​ប្រគល់​ជូន​នគរបាល​ប៉ុស្តិ៍​ចោម​ចៅ​ទី​៣​ដើម្បី​សាកសួរ​និង​កសាង​សំណុំរឿង​បញ្ជូន​ទៅ​សាលាដំបូង​រាជធានី​ភ្នំពេញ​ចាត់ការ​តាម​ច្បាប់​តែ​ម្ដង​៕

Picture