ខេត្តកណ្តាល៖ បន្ទាប់ពីជួបសំណេះសំណាល និងផ្តល់រង្វាន់លើកទឹកចិត្តដល់សិស្សានុសិស្សដែលប្រឡងជាប់សញ្ញាបត្រមធ្យមសិក្សាទុតិយភូមិនាពេលថ្មីៗកន្លងមកនេះ នៅព្រឹកថ្ងៃទី២៦ តុលា ២០១៥ នៅអគារភោជនីយដ្ឋានរមណីយដ្ឋានធម្មជាតិកៀនស្វាយក្រៅ ស្ថិតក្នុងឃុំភូមិធំ ស្រុកកៀនស្វាយ លោកម៉ក់ ពេជ្ជរិទ្ធ និងលោកង៉ោ សុវណ្ណ អនុប្រធានគណៈពង្រឹងមូលដ្ឋានគណបក្សប្រជាជនកម្ពុជាស្រុកកៀនស្វាយ តំណាងឱ្យលោកបណ្ឌិតឌុល គឿន បានដឹកនាំក្រុមការងារគណៈពង្រឹងតាមមូលដ្ឋានរួមនិងអាជ្ញាធរស្រុក ភូមិ ភូមិបានបន្តចុះជួបសំណេះសំណាល និងផ្តល់រង្វាន់លើកទឹកចិត្តដល់សិស្សានុសិស្សថ្នាក់ទី១២ចំនួន៣១៧នាក់ដែលប្រឡងសញ្ញាបត្រមធ្យមសិក្សាទុតិយភូមិធ្លាក់ក្នុងឆ្នាំ២០១៥នេះ។
សិស្សដែលប្រឡងធ្លាក់បាក់ឌុបទាំង៣១៧នាក់នេះ មកពីវិទ្យាល័យជ័យវរ្ម័នទី៧ ស្ថិតក្នុងឃុំដីឥដ្ឋ និងវិទ្យាល័យសិរីដីដុះ ស្ថិតក្នុងឃុំសំរោងធំ ស្រុកកៀនស្វាយ៕
ចែករំលែកព័តមាននេះ