នៅក្នុងគម្ពីរព្រះអភិធម្មបានពន្យល់ថា ជរានិងមរណៈកើតមានព្រោះជាតិជាបច្ច័យ មានអវិជ្ជាជាមេចងសត្វទាំងអស់ឱ្យរងទុក្ខនៅក្នុងវាលវដ្តសង្សារ ។ បណ្ដាជរានិងមរណៈនោះ ជរាតើដូចម្ដេច ? សេចក្ដីចាស់គ្រាំគ្រា ធ្មេញបាក់ សក់ស្កូវ…
នៅក្នុងគម្ពីរព្រះអភិធម្មបានពន្យល់ថា ជរានិងមរណៈកើតមានព្រោះជាតិជាបច្ច័យ មានអវិជ្ជាជាមេចងសត្វទាំងអស់ឱ្យរងទុក្ខនៅក្នុងវាលវដ្តសង្សារ ។
បណ្ដាជរានិងមរណៈនោះ ជរាតើដូចម្ដេច ? សេចក្ដីចាស់គ្រាំគ្រា ធ្មេញបាក់ សក់ស្កូវ ស្បែកជ្រួញជ្រីវ ការរួញថយនៃអាយុ ការចាស់ទុំនៃឥន្ទ្រិយទាំងឡាយណា របស់សត្វទាំងឡាយនោះៗ ក្នុងសត្តនិកាយនោះៗ នេះហៅថាជរា ។
បណ្ដាជរានិងមរណៈនោះ មរណៈតើដូចម្ដេច ? ការច្យុត ការឃ្លាត ការបែកធ្លាយ ការបាត់បង់ មច្ចុ មរណៈ កាលកិរិយា ការបែកធ្លាយនៃខន្ធទាំងឡាយ ការដាក់ចុះនូវសាកសព ការផ្ដាច់ផ្ដិលនូវជីវិតណា ចាកសត្តនិកាយនោះៗ របស់សត្វទាំងឡាយនោះៗ នេះហៅថាមរណៈ ។
ជរានេះផង មរណៈនេះផង នេះហៅថាជរានិងមរណៈ កើតមានព្រោះជាតិជាបច្ច័យ មានអវិជ្ជា តណ្ហាជាមេចងឆ្វាក់ដោយប្រការដូច្នេះឯង ៕ សាន សារិន
ចែករំលែកព័តមាននេះ