ខេត្តបន្ទាយមានជ័យ ៖ បុរសម្នាក់ឈ្លក់នឹងសម្លម្ជូរកង្កែប បណ្តាលឲ្យបាត់បង់ជីវិតភ្លាមៗ ខណៈពេលកំពុងហូបបាយ ដែលហេតុការណ៍ភ្ញាក់ផ្អើលនិងកម្រកើតឡើងនេះនៅថ្ងៃទី០៧ ឧសភា ឆ្នាំ២០២១ នៅភូមិគោកត្រាច ឃុំឈ្នួរមានជ័យ…
ខេត្តបន្ទាយមានជ័យ ៖ បុរសម្នាក់ឈ្លក់នឹងសម្លម្ជូរកង្កែប បណ្តាលឲ្យបាត់បង់ជីវិតភ្លាមៗ ខណៈពេលកំពុងហូបបាយ ដែលហេតុការណ៍ភ្ញាក់ផ្អើលនិងកម្រកើតឡើងនេះនៅថ្ងៃទី០៧ ឧសភា ឆ្នាំ២០២១ នៅភូមិគោកត្រាច ឃុំឈ្នួរមានជ័យ ស្រុកព្រះនេត្រព្រះ ខេត្តបន្ទាយមានជ័យ ។
ប្រភពពីនគរបាលស្រុកព្រះនេត្រព្រះបានឲ្យដឹងថា ជនរងគ្រោះដែលស្លា.ប់ឈ្មោះសាត រើន ភេទប្រុស អាយុ៤៩ឆ្នាំ មានប្រពន្ធឈ្មោះភួង រ៉ាន
អយុ៤៨ឆ្នាំ គ្រួសារនេះរស់នៅភូមិគោកត្រាច ឃុំឈ្នួរមានជ័យ ស្រុកព្រះនេត្រព្រះ ខេត្តបន្ទាយមានជ័យ ។
របាយការណ៍បានបញ្ជាក់ដែរថា នៅមុនពេលកើតហេតុ បើតាមការរៀបរាប់បំភ្លឺរបស់ស្ត្រីជាប្រពន្ធបានប្រាប់សមត្ថកកិច្ចថា គាត់និងប្តីរបស់គាត់បានរៀបចំហូបបាយពេលល្ងាច គឺមានសម្លម្ជូរកង្កែបសម្រាប់ហូបជាមួយបាយ ពេលកំពុងហូបប្តីរបស់គាត់បានដួសទឹកសម្លហុត ក៏ស្រាប់តែឈ្លក់និងមានអាការៈអន្ទះអន្ទែង ពេលនោះគាត់និងអ្នកជិតខាងបានជួយរឺតនិងធ្វើចលនាយ៉ាងណាក៏មិនអាចជួយសង្គ្រោះ ជីវិតប្តីរបស់គាត់បាន ។
លោកវរសេនីយ៍ឯកមាស ប្ញទ្ធី អធិការនគរបាលស្រុកព្រះនេត្រព្រះ បានបញ្ជាក់ផងដែរថា៖ ក្រោយពីទទួលបានព័ត៌មាន យើងបានបង្កើតគណៈកម្មការត្រួតពិនិត្យសពដែលមាន សមាសភាព ១-នគរបាលផ្នែកពិនិត្យនិងវិភាគកន្លែងកើតហេតុ,២-នគរបាលផ្នែកព្រហ្មទណ្ឌ
៣-នគរបាលប៉ុស្តិ៍ឈ្នួរមានជ័យ,៤-គ្រូពេទ្យមណ្ឌលសុខភាពឃុំឈ្នួរមានជ័យ,៥-លោកក្រុមប្រឹក្សាឃុំឈ្នួរមានជ័យ,៦-លោកមេភូមិគោកត្រាច,៧-ប្រពន្ធកូនបង្កើតរបស់សាកសព។
ក្រោយពីបានធ្វើការត្រួតពិនិត្យលើខ្លួនប្រាណសាកសពពុំឃើញមានសញ្ញារឺស្នាកស្នាមអ្វីដែលទាក់ទងនិងអំពើឃាតកម្មនោះឡើយ ម្យ៉ាងវិញទៀត ស្ត្រីជាប្រពន្ធរបស់សពបាននិយាយថា ការស្លា.ប់របស់ប្តីគាត់គឺដោយសារឈ្លក់នឹងទឹកសម្លម្ជូរកង្កែប ៕ ដោយ៖ ណុប រក្សា
ចែករំលែកព័តមាននេះ