រាជធានីភ្នំពេញ ៖ កម្លាំងប៉ូលិសខណ្ឌសែនសុខ ដឹកនាំដោយលោកព្រំ សន្ធ ស្នងការរងប៉ូលិសរាជធានីភ្នំពេញ ទទួលបន្ទុកកណ្តាលយុត្តិធម៌, លោកម៉ក់ ហុង អធិការនគរបាលខណ្ឌសែនសុខ និងលោកអភិបាលរងខណ្ឌ បានរួមគ្នាបើកយុទ្ធនាការចុះបង្ក្រាបគ្រឿងញៀន និងចាប់ទូហ្គេមបាញ់ត្រីក្នុងលក្ខណៈទ្រង់ទ្រាយធំ នាវេលារសៀលថ្ងៃទី២៤ តុលា ២០១៥ នេះ ស្ថិតនៅតំបន់ស្មុគ្រស្មាញក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ ។
ការចុះបង្ក្រាបនោះ ត្រូវកម្លាំងឃាត់ជនសង្ស័យប្រើប្រាស់ និងជួញដូរថ្នាំញៀនប្រុស-ស្រីបានចំនួនជាង៣៥នាក់ និងរឹបអូសទូហ្គេមបានចំនួន១២ទូផងដែរ ។
គួរកត់សម្គាល់ថា ក្នុងភូមិត្រពាំងឈូកដែលជាតំបន់អនាធិបតេយ្យ និងសំណង់មិនរៀបរយដែលពោរពេញទៅដោយមុខសញ្ញាប្រើប្រាស់ ចែកចាយគ្រឿងញៀន និងបទល្មើសជាច្រើន ។
ជាមួយនឹងការចុះបង្ក្រាបនោះ ក៏មានមតិរិះគន់ថា ហេតុអ្វីការបង្ក្រាបនោះមិនចេះអស់សោះ ឬក៏បង្ក្រាបតែមួយភ្លើងចំបើងទេដឹង? បានជាធ្វើឱ្យមានបទល្មើស ក៏ដូចជាមុខសញ្ញាគ្រឿងញៀនសម្ងំលាក់ខ្លួនក្នុងភូមិត្រពាំងឈូកនោះ កើតឡើងវិញជារៀងបរាល់
ថ្ងៃ ។
មតិខ្លះបន្តថា ប្រហែលជាលោកមេប៉ុស្ដិ៍ជាប់ពាក់ព័ន្ធនឹងផលប្រយោជន៍ខាងលើនេះហើយ ។
ចែករំលែកព័តមាននេះ