ខេត្តកណ្តាល ៖ កម្លាំងនគរបាលប៉ុស្តិ៍រដ្ឋបាលពាមរាំង សហការជាមួយកម្លាំងជលផលស្រុកលើកដែក និងកម្លាំងប្រជាសហគមន៍ឃុំពាមរាំង សរុបកម្លាំង១២នាក់ និងទូក៣គ្រឿង ដែលដឹកនាំដោយលោក មាស សាន់ ប្រធានជលផលស្រុកលើកដែក ចេញប្រតិបត្តិការចុះបង្ក្រាបបទល្មើសនេសាទនៅរសៀលថ្ងៃទី២៣ តុលា ២០១៥ នេះ នៅក្នុងភូមិសាស្ត្រឃុំពាមរាំង ។
ក្នុងប្រតិបត្តិការបង្ក្រាបខាងលើ កម្លាំងចម្រុះរឹបអូសបានឧបករណ៍នេសាទខុសច្បាប់ដែលជនល្មើសបានលួចធ្វើសកម្មភាព មានដូចជា របាំងស្បៃមុងប្រវែង៣.៥០០ម៉ែត្រ បង្គោល១.១០០ និងលែងកូនត្រីគ្រប់ប្រភេទចំនួន១៥០គីឡូក្រាម ចូលទៅក្នុងទឹកបឹងផងដែរ ។
ឧបករណ៍នេសាទខុសច្បាប់ដែលរឹបអូសខាងលើ បានប្រគល់ឱ្យកម្លាំងជំនាញជលផលដើម្បីយកទៅបំផ្លាញចោល ៕
ចែករំលែកព័តមាននេះ