រាជធានីភ្នំពេញ ៖ សម្តេចតេជោ ហ៊ុន សែន បានបញ្ជាក់ថា មានសុខភាពល្អប្រសើរធម្មតា ក្រោយពីធ្វើចត្តាឡីស័ករយៈពេល១៤ថ្ងៃក្រោយមកពីចូលរួមកិច្ចប្រជុំកំពូលអាស៊ាននៅប្រទេសឥណ្ឌូនេស៊ីកាលពេលកន្លងមកនេះ ។ …
រាជធានីភ្នំពេញ ៖ សម្តេចតេជោ ហ៊ុន សែន បានបញ្ជាក់ថា មានសុខភាពល្អប្រសើរធម្មតា ក្រោយពីធ្វើចត្តាឡីស័ករយៈពេល១៤ថ្ងៃក្រោយមកពីចូលរួមកិច្ចប្រជុំកំពូលអាស៊ាននៅប្រទេសឥណ្ឌូនេស៊ីកាលពេលកន្លងមកនេះ ។
សម្តេចតេជោ បានសរសេរលើបណ្តាញសង្គមមុននេះថា«ថ្ងៃនេះខ្ញុំបានបញ្ចប់ការធ្វើចត្តាឡីស័ករយៈពេល១៤ថ្ងៃបន្ទាប់ពីគ្រូពេទ្យយកសំណាកទៅពិនិត្យ និងបញ្ជាក់ថា ខ្ញុំពុំមានកូវីដ១៩នោះទេ។
មុនទៅឥណ្ឌូនេស៊ី និងក្រោយត្រឡប់មកវិញខ្ញុំត្រូវធ្វើតេស្តរហូត៤ដង និងត្រូវរស់នៅម្នាក់ឯងរយៈពេល១៤ថ្ងៃ ដែលនេះជាវិធានការសុខាភិបាលដែលគ្រប់គ្នាត្រូវតែគោរព»។
សូមជម្រាបថា កាលពីពេលកន្លងមកនោះទោះបីការឆ្លងជំងឺកូវីដ១៩នៅក្នុងប្រទេសកម្ពុជាកាន់តែច្រើនមកពីព្រឹត្តិការណ៍សហគមន៍២០កុម្ភៈ ក្តីដោយមិនអាចអតវត្ថមានក្នុងកិច្ចប្រជុំសម្តេចបានដឹកនាំគណៈប្រតិភួកម្ពុជាទៅចូលរួមផ្ទាល់នៅកិច្ចប្រជុំអាស៊ាននៅប្រទេសឥណ្ឌូនេស៊ី៕
ចែករំលែកព័តមាននេះ