១-ប្រកួតសម្រស់ឆ្កែ
«ហេប៊ីតរូច» ជាឆ្កែពូជយ៉កសៀ ធើរៀ ត្រូវម្ចាស់តុបតែងខ្លួនចូលរួមប្រកួតសម្រស់ឆ្កែ អន្តរជាតិនៅក្រុងឡៃស៊ីក ភាគខាងកើតប្រទេសអាល្លឺម៉ង់ ។
២-បុណ្យលម្អផ្កានៅអ៊ុយក្រែន
ស្ត្រីអ៊ុយក្រែនម្នាក់សំកាំងដៃយកលំនាំផ្កាដែលលម្អជារូបបក្សីសំកាំងស្លាបនៅក្នុងពិព័រណ៍ផ្កាលើកទី៦០ នៅក្រុងកៀវ ប្រទេសអ៊ុយក្រែន និងជាបុណ្យឯករាជ្យរបស់អ៊ុយក្រែន ដើម្បីបង្ហាញសក្តានុពលរបស់ប្រទេសក្នុងនាមជាអ្នកនាំចេញផ្កា ។
៣-ទាមទារសិទ្ធិបង្ហាញដើមទ្រូង
ក្រុមសកម្មជននាំគ្នាបង្ហាញសុដន់ដើរជាក្បួននៅញូវយ៉កដើម្បីទាមទារសិទ្ធិឱ្យចេញច្បាប់អនុញ្ញាតដល់ស្ត្រីបង្ហាញដើមទ្រូងស្របច្បាប់ដូចបុរស ។
៤-ស្រាពិសេស
លោកដូមីនីកេ ប៉ូតេ ជាអ្នកស្នងបិតស្រាជំនាន់ទី៩ នៅប្រទេសបារាំង ឈរនៅមុខឡាំងឈើ ពេញដោយស្រាពិសេសរបស់អូស្ត្រាលី នៅរោងចក្របិតស្រាក្នុងតំបន់យ៉ារ៉ាវ៉ាលឡេ ក្រុងខូលស្ទ្រីម ប្រទេសអូស្ត្រាលី ។
៥-កុំសម្លាប់ខ្ទីង
លោកម៉ាកូ អេស្ប៊ីណូឡា ជនជាតិកាណាដា ប្រើខ្សែទាក់គោជល់ ឬខ្ទីង នៅក្នុងពិធីបុណ្យ «តូរ៉ង់តូ អាហ្គោដា» រៀបចំឡើងនៅក្រុងប៊្រេមតុន រដ្ឋអុនតារីយ៉ូ ប្រទេសកាណាដា ។ អ្នកចូលរួមក្នុងពិធីនោះត្រូវព្យាយាមប្រើខ្សែទាក់ ខណៈពេលគោជល់ទទួលការថែរក្សាពីអាជ្ញាធរកាណាដា ដោយគ្មានការសម្លាប់ដូចនៅអេស្ប៉ាញ ។
៦-របកគំហើញ ដើមឈើដ៏ចំណាស់
មហាវិទ្យាល័យឥណ្ឌាណា សហរដ្ឋអាមេរិកបានបង្ហាញរបកគំហើញឈើមួយដើម ដោយបញ្ជាក់ថា ជាគ្រោងឈើបុរាណក្នុងទឹកសាប ចាត់ទុកថាជាដើមផ្កាចំណាស់មានអាយុប្រហែលពី ១២៥ទៅ១៣០លានឆ្នាំ ។
៧-បុរសឈ្នះលើការសម្រកទម្ងន់
លោកហ្សារ៉េដ ហ្វកហ្គើល ជនជាតិអាមេរិក បង្ហាញខោខូវប៊យ ដែលធ្លាប់ស្លៀកពេលនៅធាត់ធ្វើជាភស្តុតាងបញ្ជាក់ជោគជ័យក្នុងការសម្រកទម្ងន់បានលឿន និងមានរាងសង្ហា ៕
ចែករំលែកព័តមាននេះ