ខេត្តតាកែវ ៖ យ៉ាងហោចណាស់ តូបលក់ដូរចំនួន៣៥តូប ក្នុងផ្សារត្រាំកក់ ឃុំត្រាំកក់ ស្រុកត្រាំកក់ ត្រូវបានអគ្គីភ័យឆាបឆេះស្ទើរតែទាំងស្រុង ហើយ១៥តូបទៀតបានទទួលរងឆាបឆេះអស់មធ្យម ដោយសារមានការអន្តរាគមន៍ពីរថយន្តពន្លត់អគ្គីភ័យរបស់ស្នងការដ្ឋាននគរបាលខេត្ត បានទាន់ពេលវេលា ។
ដែលហេតុការនេះបានកើតឡើង នៅថ្ងៃទី០៥ ខែឧសភា ឆ្នាំ២០២១ វេលាម៉ោង១៨ និង២០នាទី ។
លោក សាយ វណ្ណៈ អភិបាលរងស្រុកត្រាំកក់ បានអោយដឹងថា តូបដែលអគ្គិភ័យលេបត្របាក់ ឆេះអស់ចំនួន៥០តូប ខូចខាតសម្ភារៈទាំងស្រុង ចំនួន៣៥តូប ខូចខាតតិចតូចចំនួន១៥តូប (មិនទាន់គិតវាយតម្លៃជាសាច់ប្រាក់បាន និងមិនបណ្តាលឲ្យមានរងរបួសដល់មនុស្សឡើយ) ។
លោកអភិបាលរងស្រុកបានបន្តទៀតថា មូលហេតុដែលឆេះ គឺមកពីផ្ទុះសេខ្សែភ្លើង ដោយចេញពីតូបលក់ស្បែកជើង និងតូបលក់សម្លៀកបំពាក់ជាប់ផ្លូវពីខាងលិច រួចក៏រាលដាកដល់តូបជាប់ៗគ្នាយ៉ាងសន្ធោសន្ធៅដោយម្ចាស់តូបម្នាក់ៗបានត្រឹមតែឈរមើលដោយក្តីសោកស្តាយតែប៉ុណ្ណោះភ្លាមៗនោះ ក៏ឃើញលោកសុខ សំណាង ស្នងការនគរបាលខេត្តចុះទៅដល់ដឹកនាំរថយន្តពន្លត់អគ្គីភ័យបាញ់ទឹកពន្លត់អស់ចំនួន១៨ រថយន្តទើបភ្លើងបានរលុតទាំងស្រុងបាន តែមកដល់ពេលនេះយើងមិនទាន់អាចវាយតម្លៃ ចំពោះការខូចទំនិញក្នុងតូបបានទេ ៕
ចែករំលែកព័តមាននេះ