ប្រទេសឥណ្ឌូណេស៊ី ៖ អគ្គនាយកប្រតិបត្តិរបស់គ្រឹះស្ថានអភិវឌ្ឍន៍សេដ្ឋកិច្ច និងហិរញ្ញវត្ថុ (INDEF) លោកស្រី Enny Sri Hartati ថ្លែងថា ៖ «ក្រៅតែពីការផ្តល់នូវឥណទានដែលមានអត្រាការប្រាក់ទាប
ប្រទេសឥណ្ឌូណេស៊ី ៖ អគ្គនាយកប្រតិបត្តិរបស់គ្រឹះស្ថានអភិវឌ្ឍន៍សេដ្ឋកិច្ច និងហិរញ្ញវត្ថុ (INDEF) លោកស្រី Enny Sri Hartati ថ្លែងថា ៖ «ក្រៅតែពីការផ្តល់នូវឥណទានដែលមានអត្រាការប្រាក់ទាប រដ្ឋាភិបាលចាំបាច់ត្រូវផ្គត់ផ្គង់ដល់បណ្តាសហគ្រាសខ្នាតតូចនិងមធ្យម ជាមួយនឹងព័ត៌មានស្តីពីផលិតផលដែលគេចង់បានផងដែរ ជាពិសេសក្នុងទីផ្សារបរទេស» ។
លោកស្រីបន្ថែមថា ៖ «ការងារនេះ គួរតែត្រូវបានទទួលរ៉ាប់រងដោយគ្រឹះស្ថានបច្ចេកទេសក្រោមចំណុះក្រសួងមួយចំនួន ជាពិសេសបញ្ជីរាយនាមឈ្មោះស្ថាប័នជំនួញតែម្តង ។ ហិរញ្ញវត្ថុមានការជួយជ្រោមជ្រែងពីរដ្ឋាភិបាលសម្រាប់អ្នកដែលមានបំណងចង់បើកអាជីវកម្មជារឿងសំខាន់ ប៉ុន្តែព័ត៌មានពីផលិតផលដែលគេចង់បានលើទីផ្សារបរទេស គឺមិនមែនជាការបន្ទាន់ឡើយ» ។
ផែនការសេដ្ឋកិច្ចលើកទី៤ ដែលបានប្រកាសកន្លងមក គឺផ្តោតលើការកែទម្រង់ប្រាក់ឈ្នួល និងការធ្វើឲ្យកាន់តែទូលំទូលាយចំពោះនីតិវិធីឥណទានសម្រាប់បណ្តាសហគ្រាសខ្នាតតូច តាមរយៈកម្មវិធីឥណទានខ្នាតតូច (KUR) និងឥណទានសម្រាប់ការនាំចេញទំនិញ ។
លោកស្រីឲ្យដឹងទៀតថា ៖ «ទីភ្នាក់ងារហិរញ្ញវត្ថុនាំចេញរបស់ឥណ្ឌូណេស៊ី (LPEI) នឹងជួយដល់ផ្នែកហិរញ្ញវត្ថុ ប៉ុន្តែចាំបាច់ត្រូវមានការផ្សារភ្ជាប់នឹងកិច្ចខិតខំប្រឹងប្រែងក្នុងការបើកឲ្យមានដំណើរការនៃព័ត៌មានអំពីទីផ្សារ ។ ម្យ៉ាងទៀត វានឹងក្លាយជាកាកសំណល់ ប្រសិនបើផលិតផលនោះមិនអាចជួយទ្រទ្រង់ទីផ្សារអន្តរជាតិបាន» ។
រដ្ឋមន្ត្រីហិរញ្ញវត្ថុ លោក Bambang Brodjonegoro បានសង្កត់ធ្ងន់ថា ៖ «ឥណ្ឌូណេស៊ីត្រូវការអភិវឌ្ឍផលិតផលឧស្សាហកម្មរបស់ខ្លួនដើម្បីបង្កើនតម្លៃទំនិញ ។ ក្រៅពីការធ្វើឲ្យប្រសើរឡើងវិញនូវហេដ្ឋារចនាសម្ព័ន្ធ អនាគតរបស់ឥណ្ឌូណេស៊ី គឺផលិតផលកែច្នៃដែលមិនមែនត្រឹមតែជាវត្ថុធាតុដើមនោះឡើយ» ៕
ចែករំលែកព័តមាននេះ