សារព័ត៌មានបរទេសផ្សាយថាស្ថានីយទូរទស្សន៍មួយរបស់រុស្ស៊ីកាលពីថ្ងៃទី១៤ តុលា២០១៥ បានផ្សាយវីដេអូស្តីពីខ្លាឃ្មុំព្រៃមួយក្បាលដើរវង្វេងផ្លូវចូលទៅក្នុងហាងទំនើបមួយនៅក្រុងកាបារ៉ូវ ភាគខាងកើតប្រទេសរុស្ស៊ី ជាប់ព្រំដែនប្រទេសចិន ។ នៅវេលាអធ្រាត្រកាមេរ៉ាសុវត្ថិភាពរបស់ហាងបានបង្ហាញរូបខ្លាឃ្មុំព្រៃមួយក្បាលនោះដើរវង្វេងចូលហាងទំនិញ និងរត់ចូលទៅទីតាំងកម្សាន្តរបស់កុមារនៅក្បែរនោះ ។ ប៉ូលិសបានរត់តាមបាញ់ខ្លាឃ្មុំនោះជាច្រើនគ្រាប់បណ្តាលឱ្យងាប់នៅកន្លែងកម្សាន្តរបស់កុមារ ។
អង្គភាពផ្នែកស៊ើបអង្កេតរបស់រុស្ស៊ីបានស្រាវជ្រាវពីករណីប៉ូលិសបាញ់ខ្លាឃ្មុំដែលមានអាយុប្រហែលពី២ទៅ៣ឆ្នាំ ស្ថិតក្នុងវ័យបន្តពូជនោះ ៕
ចែករំលែកព័តមាននេះ