រាជធានីភ្នំពេញ ៖ យុវជនម្នាក់បានស្លា.ប់ភ្លាមៗនៅនឹងកន្លែងកើតហេតុ និង៣នាក់រងរបួសធ្ងន់ ខណៈពេលជិះម៉ូតូគេចខ្លួនពីក្រុមក្មេងស្ទាវដេញតាមកា.ប់ពីក្រោយជ្រុលទៅបុកពីក្រោយរថយន្តពេញទំហឹង
រាជធានីភ្នំពេញ ៖ យុវជនម្នាក់បានស្លាប់ភ្លាមៗនៅនឹងកន្លែងកើតហេតុ និង៣នាក់រងរបួសធ្ងន់ ខណៈពេលជិះម៉ូតូគេចខ្លួនពីក្រុមក្មេងស្ទាវដេញតាមកាប់ពីក្រោយជ្រុលទៅបុកពីក្រោយរថយន្តពេញទំហឹង កាលពីវេលាម៉ោង១១ និង១០នាទីយប់ ថ្ងៃទី២២ តុលា ២០១៥ នៅចំណុចកើតហេតុតាមបណ្តោយវេងស្រេង កែងផ្លូវចូលដីថ្មី ស្ថិតក្នុងសង្កាត់ស្ទឹងមានជ័យ ខណ្ឌមានជ័យ ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញក្មេងមួយក្រុមជិះម៉ូតូជិត១០គ្រឿងបានជិះប្រដេញគ្នានៅតាមបណ្តោយផ្លូវវេងស្រេង ពេលមកដល់ចំណុចកើតហេតុមានម៉ូតូពីរគ្រឿង
ទីមួយម៉ាក Suzuki Let’s ពណ៌ស ពាក់ស្លាកលេខភ្នំពេញ1FI-6452 ជិះគ្នាពីរនាក់ ម្នាក់ជាជនរងគ្រោះដែលស្លាប់មានឈ្មោះ យ៉េន ទិត្យវង្សា អាយុ១៨ឆ្នាំ មុខរបរជាកម្មករសំណង់ ស្នាក់នៅ ភូមិព្រៃញ្ញត ឃុំប្រធាតុ ស្រុកកំពង់ត្របែក ខេត្តព្រៃវែង។
ម៉ូតូទីពីរម៉ាកSuzuki nex ពណ៌ខ្មៅ ពាក់ស្លាកលេខភ្នំពេញ 1CM-0733 ចាប់ហ្វ្រាំងមិនទាន់ក៏ជ្រុលទៅបុកពីក្រោយរថយន្តមួយគ្រឿងម៉ាក Luxus RX300 ដែលបើកបរតាមបណ្តោយផ្លូវវេងស្រេងស៊ីញ៉ូបត់ឆ្វេងចូលទៅផ្លូវដីថ្មី បណ្ដាលឱ្យយុវជនម្នាក់ស្លាប់នៅនឹងកន្លែង ហើយ២នាក់ទៀតរងរបួសបាក់ជើងទាំង២នាក់ ដោយឡែកម្នាក់ទៀតបានរត់ចេញពីកន្លែងកើតហេតុ៕
ចែករំលែកព័តមាននេះ