ខេត្តបាត់ដំបង៖ កិច្ចប្រជុំរបស់គណៈកម្មការប្រយុទ្ធប្រឆាំងនឹងកូវីដ-១៩ ដឹកនាំដោយលោក ងួន រតនៈ អភិបាលនៃគណៈអភិបាលខេត្តបាត់ដំបង បានដឹកនាំកិច្ចប្រជុំពិភាក្សាការអនុវត្តវិធានការរដ្ឋបាល និងវិធានសុខាភិបាល ដើម្បីទប់ស្កាត់ការឆ្លងរីករាលនៃជំងឺកូវីដ-១៩ ក្នុងភូមិសាស្ត្រខេត្តបាត់ដំបង…
ខេត្តបាត់ដំបង៖ កិច្ចប្រជុំរបស់គណៈកម្មការប្រយុទ្ធប្រឆាំងនឹងកូវីដ-១៩ ដឹកនាំដោយលោក ងួន រតនៈ អភិបាលនៃគណៈអភិបាលខេត្តបាត់ដំបង បានដឹកនាំកិច្ចប្រជុំពិភាក្សាការអនុវត្តវិធានការរដ្ឋបាល និងវិធានសុខាភិបាល ដើម្បីទប់ស្កាត់ការឆ្លងរីករាលនៃជំងឺកូវីដ-១៩ ក្នុងភូមិសាស្ត្រខេត្តបាត់ដំបង ដែលរៀបចំឡើងនៅក្នុងសាលាខេត្ត ថ្ងៃទី៤ ឧសភា ឆ្នាំ២០២១ ។
លោកឱសថបណ្ឌិត វឿង ប៊ុនរេត ប្រធានមន្ទីរសុខាភិបាលនៃរដ្ឋបាលខេត្តបាត់ដំបង បានសង្ខេបជូនអង្គប្រជុំស្តីពីវឌ្ឍនភាពនៃការងារគ្រប់គ្រងទប់ស្កាត់ការឆ្លងរីករាលដាលនៃជំងឺកូវីដ-១៩ ដោយបានលើកឡើងអំពីកត្តាកំណត់ជោគជ័យចម្បង ៥ និងយុទ្ធសាស្ត្ររហ៍ស៤គឺ៖
១-រហ័សរកឱ្យឃើញ (ប្រជាជនម្នាក់ ជាភ្នាក់ងារម្នាក់)
២-រហ័សដាក់ដាច់ដោយឡែក
៣-ហ័សរាយការណ៍ (ជូនអាជ្ញាធរ សមត្ថកិច្ច និងសុខាភិបាល)
៤-រហ័សពិនិត្យ(ធ្វើតេស្ត) និងព្យាបាល។
ចំពោះការចាក់វ៉ាក់សាំងជូនមន្ត្រីរាជការ កម្លាំងសមត្ថកិច្ច និងអតីតយុទ្ធជន ប្រភេទ Sinopharm, Sinovac ទី១,ទី២ការពិនិត្យ ព្យាបាល សំខាន់ផ្តោតលើពលករចំណាកស្រុក ដែលបានវិលត្រឡប់ពីប្រទេសថៃមកវិញ និងពង្រឹងការត្រួតពិនិត្យតាមមូលដ្ឋានជាប្រចាំដោយក្តាប់ឲ្យបានចំនួនអ្នកចេញចូលប្រចាំថ្ងៃផងដែរ ។ រីឯបញ្ហាមួយទៀត គឺរឿងអ្នករត់តាក់ស៊ីអាចប្រឈមខ្លាំង សូមអាជ្ញាធរក្រុងជួយអប់រំផ្សព្វផ្សាយបន្ថែម ជាពិសេស នៅបេនឡាន បើអាចឱ្យគាត់ប្រើសៀវភៅ ប៊ិច សម្រាប់កត់ឈ្មោះ និងលេខទូរស័ព្ទអ្នកជិះទាំងអស់ប្រចាំថ្ងៃ ហើយអ្នករត់តាក់ស៊ីក៏ត្រូវផ្តល់អត្តសញ្ញាខ្លួនចំពោះអាជ្ញាធរ ដើម្បីងាយទាក់ទង និងជួយគាត់ពេលជួបបញ្ហា់។
លោកងួន រតនៈ ក៏បានផ្តាំផ្ញើបន្ថែមទៀតថា ចំណុចសំខាន់ៗមាន៖
១-ការគ្រប់គ្រងពលករចូលពីប្រទេសថៃ
២-ការបង្ការការចម្លងសហគមន៍ និងការអនុវត្តចត្តាឡីស័ក ការបង្ក្រាបល្បែងស៊ីសង ក្នុងសម័យកូវីដ-១៩
៣-ការរៀបចំបង្កើតទម្រង់សម្រាប់អ្នករត់តាក់ស៊ីកត់ត្រារាល់អ្នកជិះទាំងអស់ដេីម្បីងាយស្រួលក្នុងការស្វែងរកពេលមានករណីវិជ្ជមាន
៤-ការអនុវត្តការផាកពិន័យឲ្យបានម៉ឺងម៉ាត់ចំពោះអ្នកល្មើសនឹងវិធានសុខាភិបាល
៥-ករណីមានបញ្ហាកើតឡើង អាជ្ញាធរមូលដ្ឋានត្រូវច្បាម និងកំណត់ភូមិសាស្ត្រឱ្យបានច្បាស់ ដើម្បីកំណត់ការបិទខ្ទប់ឱ្យបានសមស្រប និងងាយគ្រប់គ្រង
៦-ពង្រឹងស្មារតី ឆន្ទៈ ម្ចាស់ការ និងបន្តផ្សព្វព្វផ្សាយបន្ថែមទាំងផ្ទាល់មាត់ និងតាមឧឃោសនស័ព្ទទៅដល់មហាជនទូទៅនៅតាមសហគមន៍។
ឯកឧត្តមបានសង្កត់បន្ថែមទៀតថា អាជ្ញាធរ និងមន្ទីរពាក់ព័ន្ធទាំងអស់ ត្រូវបន្តអនុវត្តការងារតាមគោលការណ៍ណែនាំរបស់ប្រមុខរាជរដ្ឋាភិបាល ក្រសួងសុខាភិបាល ក៏ដូចជារដ្ឋាភិបាលខេត្ត ឱ្យបានម៉ឺងម៉ាត់ដើម្បីពង្រឹងការគ្រប់គ្រងការទប់ស្កាត់ជំងឺកូវីដ-១៩ ឱ្យយកាន់តែមានប្រសិទ្ធភាពជាងមុនទៀត ។ ដោយ៖ ហួត សុងហាក់
ចែករំលែកព័តមាននេះ