រាជធានីភ្នំពេញ ៖ ប្រភពព័ត៌មានពីការិយាល័យមេធាវី ណាច ទ្រី កាលពីព្រឹកថ្ងៃទី២១ តុលានេះឲ្យដឹងថា សាលាលាដំបូងរាជធានីភ្នំពេញគ្រោងនឹងលើកយកសំណុំរឿងម្តាយកូនភ្លោះ២នាក់ អាយុ៨ខែ មកបើកសវនាការមុនអង្គសង្កេចក្តី នៅដើមខែវិច្ឆិកា ២០១៥ នេះ ដើម្បីឱ្យស្ត្រីជាម្តាយបាននៅក្រៅឃុំមើលថែរក្សាកូន ។
អង្គសវនាការនោះអ្នកច្បាប់នឹងមានសង្ឍឹមជាច្រើនថា ចៅក្រមជំនុំជម្រះ ពិសេសលោកប្រធានសាលាដំបូងពិតជាមានបេះដូងនឹងត្រូវសម្រេចឲ្យជនត្រូចោទឈ្មោះហេង លីលី ហៅអូន ម្តាយកូនភ្លោះ២នាក់ អាយុ៨ខែ បាននៅក្រៅឃុំមុនសវនាការលើអង្គសេចក្តី ដោយយោងទៅលើភាពអាណិតអាសូរកូនភ្លោះ២នាក់នោះកំពុងរស់នៅយ៉ាងវេទនាជាមួយជីដូនដែលមានភាពក្រីក្រ និងអត់អាហារ លុយកាក់ទិញទឹកដោះគោ ព្រម ទាំងកើតជម្ងឺអេដស៍ទៀតផង ។
គួររំលឹកថា ជនត្រូវចោទឈ្មោះហេង លីលី ហៅអូន ភេទស្រី អាយុ២២ឆ្នាំ ស្នាក់នៅផ្ទះជួលក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ ត្រូវបានសមត្ថកិច្ចចាប់ខ្លួនកាលពីថ្ងៃទី១៧ មិថុនា ២០១៥ ខណៈពេលមានមនុស្សម្នាក់បានយកគ្រឿងញៀន១កញ្ចប់តូចហុចឲ្យនាងដើម្បីផ្ញើឲ្យទៅមនុស្សម្នាក់ទៀត ដែលនាងមិនដឹងថា ក្នុងកញ្ចប់នោះជាអ្វីផង៕
ចែករំលែកព័តមាននេះ