រាជធានីភ្នំពេញ ៖ រយៈពេល៤ខែ ក្នុងឆ្នាំ២០២១នេះ បាតុភូតខ្យល់កន្ត្រាក់ និងផ្គររន្ទះបាញ់ បានបណ្តាលឲ្យមនុស្សស្លា.ប់២០នាក់ និងរបួសធ្ងន់-ស្រាល១០នាក់ ព្រមទាំងខូចខាតអគារផ្សេងៗ និងផ្ទះរាប់…
រាជធានីភ្នំពេញ ៖ រយៈពេល៤ខែ ក្នុងឆ្នាំ២០២១នេះ បាតុភូតខ្យល់កន្ត្រាក់ និងផ្គររន្ទះបាញ់ បានបណ្តាលឲ្យមនុស្សស្លា.ប់២០នាក់ និងរបួសធ្ងន់-ស្រាល១០នាក់ ព្រមទាំងខូចខាតអគារផ្សេងៗ និងផ្ទះរាប់ ពាន់ខ្នងផងដែរ។ នេះបើយោងតាមរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយបានឲ្យដឹង។
តាមរបាយការណ៍ដដែលបានឲ្យដឹងទៀតថា ៖ បាតុភូត ខ្យល់កន្ត្រាក់ និងផ្គរ រន្ទះបាញ់ ក្នុងរយៈពេល៤ខែ ដើមឆ្នាំ២០២១នេះ ភាគច្រើនបានកើតឡើងនៅតាមបណ្ដាខេត្តជាប់ព្រំប្រទល់ប្រទេសជិតខាង។ ហើយក្នុងចំណោមមនុស្សស្លា.ប់ និងរងរបួសសរុបទាំងអស់ចំនួន៣០នាក់ (ក្នុងនោះមាន២៤នាក់បានស្លា.ប់ និងរងរបួស ដោយសារករណីរន្ទះបាញ់ និង៦នាក់ទៀតបានស្លា.ប់ និងរងរបួសដោយសារខ្យល់កន្ត្រាក់ព្រោះតែគ្រោះធម្មជាតិ) ។ ដូច្នេះក្នុងរយៈពេល៤ខែនេះ មនុស្សចំនួន២០នាក់ស្លា.ប់ និង១០នាក់ បានរបួសធ្ងន់-ស្រាល ព្រមទាំងខូចខាតផ្ទះ និងអគារផ្សេងរាប់ពាន់ខ្នងផងដែរ ។
តាមរបាយការណ៍បន្តទៀតថា ខេត្តដែលមានករណីរងគ្រោះថ្នាក់ ដោយសារបាតុភូតរន្ទះបាញ់នេះ ភាគច្រើនកើតមាននៅតាមបណ្ដាខេត្តក្នុងតំបន់វាលទំនាប កណ្ដាលភាគពាយព្យ និងខេត្តជាប់ជួរភ្នំដងរ៉ែក (ក្នុងនោះខេត្តបាត់ដំបង ត្រូវបានគេកត់ត្រាមានស្លា.ប់ រហូតដល់៦នាក់ និងរបួស២នាក់ ដោយករណីរន្ទះបាញ់ គឺច្រើនជាងបណ្ដាខេត្តផ្សេងៗ)។
របាយការណ៍ដដែលបានបញ្ជាក់ឲ្យដឹងថា ៖ បាតុភូត ខ្យល់កន្ត្រាក់ក្នុងរយៈពេល៤ខែ ដើមឆ្នាំខាងលើនេះ បានកើតឡើងចំនួន៦០លើក ធ្វើឱ្យប៉ះពាល់ខេត្តចំនួន២០ រួមមាន ៖ ខេត្តកណ្ដាល កំពង់ឆ្នាំង ពោធិ៍សាត់ បាត់ដំបង ប៉ៃលិន បន្ទាយមានជ័យ ឧត្តរមានជ័យ ព្រះវិហារ ក្រចេះ មណ្ឌលគិរី រតនគិរី កំពង់ចាម ត្បូងឃ្មុំ ស្វាយរៀង តាកែវ ក្រុងព្រះសីហនុ កោះកុង កំពង់ស្ពឺ កំពង់ធំ និងខេត្តសៀមរាបៀងដែរ។
របាយការណ៍ដដែលបន្តថា ក្នុងចំណោមខេត្តទាំង២០ខាងលើនេះ គឹខេត្តបន្ទាយមានជ័យ រងការខូចខាតច្រើនជាងគេ និងបានបង្កឲ្យកុមារាម្នាក់ស្លា.ប់ និងមនុស្ស៥នាក់ទៀតរងរបួសធ្ងន់ និងស្រាល ដោយករណីរលំផ្ទះសង្កត់ពីលើ។ ហើយបង្កផលប៉ះពាល់ដល់ផ្ទះប្រជាពលរដ្ឋសរុប ១២៥៩ ខ្នង ក្នុង នោះ ផ្ទះតូច-ធំចំនួន២០៩ខ្នង បានដួលរលំរងការខូចខាតទាំងស្រុង និង ១០៥០ ខ្នងទៀត បានប៉ើងរបើកដំបូលខូចខាតមធ្យម។ លើសពីនេះ ក៏បានបង្កការខូចខាតដំបូលអគារសាលារៀនចំនួន១០អគារ និងអគាររដ្ឋបាលសាធារណៈចំនួន១០អគារ ផ្សារចំនួន២ និងតូបលក់ដូរសរុបជាង១០០តូបទៀតផង៕
ចែករំលែកព័តមាននេះ