សារព័ត៌មាន «UPI» របស់អាមេរិក កាលពីពេល ថ្មីៗកន្លងមកផ្សាយថា អ្នកស្រីឡូអូន ខ្លេម និងលោករីឆាត ខ្លេម ជាប្ដីបម្រើការងារនៅក្រុមហ៊ុនផលិតសាច់ក្រកមួយនៅត្រេនតុន រដ្ឋញូវចឺសីុ សហរដ្ឋអាមេរិក ។ ចំពោះលោករីឆាត ត្រូវចៅហ្វាយនាយបណ្ដេញចេញពីការងារ ដោយសារតែផោមញឹកជះក្លិនស្អុយនៅកន្លែងធ្វើការប៉ះពាល់អ្នកដទៃ ។
លោករីឆាត កើតជំងឺទឹកនោមផ្អែម និងមានទម្ងន់ដល់ទៅ១៩០គីឡូក្រាម ឯពោះហើមធ្លាប់ចូលវះកាត់ក្រពះ ។ ចាប់តាំងពីពេលនោះមកលោករីឆាត មានអាការឈឺឆ្អល់ពោះ និងផោមញឹកញាប់ ។ នៅពេលត្រូវបណ្ដេញចេញពីការងារ ស្ដ្រីជាប្រពន្ធបានប្ដឹងរកយុត្តិធម៌ពីគណៈកម្មាធិការសិទ្ធិសេរីភាព និងការស្មើភាពអាមេរិក ។ ស្ដ្រីជាប្រពន្ធបាននិយាយថា ចៅហ្វាយប្រតិបត្តិដល់លោករីឆាត យ៉ាងអយុត្តិធម៌ ។
លោកថូមា៉ស់ ដូលេន ប្រធានក្រុមហ៊ុនបានតបថា លោកបានទទួលការរអូ៊រទាំពីភ្ញៀវនៅក្រុមហ៊ុន ព្រោះក្លិនផោមរបស់លោករីឆាតសាយភាយលុបលើក្លិនរបស់ផលិតផលសាច់ក្រកដែលក្រុមហ៊ុនដាក់លក់ទៅទៀត ។ អតិថិជនមិនពេញចិត្តទេ ចំពោះក្លិនផោមរបស់លោករីឆាត ។ ក្លិនផោមរបស់លោកបានប៉ះពាល់ដល់ក្រុមហ៊ុន ហេតុដូច្នេះហើយ ទើបចេញបញ្ជាឱគេធ្វើការនៅផ្ទះ និងកាត់បន្ថយប្រាក់ខែ ។
រហូតដល់ពេលនេះ ការទាមទាររកយុត្តិធម៌របស់នាងឡូអូននៅមិនទាន់មានលទ្ធផលទេ ព្រោះស្ថិតក្នុងដំណាក់កាលស៊ើបអង្កេត ៕
ចែករំលែកព័តមាននេះ