រាជធានីភ្នំពេញ ៖ ការប្រកួតកីឡាវាយសីជ្រើសរើសជើងឯកថ្នាក់ជាតិឆ្នាំ២០១៥ដែលចាប់ផ្ដើមធ្វើតាំងពីថ្ងៃទី១៥ តុលា កន្លងមកនោះបានបញ្ចប់ជាស្ថាពរហើយ ។ ពិធីបិទការប្រកួតត្រូវបានគេរៀបចំធ្វើកាលពីព្រឹកថ្ងៃទី២០ តុលា នៅលើទីលានវាយសីស្ថិតក្នុងពហុកីឡដ្ធានជាតិ ។
តាមរបាយការណ៍របស់គណៈកម្មការរៀបចំការប្រកួតបានឱ្យដឹងលទ្ធផលដូចខាងក្រោម ៖
វិញ្ញាសាប្រកួតជាក្រុម ចំណាត់ថ្នាក់មេដាយមាសបានទៅលើសមាគមកីឡាវាយសីខេត្តកំពង់ឆ្នាំង មេដាយប្រាក់បានទៅលើក្លិបកីឡាវាយសីមុនីឋាបនា និងមេដាយសំរឹទបានទៅលើក្លិបកីឡាវាយសីត្រពាំងស្រែដែលជាក្រុមជើងឯកឆ្នាំចាស់ ។
វិញ្ញាសាវាយទោលបុរសក១ចំណាត់ថ្នាក់មេដាយមាសបានទៅលើកីឡាករទេព ច័ន្ទម៉ារ៉ា មកពីក្លិបខេត្តកំពង់ឆ្នាំង មេដាយប្រាក់បានទៅលើកីឡាករស៊ឹម ពិសី មកពីក្លិបខេត្តកំពង់ចាម និងមេដាយសំរឹទ្ធបានទៅលើកីឡាករឡេង សុភ័ក្ត្រា មកពីក្លិបព្រះខ័នរាជ ។
វិញ្ញាសាវាយគូបុរសក្របខ័ណ្ឌក១ ចំណាត់ថ្នាក់មេដាយមាសបានទៅលើកីឡាករទេព ច័ន្ទម៉ារ៉ា និងយ៉ាន កុសល មកពីសមាគមកីឡាវាយសីខេត្តកំពង់ឆ្នាំង មេដាយប្រាក់បានទៅលើកីឡាករស៊ឹម ពិសី និងប៊ុន លីហេងវិរៈមកពីសមាគមកីឡាវាយសីខេត្តកំពង់ចាម និងមេដាយសំរឹទ្ធបានទៅលើកីឡាករចេង ភារុំ និងផាក់ សីហា មកពីក្លិបកីឡាវាយសីត្រពាំងស្រែ។
វិញ្ញាសាវាយគូបុរសក្របខ័ណ្ឌក២អាយុ១៩ឆ្នាំឡើង ចំណាត់ថ្នាក់មេដាយមាសបានទៅលើកីឡាករឈៀង សុជាតិ និងសួន សុភស្ស មកពីក្លិបវាយសីត្រពាំងស្រែ មេដាយប្រាក់បានទៅលើកីឡាករលឹម ប៉េងហេង និងវ៉ាន សៅមុន្នី មកពីសមាគមកីឡាវាយសីខេត្តកំពង់ឆ្នាំង និងមេដាយសំរឹទ្ធបានទៅលើកីឡាករសុខ ផាន់ណា និងប៉ិ សុវណ្ណដារិទ្ធ មកពីសមាគមកីឡាវាយសីខេត្តស្វាយរៀង ។
វិញ្ញាសាវាយទោលបុរសក្របខ័ណ្ឌក២អាយុ១៩ឆ្នាំឡើង ចំណាត់ថ្នាក់មេដាយមាសបានទៅលើកីឡាករ វ៉ាន សៅមុន្នី មកពីសមាគមកីឡាវាយសីខេត្តកំពង់ឆ្នាំង មេដាយប្រាក់បានទៅលើកីឡាករទិត្យ ឈាងធារ៉ា មកពីសមាគមកីឡាវាយសីខេត្តកំពង់ចាម និងមេដាយសំរឹទ្ធបានទៅកីឡាករសុខ ផាន់ណា មកពីសមាគមកីឡាវាយសីខេត្តស្វាយរៀង។
វិញ្ញាសាវាយគូបុរសក្របខ័ណ្ឌក២អាយុ១៩ឆ្នាំចុះ ចំណាត់ថ្នាក់មេដាយមាសបានទៅលើកីឡាករទន សុភ័ស្ស និងវង្ស សុចាន់វិរៈ មកពីសមាគមកីឡាវាយសីខេត្តកំពង់ឆ្នាំង មេដាយប្រាក់បានទៅលើកីឡាករភិន សុវណ្ណា និងលឹម ប៉េងចេង មកពីសមាគមកីឡាវាយសីខេត្តកំពង់ឆ្នាំង និងមេដាយសំរឹទ្ធបានទៅលើកីឡាកររស់ សម្បត្តិ និងសោម ឌីណា មកពីក្លិបកីឡាវាយសីត្រពាំងស្រែ។
វិញ្ញាសាវាយទោលបុរសអាយុ១៦ឆ្នាំឡើង ចំណាត់ថ្នាក់មេដាយមាសបានទៅលើកីឡាករហេង ម៉េងលី មកពីសមាគមកីឡាវាយសីខេត្តកំពង់ឆ្នាំង មេដាយប្រាក់បានទៅលើកីឡាករវ៉េង គឹមហុង មកពីក្លិបកីឡាវាយសីមុនី ឋាបនា និងមេដាយសំរឹទ្ធបានទៅលើកីឡាករវ៉ាត វ៉ាន់ធន មកពីសមាគមកីឡាវាយសីខេត្តកំពង់ឆ្នាំង។
វិញ្ញាសាវាយគូនារី ចំណាត់ថ្នាក់មេដាយមាស បានទៅកីឡាការិនីឡេង ដាវី និងហេង ធីតា មកពិសមាគមកីឡាវាយសីខេត្តកំពង់ចាម មេដាយប្រាក់បានទៅលើកីឡាការិនីអ៊ុង វល័ក្ខទេវី និងនួន សុភ័ក្ដ្រ មកពីក្លិបកីឡាវាយសីខេមរៈ និងមេដាយសំរឹទ្ធបានទៅលើកីឡាការិនីជី ជួឌី និងឧធីត ធីតារ៉ាត់ មកពីក្លិបកីឡាវាយសីសុខដាស្មាយ (កោះកុង) ។
វិញ្ញាសាវាយទោលនារី ចំណាត់ថ្នាក់មេដាយមាសបានទៅលើកីឡាការិនីកែរ ឆពេជ្ររស្មី មកពីសមាគមកីឡាវាយសីខេត្តស្វាយរៀង មេដាយប្រាក់បានទៅលើកីឡាការិនីឡេង ដាវីមកពីសមាគមកីឡាវាយសីខេត្តកំពង់ចាម និងមេដាយសំរឹទ្ធបានទៅលើកីឡាការិនី ហេង ធីតា មកពីសមាគមកីឡាវាយសីខេត្តកំពង់ចាម ។
វិញ្ញាសាវាយទោលយុវជនអាយុក្រោម១៣ឆ្នាំ ចំណាត់ថ្នាក់មេដាយមាសបានទៅលើកីឡាករម៉ែន សារ័ត្ន មកពីសមាគមកីឡាវាយសីខេត្តព្រះសីហនុ មេដាយប្រាក់បានទៅលើកីឡាករភា សុថៃ មកពីសមាគមកីឡាវាយសីខេត្តស្វាយរៀង និងមេដាយសំរឹទ្ធបានទៅលើកីឡាករអុឹង ម៉េងឡេង មកពីសមាគមកីឡាវាយសីខេត្តកំពង់ឆ្នាំង។
លោកអ៊ុក សិទ្ធិជាតិ អគ្គនាយកអប់រំកាយនិងកីឡា តំណាងឱ្យក្រសួងអប់រំ យុវជន និងកីឡាដែលបានអញ្ជើញចូលរួមជាអធិបតីក្នុងពិធីបិទការប្រកួតនោះ បានមានប្រសាសន៍ផ្ដាំផ្ញើដល់កីឡាករ-កីឡាការិនីទាំងអស់ត្រូវខិតខំហ្វឹកហាត់បន្ថែមទៀត ជាពិសេសក្មួយៗជាទំពាំងស្នងឬស្សីត្រូវត្រៀមខ្លួនចូលរួមប្រកួតកីឡាស៊ីហ្គេមលើកទី៣២នៅឆ្នាំ២០២៣ដែលកម្ពុជាធ្វើជាម្ចាស់ផ្ទះ ។ ម្យ៉ាងវិញទៀត នៅឆ្នាំ២០១៦ ខាងមុខនេះ យើងនឹងរៀបចំការប្រកួតសាកល្បងកីឡាថ្នាក់ជាតិដ៏ធំមួយ នៅមុនពេលយើងប្រកួតកីឡាស៊ីហ្គេមក្នុងគោលបំណង ត្រៀមលក្ខណៈទុកជាមុនឱ្យបានគ្រប់ជ្រុងជ្រោយ ចៀសវាងការឆកល្វែងខណៈពេលដែលការប្រកួតបានមកដល់ ៕
ចែករំលែកព័តមាននេះ