ខេត្តកណ្តាល ៖ កម្លាំងនគរបាលក្រសួងមហាផ្ទៃ៥ស្ថាប័ន រួមមាន អគ្គស្នងការដ្ឋាននគរបាលជាតិ អគ្គនាយកដ្ឋានរដ្ឋបាលស៊ីវិល អគ្គនាយកដ្ឋានអន្តោប្រវេសន៍ អគ្គនាយកដ្ឋានអត្តសញ្ញាណកម្ម និងក្រុមប្រឹក្សានីតិកម្ម សហការជាមួយកម្លាំងនគរបាលខេត្ត ដើម្បីត្រួតពិនិត្យឯកសារ និងជំរឿនជនជាតិវៀតណាមដែលរស់នៅលើទឹកដីកម្ពុជា ក្នុងស្រុកកៀនស្វាយ ខេត្តកណ្តាល ។
មន្ត្រីសមត្ថកិច្ចបានឱ្យដឹងថា ការចុះត្រួតពិនិត្យឯកសារ និងជំរឿនជនជាតិវៀតណាមនេះ គឺអនុវត្តតាមគោលការរបស់រាជរដ្ឋាភិបាលធ្វើឡើងទូទាំងប្រទេស ដើម្បីឱ្យដឹងពីចំនួនជនជាតិវៀតណាម ដែលរស់នៅលើទឹកដីកម្ពុជាស្របច្បាប់ និងស្រាវជ្រាវរកជនអន្តោប្រវេសន៍ដែលមកស្នាក់នៅលើទឹកដីកម្ពុជាមិនស្របច្បាប់ ត្រូវចាប់បញ្ជូនទៅប្រទេសគេវិញ ។
មន្ត្រីសមត្ថកិច្ច បានបន្តថា រហូតមកដល់ថ្ងៃទី១៩-២០ តុលា ២០១៥ នេះ កម្លាំងបានចុះមកដល់ឃុំសំរោងធំ និងឃុំគគីរធំហើយ ប៉ុន្តែសមត្ថកិច្ចមិនទាន់បានបញ្ជាក់ពីចំនួនជនបរទេសទាំងនោះនៅឡើយទេ ព្រោះកំពុងចុះប្រតិបត្តិការស្រង់ និងប្រមូលឯកសារ ៕
ចែករំលែកព័តមាននេះ