ប្រទេសមីយ៉ាន់ម៉ា ៖ អ្នកជំនាញបានលើកឡើងក្នុងសិក្ខាសាលាមួយថា ប្រទេសមីយ៉ាន់ម៉ា ត្រូវការការសម្របសម្រួលកាន់តែច្រើនរវាងអាជ្ញាធរពាក់ព័ន្ធក្នុងស្រុក អ្នកប្រកបអាជីវកម្មនិងសហគមន៍នានា និងបង្កើនការចូលរួមចំណែកក្នុងការសម្រេចទាំងឡាយណាពាក់ព័ន្ធនឹងវិស័យទេសចរណ៍ ក៏ដូចជាសេដ្ឋកិច្ចទទួលបានពីឧស្សាហកម្មដើម្បីសម្រេចបាននូវកំណើនដែលអាចជួយទ្រទ្រង់រួច ។
សិក្ខាសាលានេះរៀបចំឡើងដោយមជ្ឈមណ្ឌលទទួលខុសត្រូវពាណិជ្ជកម្មមីយ៉ាន់ម៉ា ដែលមានការចូលរួមពីសំណាក់រដ្ឋាភិបាល បណ្តាក្រុមហ៊ុនទេសចរណ៍ សមាគមពាណិជ្ជកម្ម និងអង្គការសង្គមស៊ីវិលជាច្រើន សរុបទាំងអស់ចំនួន១០០ ។
កម្មវិធីនេះផ្តោតលើបញ្ហាមួយចំនួនដូចជា ការការពារបរិស្ថាននិងវប្បធម៌ សិទ្ធិដីធ្លី ក៏ដូចជាអង្គការក្រៅរដ្ឋាភិបាលអន្តរជាតិ និងអ្នកឯកទេសផ្នែកទេសចរណ៍ជាដើម ។
អ្នកចូលរួមក្នុងសន្និសីទនេះត្រូវបានគេសំណូមពរឲ្យលើកឡើងពីក្តីបារម្ភខ្ពស់ធំជាងគេរបស់ពួកគេពីការអភិវឌ្ឍវិស័យទេសចរណ៍ក្នុងប្រទេសមីយ៉ាន់ម៉ា ។ បញ្ហានៅចម្បងនៅក្នុងបញ្ជីជាង២០%របស់អ្នកចូលរួម គឺកង្វះខាតនៃការចូលរួមក្នុងស្រុកដើម្បីរៀបចំផែនការនៅតាមទិសដៅទេសចរណ៍នានា ។ ចំណែកក្តីបារម្ភសំខាន់ៗចំនួន៥ទៀតគឺ បញ្ហាសំរាម ការគ្រប់គ្រងទឹក សុវត្ថិភាពផ្លូវឬច្រកចូល ការតាំងទីលំនៅថ្មីនៃសហគមន៍ និងផលប៉ះពាល់លើកុមារនៃវិស័យទេសចរណ៍ជាដើម ។
ម្យ៉ាងទៀត សិក្ខាសាលានេះក៏បានផ្តល់នូវការពិនិត្យឡើងវិញនៃធាតុផ្សំវឌ្ឍនភាពនៃផែនការមេផ្នែកទេសចរណ៍ឆ្នាំ២០១៣ របស់រដ្ឋាភិបាលមីយ៉ាន់ម៉ា ដែលជាប់ពាក់ព័ន្ធនឹងគម្រោង និងការបែងចែកតំបន់ ក៏ដូចជាឆ្លើយតបនឹងគោលនយោបាយទេសចរណ៍ឆ្នាំ២០១២ ព្រមទាំងគោលនយោបាយទេសចរណ៍ពាក់ព័ន្ធនឹងសហគមន៍ឆ្នាំ២០១៣ ផងដែរ ។
បណ្តាអ្នកចូលរួមជាច្រើនបានកត់សម្គាល់ថា ខណៈគោលនយោបាយនានាបានរៀបចំគម្រោងខ្លាំងក្លាចំពោះអ្វីដែលពាក់ព័ន្ធនឹងសហគមន៍ក្នុងស្រុកនៃវិស័យទេសចរណ៍ ដូច្នេះការអនុវត្តគ្មានការកើតឡើងឡើយនូវដែនដីទេសចរណ៍ ជាពិសេសដោយសារតែមានការខ្វះខាតខាងសមត្ថភាព ថវិកា និងពេលវេលា ដែលចាំបាច់ក្នុងការសម្រេចបាននូវការចូលរួមសម្រេចចិត្តដ៏មានប្រសិទ្ធភាព ។ ជាងនេះទៀត ភាពចាំបាច់សម្រាប់ការគាំទ្របច្ចេកទេសនិងហិរញ្ញវត្ថុបន្ថែមទៀតពីអ្នកផ្តល់ជំនួយ ត្រូវបានកត់សម្គាល់ស្របពេលនឹងគោលនយោបាយដែលជ្រើសរើសយកមកប្រតិបត្តិ ។
ទោះជាយ៉ាងណា លោក Vicky Bowman អគ្គនាយមជ្ឈមណ្ឌលខាងលើថ្លែងថា ៖ «កិច្ចប្រជុំនេះបានគូសបញ្ជាក់ពីអ្វីដែលជាតម្លាភាព ទំនាក់ទំនងរឹងមាំ ការសិក្សាពីការចែករំលែកមេរៀនផ្សេងៗ និងជួយសម្រួលនូវទស្សនវិស័យផ្ទុយគ្នាឲ្យមានការសម្រេចចិត្តកាន់តែប្រសើរមួយលើមធ្យោបាយអភិវឌ្ឍន៍ទេសចរណ៍ ដែលអាចជួយទ្រទ្រង់សេដ្ឋកិច្ចរួច» ៕
ចែករំលែកព័តមាននេះ