«ថែម អហ្វឥណ្ឌា» ជាសារព័ត៌មានរបស់ឥណ្ឌាផ្សាយថា កាលពីពេល ថ្មីៗកន្លងមកបុរសឥណ្ឌាអាយុ២៧ឆ្នាំម្នាក់បានប្រកាសលែងលះប្រពន្ធអាយុ២១ឆ្នាំ នៅតាមអីុនធើរណេតក្រោយពីរៀបការបាន៣សប្តាហ៍ ។
«ថែម អហ្វឥណ្ឌា» ជាសារព័ត៌មានរបស់ឥណ្ឌាផ្សាយថា កាលពីពេល ថ្មីៗកន្លងមកបុរសឥណ្ឌាអាយុ២៧ឆ្នាំម្នាក់បានប្រកាសលែងលះប្រពន្ធអាយុ២១ឆ្នាំ នៅតាមអីុនធើរណេតក្រោយពីរៀបការបាន៣សប្តាហ៍ ។
អាពាហ៍ពិពាហ៍របស់អ្នកទាំង២នោះដំណើរការតាមទំនៀមទម្លាប់ប្រពៃណីរបស់ឥណ្ឌាដោយកូនក្រមុំជានិស្សិតនៅមហាវិទ្យាល័យទន្តសាស្ត្រ ចំណែកកូនកំលោះរស់នៅក្រុងកាត់តាយ៉ាំ រដ្ឋក្រេឡាក់ ។
តាមប្រព័ន្ធអនឡាញ «Whats App» បុរសជាប្តីបញ្ជាក់ពីការលែងលះប្រពន្ធដោយសរសេរថា «នាងប្រៀបដូចជាផ្លែប៉ោមដែលគេបានភ្លក្សរសជាតិរួចរាល់និងមិនត្រូវការនាងបន្តទៀតទេ» ។
នាងជាប្រពន្ធឃើញសារនោះខឹងណាស់ ហើយបានប្តឹងទៅគណៈកម្មាធិការស្ត្រីភេទដើម្បីរកយុត្តិធម៌ ព្រោះរូបនាងត្រូវប្តីប្រកាសលែងលះតាមអីុនធើរណេត ដោយមិនបាននិយាយផ្ទាល់ជាមួយនាងទេ ។ ព្រោះតែក្តីស្រឡាញ់នាងជាប្រពន្ធបានធ្វើលិខិតសុំផ្អាកការសិក្សាដើម្បីបានរស់នៅរួមគ្នា តែទីបំផុតទទួលបានការឈឺចាប់ ។
ចំណែកស្ត្រីជាម្តាយខាងស្រីបានទាមទារសំណងចំនួន១លានរូពី(ប្រាក់ឥណ្ឌា) ពីខាងប្រុស ។ រឿងក្តីលែងលះរបស់អ្នកទាំង២នោះកំពុងស្ថិតក្នុងការពិចារណារបស់គណៈកម្មាធិការស្ត្រីភេទ ។
ការប្រកាសលែងលះតាមប្រព័ន្ធអីុនធើរណេតរបស់ប្តី-ប្រពន្ធវ័យក្មេងក្នុងសម័យទំនើបនេះមានកំណើនខ្ពស់ ។ មានមតិជាច្រើនលើកឡើងថា ការប្រកាសឈប់ទាក់ទង ឬលែងលះគ្នាក្នុងលក្ខណៈបែបនេះ អាចទុកជាមោឃៈ ព្រោះការលែងលះគ្នាជាផ្លូវការធ្វើឡើងបានតាមរយៈការព្រមព្រៀងគ្នារវាងភាគីទាំងពីរ ជាពិសេសការសម្រេចរបស់តុលាការ ៕
ចែករំលែកព័តមាននេះ