រាជធានីភ្នំពេញ ៖ ស្ត្រីកូនកាត់ខ្មែរ-ថៃម្នាក់ជំនាញខាងដើរបោកយកលុយ និងទ្រព្យសម្បត្តិគេស្ទើរតែគ្រប់ខេត្ត-ក្រុងហើយមានវាសនាបានរួចខ្លួនរហូតនោះ ត្រូវបានអស់លក្ខណ៍
រាជធានីភ្នំពេញ ៖ ស្ត្រីកូនកាត់ខ្មែរ-ថៃម្នាក់ជំនាញខាងដើរបោកយកលុយ និងទ្រព្យសម្បត្តិគេស្ទើរតែគ្រប់ខេត្ត-ក្រុងហើយមានវាសនាបានរួចខ្លួនរហូតនោះ ត្រូវបានអស់លក្ខណ៍ដោយសារប្រើល្បិចធ្វើជាចូលទៅរក ទិញវាំងនននៅក្នុងហាងមួយហើយបន្លំលួចអាយផេតរបស់ម្ចាស់ហាងយកទៅបញ្ចាំនៅផ្សារកណ្តាល ត្រូវម្ចាស់ហាងតាមរកឃើញឃាត់ខ្លួនប្រគល់ឱ្យប៉ូលិស។
ហេតុការណ៍នោះបានកើតឡើង កាលពីវេលាម៉ោង១២ និង៣០នាទីថ្ងៃត្រង់ ថ្ងៃទី១៦ តុលា ២០១៥ នៅចំណុចផ្ទះលេខ៣០៨ មហាចិថីសហព័ន្ធរុស្ស៊ី ស្ថិតក្នុងភូមិតាងួន សង្កាត់កាកាប ខណ្ឌពោធិ៍សែនជ័យ ។
ស្ត្រីដៃឆើតម្នាក់នោះឈ្មោះចេង ប៊ែរ ហៅហុង វួច អាយុ៣២ឆ្នាំ កូនកាត់ខ្មែរ-ថៃ មុខរបរមិនពិតប្រាកដ ស្នាក់នៅផ្ទះជួល ក្នុងស្រុកស្រែអំបិលខេត្តកោះកុង មានស្រុកកំណើតនៅក្នុងខេត្តកំពត ជាមុខសញ្ញាចាស់ ជំនាញខាងដើរឆបោកយកទ្រព្យសម្បត្តិ និងលុយកាក់ប្រជាពលរដ្ឋ និងអាជីវករលក់ដូរនៅតាមហាងលក់ដូរស្ទើរគ្រប់ខេត្ត-ក្រុង ហើយសមត្ថកិច្ចនិយាយថា កន្លងមកសមត្ថកិច្ចក្រុងភ្នំពេញក៏ធ្លាប់ចេញសេចក្តីប្រកាសតាមស្វែងរកចាប់ឃាត់ខ្លួនស្ត្រីសង្ស័យនេះដែរ៕
ចែករំលែកព័តមាននេះ