អ្វីៗក្នុងលោកនេះរមែងប្រព្រឹត្តទៅគ្រប់រឿងទាំងអស់ ទាំងល្អ ទាំងអាក្រក់…ដូច្នេះកូនត្រូវប្រកាន់យកនូវការអត់ធន់ឱ្យបានដាច់ខាត ។ កូនត្រូវយល់ដឹងថា សេចក្តីអត់ធន់នឹងអាចញ៉ាំងនូវផលឲ្យសម្រេចបានគ្រប់យ៉ាង ។
រឿងដែលកូនត្រូវអត់ធន់ដូច ១- អត់ធន់ក្នុងរឿងដែលគួរអត់ធន់ ២- អត់ធន់ក្នុងរឿងដែលមិនគួរអត់ធន់ ។
១- អត់ធន់ក្នុងរឿងដែលគួរអត់ធន់តើដូចម្តេច ? ដូច្នេះគឺមុនដំបូងកូនគួរអត់ធន់ក្នុងរឿងដែលគួរអត់ធន់ ដូចជាអត់ធន់ចំពោះមុខនាទី អត់ធន់ក្នុងការបរិភោគ ការដេក ការរៀន ចូរកូនអត់ធន់ដើម្បីអនាគតរបស់កូន សូមឲ្យកូនប្រកាន់ទុកថា សេចក្តីអត់ធន់គឺជាមុខនាទីរបស់យើងមួយយ៉ាងសំខាន់សម្រាប់ជីវិត ។
២-អត់ធន់ក្នុងរឿងដែលមិនគួរអត់ធន់ដូចជា យើងធ្វើល្អហើយ តែត្រូវគេនិន្ទា ធ្វើល្អដល់គេ ក៏ត្រូវគេប្រទូស្តតបវិញ និយាយពិតធ្វើដោយស្មោះហើយ មិនគួរអីដែលយើងត្រូវអត់ធន់នោះឡើយ ការដែលយើងអត់ធន់ទាំងដែលយើងមិនបានខុសនោះឯង សេចក្តីអត់ធន់បែបនេះវាលំបាកជាទីបំផុត ប៉ុន្តែបើកូនធ្វើបាន ឈ្មោះថាកូនល្អដ៏ក្រៃលែង កូននឹងមានសេចក្តីសុខ ផលនឹងកើតមានដល់កូនព្រមទាំងបរិវារ កាលណាបើកូនមានសេចក្តីអត់ធន់បែបនេះ ៕ សាន សារិន
ចែករំលែកព័តមាននេះ