ខេត្តកំពង់ធំ ៖ នៅរសៀលថ្ងៃទី១៦ តុលា នេះ នៅតំបន់ប្រតិបត្តិការសឹករងកំពង់ធំ មានរៀបចំពិធីប្រគល់ថវិកាបេឡាមរណៈសង្គ្រោះជូនគ្រួសារសមាជិកសមាគមអតីតយុទ្ធជនកម្ពុជា ដែលបានប្រព្រឹត្តទៅក្រោមអធិបតីភាពលោកនាយឧត្តមសេនីយ៍ គន់ គីម និងមានការអញ្ជើញចូលរួមពីលោកអភិបាលខេត្ត លោក លោកស្រី ព្រមទាំងសមាជិកសមាគមសរុបចំនួន២០៩នាក់ផងដែរ ។
ប្រភពព័ត៌មានបានបន្តថា ថវិកាដែលលោកនាយឧត្តមសេនីយ៍យកមកប្រគល់នាពេលរសៀលនេះមានចំនួន១៦០លានរៀលដែលត្រូវជូនគ្រួសារសមាជិកសមាគមអតីតយុទ្ធជនកម្ពុជា ដែលក្នុងមួយគ្រួសារៗទទួលបានថវិកាចំនួន៤លានរៀល ។ ចំណែកសមាជិកសមាគមន៍អតីតយុទ្ធជនកម្ពុជាចំនួន១០០នាក់ផ្សេងទៀត ត្រូវបានទទួលថវិកាពីលោក អ៊ុត សំអន អភិបាលខេត្ត ក្នុងម្នាក់ៗចំនួន៥ម៉ឺនរៀលផងដែរ ៕
ព័ត៌មានលម្អិតមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ