ខេត្តបន្ទាយមានជ័យ ៖ ប្រភពអាចយកជាការមួយបានឲ្យដឹងថា បើគ្មានអ្វីប្រែប្រួលទេនៅព្រឹកថ្ងៃទី២០ តុលា ២០១៥ ខាងមុខនេះ ឧត្តមសេនីយ៍នគរបាលអន្តោប្រវេសន៍កម្ពុជា-ថៃ នឹងជួបចាប់ដៃគ្នាជាមិត្តភាពលើស្ពានមិត្តភាពកម្ពុជា-ថៃនៃច្រកទ្វារអន្តរជាតិប៉ោយប៉ែតខ្លងលឹកដើម្បីពង្រឹងកិច្ចសហប្រតិបត្តិការលើការងារមួយចំនួនពាក់ព័ន្ធនឹងជនអន្តោប្រវេសន៍។
ប្រភពបន្តថា ខាងកម្ពុជា ធ្វើឡើងក្រោមអធិបតីភាពលោកនាយឧត្តមសេនីយ៍សុខ ផល អគ្គនាយកនៃអគ្គនាយកដ្ឋានអន្តោប្រវេសន៍ និងអមដោយថ្នាក់ដឹកនាំក្រោមឱវាទមកពីគ្រប់ប៉ុស្តិ៍ទិសទី1 តាមបន្ទាត់ព្រំដែនកម្ពុជា-ថៃ ព្រមទាំងមានការចូលរួមពីមន្ត្រីសមត្ថកិច្ចនៅខេត្តបន្ទាយមានជ័យផងដែរ។
ឯខាងភាគីថៃ ប្រភពប្រាប់ថានឹងមានវត្តមានលោកឧត្តមសេនីយ៍ណាត់ ថាថនផ្រក់ស៊ុនថន មេនគរបាលអន្តោប្រវេសន៍ជាតិថៃ និងមន្ត្រីសមត្ថកិច្ចនៅខេត្តស្រះកែវរបស់គេ៕
ចែករំលែកព័តមាននេះ