រូបភាពប្លែកៗលើពិភពលោកគួរឱ្យចាប់អារម្មណ៍
១-ប្តឹងសត្វសេកពីបទជេរ
លោកយាយឆាណាផៃ អាយុ៨៥ឆ្នាំ បានប្តឹងប៉ូលិសពីបទសេកនៅផ្ទះកូនធម៌ជេរគាត់នៅពេលដើរកាត់ ។ ពេលប៉ូលិសនាំលោកយាយទៅពិសោធន៍ សេកនោះមិនជេរគាត់
១-ប្តឹងសត្វសេកពីបទជេរ
លោកយាយឆាណាផៃ អាយុ៨៥ឆ្នាំ បានប្តឹងប៉ូលិសពីបទសេកនៅផ្ទះកូនធម៌ជេរគាត់នៅពេលដើរកាត់ ។ ពេលប៉ូលិសនាំលោកយាយទៅពិសោធន៍ សេកនោះមិនជេរគាត់ទេ ។ ទោះជាយ៉ាងណាក្តីសត្វសេកនោះត្រូវលែងទៅក្នុងព្រៃ ។
២-ប្រារព្ធពិធីជនអំបូរភាគតិច
សមាជិករបស់ក្រុមអំបូរភាគនៃនៅក្រុងនូបា ប្រទេសស៊ូដង់ បង្ហាញការរាំជាលក្ខណៈប្រពៃណី ដើម្បីប្រារព្ធពិធីទំនៀមទម្លាប់របស់ជនភាគតិចក្នុងប្រទេស ។
៣-ដៃថ្មីរបស់កុមារពិការ
ក្មេងប្រុសជនជាតិបារាំងដែលពិការដៃស្តាំពីកំណើតពាក់ដៃសិប្បនិមិត្តច្នៃពីឧបករណ៍៣D ជាដៃផលិតដោយសមាគមនិស្សិត និងជួយក្មេងពិការដោយមានអាណាព្យាបាលផ្តល់ជា កម្លាំងចិត្តនៅក្រុងអីុស៊ែ ប្រទេសបារាំង ។
៤-បុណ្យស្រាបៀរនៅអាល្លឺម៉ង់
ស្ត្រីជនជាតិអាល្លឺម៉ង់ស្ថិតក្នុងឈុតអ្នកក្រុងបាវ៉ារៀ បានកាន់កែវស្រាបៀរទទួលស្វាគមន៍បុណ្យស្រាបៀរ Octoberfist ប្រចាំឆ្នាំដ៏ធំបំផុតនៅលើពិភពលោកក្នុងស្រុកមុយនិក ភាគខាងត្បូងប្រទេសអាល្លឺម៉ង់ ។
៥-អតិថិជននិយមសាក់
អ្នកនិយមសាក់ជនជាតិប៉ាណាម៉ាម្នាក់ដេកផ្ងារឱ្យជាងសាក់បំពង់កនៅក្នុងមហោស្រពសាក់រូបដែលរៀបចំឡើងកាលពីថ្ងៃទី១៩ កញ្ញា ២០១៥ ។
៦-ពោងហោះយក្សនៅអាមេរិក
ក្រុមអ្នកជំនាញចងពោងហោះយក្ស «ស្ពីរីត អហ្វអាមេរិក» ក្រោយពីចុះចតនៅក្រុងកាសុន រដ្ឋកាលីហ្វ៊័រនីញ៉ា ដើម្បីរក្សាទុក ក្រោយពីប្រើប្រាស់អស់រយៈពេល៨.០០០ជើងហោះហើរ និងដាក់ជំនួសដោយពោងឈ្មោះ «ស្ពីរីត អីុនណូវេស្សិន» ។
៧-ហាងកាហ្វេពស់
អតិថិជនក្នុងហាងកាហ្វេពស់នៅមជ្ឈមណ្ឌលចិញ្ចឹមពស់ក្រុងតូក្យូ ឈរកាន់ពស់គ្មានពិសក្នុងហាង ដោយម្ចាស់ហាងបានយកពស់អត់ពិសចំនួន៣៥ពូជ ឱ្យភ្ញៀវទស្សនា និងចាប់អង្អែលលេង ។
៨-ទោងរ៉កក្នុងពិព័រណ៍កសិកម្មនៅអាមេរិក
ពិព័រណ៍កសិកម្មរដ្ឋអាយអូវ៉ា គឺជាពិព័រណ៍ដ៏ធំ និងចំណាស់បំផុតរបស់អាមេរិកហើយអ្នកចូលរួមបានឡើងជិះទោងរ៉កដ៏ខ្ពស់និងនាំគ្នាស្រែកនៅពេលឡើងដល់ទីខ្ពស់
៩-អ្នកលក់ផ្កានៅឥណ្ឌា
បុរសឥណ្ឌាទូលចង្អេរផ្កាដើរលក់ក្នុងផ្សារនៅក្រុងឡាក់ណាវ ដោយរូបគេបានរៀបរាប់ថា បើលក់ដាច់នឹងបានប្រាក់ចំណេញប្រហែល៥ទៅ១០ដុល្លារក្នុងមួយថ្ងៃ ៕
ចែករំលែកព័តមាននេះ