ខេត្តក្រចេះ ៖ បុរសជាប្តីដែលបានធ្វើសកម្មភាពអារ.កប៉ងសម្លាប់ប្រពន្ធទាំងកណ្តាលយប់ រួចប៉ងអារ.កសម្លាប់ខ្លួនឯងក្នុងជម្លោះតិចតួចនោះ នៅថ្ងៃទី១៥ តុលា នេះ អាការៈអ្នកទាំង២(ប្តី-ប្រពន្ធ) ត្រូវបានធូរស្រាលវិញហើយ ក្រោយពីក្រុមគ្រួសារទាំងសងខាងបានបញ្ជូនមកសង្គ្រោះនៅមន្ទីរពេទ្យភ្លាមៗនោះ ។
ក្នុងករណីអំពើឃាតកម្ម ដែលបង្កឡើងដោយជនដៃដល់ជាប្តីយកកាំបិតបុ័ងតោមកលួចអារ.កប្រពន្ធក្នុងបន្ទប់ទាំងកំពុងដេកលក់ នេះ ត្រូវក្រុមគ្រួសាររបស់នារីរងគ្រោះប្រាប់ថា បានកើតឡើងកាលពីវេលាពាក់កណ្តាលអធ្រាត្រឈានចូលថ្ងៃទី១៤ តុលា ២០១៥ ស្ថិតនៅលំនៅឋានរបស់នារីរងគ្រោះ ក្នុងភូមិស្រែត្រែង ឃុំក្បាលដំរី ស្រុកសំបូរ ។
បុរសជាប្តីដៃដល់ចិត្តឆៅឈ្មោះអ៊ុច សុផាត អាយុ១៨ឆ្នាំ ចំណែកឯនារីជាប្រពន្ធឈ្មោះម៉េង គឹមស្រី អាយុ១៨ឆ្នាំ អ្នកទាំង២នាក់ទើបរៀបការរយៈពេលជិតមួយឆ្នាំនេះទេ ។ យ៉ាងណាក៏ដោយ គេមិនទាន់ដឹងថា មូលហេតុដែលឈានឱ្យមានករណីប៉ុនប៉ងធ្វើ អត្តឃាតនេះ បណ្តាលមកពីមូលហេតុអ្វីនៅឡើយនោះទេ។ តែបើតាមការរៀបរាប់របស់ក្រុមគ្រួសារសាច់ញាតិទាំងសងខាងប្រាប់ថា កន្លងមកប្តី-ប្រពន្ធនេះ គឺឧស្សាហ៍មានទំនាស់គ្នាជាញឹកញាប់ ។
នៅមន្ទីរពេទ្យត្រូវនារីរងគ្រោះជាប្រពន្ធបានឱ្យដឹងថា នាងមិនបានដឹងថា ប្តីមកលួចអារ.កនាងទេ ព្រោះយប់ជ្រៅនាងកំពុងដេកនៅក្នុងបន្ទប់ បន្ទាប់ពីមានជម្លោះគ្នាតិចតួច ។ នាងបន្តថា មួយរយៈចុងក្រោយនេះ ប្តីរបស់នាងមានអាការៈខុសប្លែកណាស់ បន្ទាប់ពីរូបបានដើរស៊ីឈ្នួលអារឈើមក ដោយមិនសូវចូលផ្ទះទេ ហើយត្រូវនាងសង្ស័យថា អាចថ្នាំញៀនទៀតផង ។
ចំណែកស្ត្រីជាម្តាយបានរៀបរាប់ថា កាលពីយប់ថ្ងៃកើហេតុ គាត់បានឮសំឡេងកូនស្រីគាត់ស្រែកឱ្យជួយ គាត់ក៏ស្ទុះចូលទៅមើល ក៏ឃើញកូនស្រីគាត់រត់ចេញមកក្រៅ យកដៃខ្ទប់.កសុទ្ធតែឈាមពេញខ្លួន ។ ភ្លាមៗនោះ គាត់ក៏បានសួរនាំទៅជនដៃដល់ជាកូន ប្រសារ ត្រូវជននេះមិននិយាយស្តី ក៏រត់ចុះទៅក្រោមផ្ទះដោយយកកាំបិតផ្គាក់ទៅជាមួយ និងបានទៅធ្វើសកម្មភាពអារ.កខ្លួនឯងនៅព្រៃស្រែខាងក្រោយផ្ទះ ។
ភ្លាមៗគាត់បានរកអ្នកភូមិឱ្យជួយនាំកូនស្រីគាត់មកមន្ទីរពេទ្យ ដើម្បីសង្គ្រោះ ។ ចំណែកឯជនដៃដល់ត្រូវក្រុមគ្រួសាររបស់គេដើររកនិងប្រទះឃើញដេកសន្លប់នៅកណ្តាលវាលស្រែខាងក្រោយផ្ទះដោយឈាមហូរពេញខ្លួន ។
ចែករំលែកព័តមាននេះ