ប្រទេសចិន ៖ តាមការអះអាងពីសាមីធនាគារមូលដ្ឋានរដ្ឋធានីប៉េកាំងឲ្យដឹងថា មានបណ្តាប្រទេសសរុបទាំងអស់ចំនួន៥៧ ត្រូវបានអនុម័តឲ្យចូលជាសមាជិកនៃស្ថាបនិករបស់ធនាគារអភិវឌ្ឍន៍ហេដ្ឋារចនាសម្ព័ន្ធអាស៊ី (AIIB) ដែលជាឆ្អឹងខ្នងរបស់ចិន ក្នុងនោះ ន័រវែសក៏ត្រូវបានរាប់បញ្ចូលផងដែរ បើទោះជាប្រទេសនេះមានទំនាក់ទំនងត្រជាក់ប្រឆាំងនឹងចិនយ៉ាងណាក្តី ។
ពុំមានប្រជាជាតិណាមួយដែលចង់ក្លាយជាសមាជិកស្ថាបនិកនៃធនាគារនេះ ត្រូវបានគេមើលឃើញថាបដិសេធឡើយ ។ ប៉ុន្តែតៃវ៉ាន់ជាកោះគ្រប់គ្រងដោយស្វយ័ត ដែលរដ្ឋាភិបាលក្រុងប៉េកាំងចាត់ទុកថា ជាផ្នែកមួយនៃទឹកដីរបស់ខ្លួននោះ បានដាក់ពាក្យស្នើធ្វើជាសមាជិកនៃស្ថាបនិកនេះ ហើយត្រូវបានគេបដិសេធចោល ។
សូមបញ្ជាក់ថា បណ្តាប្រទេស៧ មុននឹងត្រូវបានអនុម័តឱ្យក្លាយជាសមាជិកស្ថាបនិកកាលពីថ្ងៃពុធ ដែលត្រូវបានចុះឈ្មោះដោយក្រសួងហិរញ្ញវត្ថុចិនមានដូចជា ស៊ុយអែត អីុស្រាអែល អាហ្វ្រិកខាងត្បូង អាស៊ែបៃហ្សង់ អីុស្លង់ ព័រទុយហ្គាល់ និងប៉ូឡូញ ។
ចំណែកសមាជិក៥៧ប្រទេសទៀតរួមមាន ៤ប្រទេសមកពីសមាជិកក្រុមប្រឹក្សាអចិន្ត្រៃយ៍ទាំង៥របស់អង្គការសហប្រជាតិ ១៤ប្រទេសមកពីបណ្តាសហគមន៍អឺរ៉ុប ២៨និង២១មកពីសមាជិកនៃអង្គការធំៗ ៣៤ផ្តោតលើការអភិវឌ្ឍ និងសហប្រតិបត្តិការសេដ្ឋកិច្ច (OECD) ។
នៅក្នុងចំណោមសមាជិកទាំងអស់នោះ គឺមិនរាប់បញ្ចូលសហរដ្ឋអាមេរិកឬជប៉ុនឡើយ ប៉ុន្តែអ្នកតំណាងការទូតរដ្ឋប្រហារចិនបន្ទាប់ពីចងសម្ព័ន្ធមិត្តជិតស្និទ្ធជាមួយសហរដ្ឋអាមេរិកដូចជា ចក្រភពអង់គ្លេស បារាំង អាល្លឺម៉ង់ និងអូស្ត្រាលី បានសម្រេចចិត្តចូលរួមជាផ្នែកមួយបន្ទាប់ពីរដ្ឋាភិបាលក្រុងវ៉ាស៊ីនតោនរារាំងបណ្តាប្រទេសទាំងនោះតាំងពីដំបូងក្នុងការចុះហត្ថលេខាលើកិច្ចព្រមព្រៀងនេះ ។
យោងតាមបណ្តាញព័ត៌មានផ្លូវការរបស់ស៊ីនហួរឲ្យដឹងថា គ្រឹះស្ថានយក្សមួយនេះបានដាក់ទិសដៅក្នុងការផ្តល់ហិរញ្ញវត្ថុផ្នែកហេដ្ឋារចនាសម្ព័ន្ធនៅទូទាំងទ្វីបអាស៊ីច្រើនជាងការកាត់បន្ថយភាពក្រីក្រ ។ ម្យ៉ាងទៀតបានផ្តល់នូវកាលានុវត្តភាពនៃការប្រកបជំនួញដែលហុចកម្រៃច្រើនដល់បណ្តាប្រទេសលោកខាងលិចផងដែរ ។
ជាងនេះទៀត ស៊ីនហួរបញ្ជាក់ថា «ការស្វាគមន៍អ្នកដំណើរមកពីជុំវិញពិភពលោក របស់រថភ្លើង Oriental Express កំពុងតែទទួលបានការលុកលុយចូលក្នុងវិស័យនេះរួចរាល់ហើយដែរ រហូតឈានទៅដល់ទិសដៅនៃការអភិវឌ្ឍទូទៅ និងកិច្ចសហប្រតិបត្តិការឈ្នះ-ឈ្នះទៀតផង» ។
សារព័ត៌មានស៊ីនហួររបស់ចិនឲ្យដឹងបន្ថែមថា AIIB នឹងពុំមានគោលនយោបាយលើកលែងដល់អំពីពុករលួយឡើយ ហើយតាមរយៈគោលនយោបាយម៉ឺងម៉ាត់នេះនឹងគេចផុតពីការដើរតាមកំហុសឆ្គងចាស់បាន ។
ប៉ុន្តែអ្នកដែលតែងចាប់កំហុសបានសម្តែងក្តីបារម្ភអំពីបទដ្ឋានរបស់ខ្លួន (ធនាគារ AIIB) ហើយថែមទាំងលើកឡើងថា AIIB អាចប្រជែងជាមួយធនាគារពិភពលោក (WB) ដែលដឹកនាំដោយសហរដ្ឋអាមេរិក និងធនាគារអភិវឌ្ឍន៍អាស៊ី (ADB) ដែលដឹកនាំដោយជប៉ុនបាន ។
ប្រទេសចិនលើកឡើងថា គ្រឹះស្ថានហិរញ្ញវត្ថុមួយនេះបើកទ្វារស្វាគមន៍ និងរង់ចាំដាក់បញ្ចូលសមាជិកជានិច្ច ។ ជាមួយគ្នានេះដែរ AIIB បានអនុម័តឲ្យប្រទេសន័រវែសចូលជាសមាជិក បើទោះជាមានការកាត់ផ្តាច់ការរឹតចំណងកម្រិតខ្ពស់គ្រប់ជ្រុងជ្រោយជាមួយនឹងរដ្ឋាភិបាលក្រុងអូស្លូយ៉ាងណាក្តី បន្ទាប់ពីពានរង្វាន់ណូបែលសន្តិភាពបានទៅលើលោក Liu Xiaobo កាលពីឆ្នាំ២០១០ ។
ចំណែករដ្ឋាភិបាលន័រវែសនៅតែប្រកាន់ខ្ជាប់ថា គណៈកម្មាធិការពានរង្វាន់ណូបែលឯករាជ្យបានសម្រេចចិត្តនៅក្នុងជម្រើសដោយខ្លួនឯង ប៉ុន្តែអាជ្ញាធរចិនបានបំផ្លាញកិច្ចខិតខំប្រឹងប្រែងក្នុងការធ្វើធម្មនិយាមកម្ម (ដាក់បញ្ញត្តិរបបសេដ្ឋកិច្ច) នៃទំនាក់ទំនង ។
ទោះជាយ៉ាងណា លោក Shi Yaobin អនុរដ្ឋមន្ត្រីហិរញ្ញវត្ថុ ដែលកំពុងដឹកនាំការចរចាឈានដល់ការបង្កើតធនាគារនេះ បានថ្លែងនៅក្នុងសេចក្តីថ្លែងការណ៍មួយកាលពីថ្ងៃពុធថា ៖ «បើទុកជាសមាជិកស្ថាបនិកផ្តល់សច្ចាប័នចប់សព្វគ្រប់ហើយក្តី ក៏គ្រឹះស្ថាននេះនឹងបន្តទទួលយកសមាជិកថ្មីនៅថ្ងៃអនាគតដែរ» ៕
ចែករំលែកព័តមាននេះ