ឥណ្ឌា ៖ យោងតាមប្រភពពី CNN បានឱ្យដឹងថា មានការផ្ទុះឡើងនូវវីរុសកូវីដ១៩ ដ៏ធំមួយក្នុងចំណោមបុគ្គលិកការទូតអាមេរិកប្រចាំប្រទេសឥណ្ឌា។ ដែលបណ្តាលឱ្យបុគ្គលិកក្នុងស្រុកចំនួន ២នាក់បានស្លា.ប់ និងជាង…
ឥណ្ឌា ៖ យោងតាមប្រភពពី CNN បានឱ្យដឹងថា មានការផ្ទុះឡើងនូវវីរុសកូវីដ១៩ ដ៏ធំមួយក្នុងចំណោមបុគ្គលិកការទូតអាមេរិកប្រចាំប្រទេសឥណ្ឌា។ ដែលបណ្តាលឱ្យបុគ្គលិកក្នុងស្រុកចំនួន ២នាក់បានស្លា.ប់ និងជាង ១០០នាក់ផ្សេងទៀតធ្វើតេស្តវិជ្ជមាននៅប៉ុន្មានសប្តាហ៍ថ្មីៗនេះ។ ចំពេលដែលឥណ្ឌាកំពុងតស៊ូដើម្បីទប់ទល់នឹងការកើនឡើងនៃជំងឺដ៏កាចសាហាវនេះ។ គួររំលឹកថា ប្រទេសកំពូលៗនៅអឺរ៉ុបចាប់ផ្តើមជួយសង្គ្រោះឥណ្ឌា ខណៈការឆ្លងបន្តបំបែកកំណត់ត្រាពិភពលោក
អត្រានៃករណីឆ្លងកូវីដ១៩នៅឥណ្ឌា ឈានដល់កំរិតខ្ពស់ និងបានបំបែកកំណត់ត្រាឆ្លងប្រចាំថ្ងៃរយៈពេល ៥ ថ្ងៃជាប់ៗគ្នា។ វិបត្តិដ៏ធំបំផុតសម្រាប់ឥណ្ឌាគឺកង្វះខាតគ្រែអ្នកជំងឺ និងជាពិសេសការផ្គត់ផ្គង់អុកស៊ីសែន។ ដែលបណ្តាលឱ្យប្រជាជនរាប់ពាន់នាក់ស្លា.ប់រៀងរាល់ថ្ងៃ។
តាមប្រភពពី CNN មិនបានផ្តល់ព័ត៌មានលម្អិតអំពីទីតាំងណាមួយ ដែលបុគ្គលិកបានស្លា.ប់ និងធ្វើតេស្តវិជ្ជមាននោះទេ។ ប៉ុន្តែសហរដ្ឋអាមេរិកមានប្រតិបត្តិការកុងស៊ុលចំនួន ៥ នៅតាមទីក្រុងផ្សេងៗគ្នា និងស្ថានទូតមួយនៅរដ្ឋធានីញូវដែលី។
តាមប្រភពមួយបាននិយាយថា បុគ្គលិកអាមេរិក, សមាជិកគ្រួសារ និងបុគ្គលិកធ្វើការនៅក្នុងស្រុកប្រចាំប្រទេសឥណ្ឌា ទើបតែចាប់ផ្តើមទទួលវ៉ាក់សាំងបង្ការកូវីដ១៩ ក្នុងរយៈពេល ២សប្តាហ៍កន្លងមកនេះ។
ខណៈដែលក្នុងរយៈពេល ៦សប្តាហ៍កន្លងមក បើទោះបីជាអត្រាឆ្លងរបស់ឥណ្ឌាកំពុងកើនឡើង។ ប៉ុន្តែបុគ្គលិកមិនទាន់បានទទួលវ៉ាក់សាំងបង្ការនៅឡើយ។ ដែលនាំឱ្យបុគ្គលិកខ្លះមានការអាក់អន់ស្រពន់ចិត្តដោយសារតែពួកគេមានអារម្មណ៍ថា ពួកគេមិនទទួលបានការផ្តល់ព័ត៌មានច្បាស់លាស់អំពីពេលវេលា ដែលបេសកកម្មការទូតអាមេរិកនឹងត្រូវទទួលបានវ៉ាក់សាំង៕
ចែករំលែកព័តមាននេះ