ខេត្តបាត់ដំបង៖ប្រជាពលរដ្ឋភៀសសឹកកំពុងធ្វើការដាំដុះបន្លែដើម្បីផ្គត់ផ្គង់ការហូបចុកប្រចាំថ្ងៃ នៅមណ្ឌលសុវត្ថិភាពវត្តអូរដូនពៅ ស្ថិតក្នុងឃុំឃ្លាំងមាស ស្រុកបវេល។

យោងតាមការផ្សាយរបស់រដ្ឋបាលខេត្តបាត់ដំបង នៅថ្ងៃទី២២ ខែធ្នូ ឆ្នាំ២០២៥ បានឱ្យដឹងថា
ទន្ទឹមនឹងទទួលបានការជួយឧបត្ថម្ភគាំទ្រជាបន្តបន្ទាប់ពីសប្បុរសជន អាជ្ញាធរខេត្តបាត់ដំបងបានបំផុសស្មារតីឱ្យប្រជាពលរដ្ឋភៀសសឹកចាប់ផ្ដើមធ្វើការដាំដុះបន្លែផ្សេងៗដើម្បីផ្គត់ផ្គង់ការហូបចុកប្រចាំថ្ងៃបន្ថែមទៀត ដើម្បីឱ្យប្រជាពលរដ្ឋចេះតស៊ូ ប្រែក្លាយការឈឺចាប់ដោយសារការឈ្លានពានពីភាគីថៃពង្រឹងស្មារតីជាតិនិយម ដើម្បីជាតិខ្មែរយើងកាន់តែរឹងមាំ។

សូមជម្រាបថា ​នៅគ្រប់មណ្ឌលសុវត្ថិភាពទាំងអស់​ត្រូវបានគាំពារនិងមានការថែទាំសុខភាពបងប្អូនប្រជាពលរដ្ឋភៀសសឹកដោយយកចិត្តទុកដាក់ និងទទួលខុសត្រូវខ្ពស់បំផុត៕