រាជធានីភ្នំពេញ ៖ លោកហែម ដារិទ្ធិ អភិបាលខណ្ឌពោធិ៍សែនជ័យបានបង្ហោះសារនៅលើអាខោនហ្វេសប៊ុកផ្ទាល់ខ្លួនលោកនាថ្ងៃទី២៦ ខែមេសា ឆ្នាំ២០២១ថា «យើងនឹងរៀបចំអោយមានការលក់ដូរតាមរបៀបក្នុងរូបនេះ គឺ3កុំ& 3ការពារ។…
រាជធានីភ្នំពេញ ៖ លោកហែម ដារិទ្ធិ អភិបាលខណ្ឌពោធិ៍សែនជ័យបានបង្ហោះសារនៅលើអាខោនហ្វេសប៊ុកផ្ទាល់ខ្លួនលោកនាថ្ងៃទី២៦ ខែមេសា ឆ្នាំ២០២១ថា «យើងនឹងរៀបចំអោយមានការលក់ដូរតាមរបៀបក្នុងរូបនេះ គឺ3កុំ& 3ការពារ។ អ្នកលក់និងអ្នកទិញគឺត្រូវពាក់ម៉ាស់ទាំងអស់គ្នា ។ តើបងប្អូនគាំទ្រឬទេ? បើគាំទ្រសូមជួយ Like Comments និង Share ដោយក្តីគោរព»។ អមជាមួយសារខាងលើក៏មានរូបភាពចំនួន២សន្លឹកផងដែរ ដែលបង្ហាញឲ្យឃើញពីទីកន្លែងលក់ដូវប្រកបដោយសោភ័ណភាព និងមានរបៀបរៀបរយជាពិសេសមានគម្លាតសុវត្ថិភាពត្រឹមត្រូវអនុលោមតាមវិធានការរបស់ក្រសួងសុខាភិបាល។
ក្រោយពីការបង្ហោះមានអ្នកចូលទៅឡាច ស៊ែរ និងខមិនច្រើន ដែលភាគច្រើនសុទ្ធតែបានគាំទ្រទៅលើចំណាត់ការនេះនិងបញ្ចេញបោបល់ខុសៗពីគ្នា ក្នុងនោះហ្វេសប៊ុកមួយឈ្មោះLeang Tong បានខមិនថា «បើយើងអាចរៀបចំនិងគ្រប់គ្រងបានល្អការឆ្លងក៏នឹងកាត់បន្ថយទៅៗរហូតអស់ថ្ងៃណាមួយមិនខាន។ព្រោះអាហារហូបចុកគឺជាអាយុជីវិតប្រចាំថ្ងៃសំខាន់មិនអាចខ្វះបានយើងអាចគ្រប់គ្រងអនាធិប្បតេយ្យបានច្រើនព្រម ទាំងការចម្លងផងធ្វើអោយប្រជាជនបានស្ងប់ចិត្តរឿងម្ហូបអាហារ ហើយអាចជាប្រភពជួយដល់អ្នកខ្វះខាតមែនទែនបានទៀតផង។
ចំណែកហ្វេសប៊ុកមួយទៀតឈ្មោះHean Ratha បានខមិនថា«ធ្វើអញ្ចឹងល្អណាស់បងអភិបាល ។ បើរៀបចំនៅទីណាជួយផ្តល់ព័ត៌មានអោយក្រុមព័ត៌មានប្រចាំរដ្ឋបាលរាជធានីផង ក្រុមយើងខ្ញុំនឹងចុះទៅផ្តិតយករូបភាពនិងផ្សព្វផ្សាយជូនសាធារណៈជនអោយបានជ្រាប បន្ថែមទៀត។អរគុណ បងអភិបាល»។
យោងតាមគំនិតនេះគឺលោកអភិបាលខណ្ឌពោធិ៍សែនជ័យមានបំណងដើម្បីជួយសម្រាលការលំបាកដល់បងប្អូនប្រជាពលរដ្ឋក្នុងការចង់ទិញបន្លែ ត្រី សាច់ និងគ្រឿងឧបភោគបរិភោគផ្សេង ក្នុងពេលដែលជម្ងឺCOVID-19កំពុងវាយលុកខ្លាំងនេះ ហើយរាជធានីភ្នំពេញត្រូវបានបិទខ្ទប់ដើម្បីទប់ស្កាត់និងប្រយុទ្ធប្រឆាំងជាមួយជម្ងឺនេះផងដែរ៕
ចែករំលែកព័តមាននេះ