បន្ទាយមានជ័យ ៖ ម៉ូតូធំម៉ាក់ BMW បើកលឿនបុកជាមួយហុងដាវេវ ពេញទំហឹងបណ្តាលដួលឆាបឆេះម៉ូតូធំអស់ទាំងស្រុង និងរបួសធ្ងន់ស្រាល៣នាក់ នៅវេលាម៉ោង១២.១០នាទីរសៀល ថ្ងៃទី២៥ ខែមេសា…
បន្ទាយមានជ័យ ៖ ម៉ូតូធំម៉ាក់ BMW បើកលឿនបុកជាមួយហុងដាវេវ ពេញទំហឹងបណ្តាលដួលឆាបឆេះម៉ូតូធំអស់ទាំងស្រុង និងរបួសធ្ងន់ស្រាល៣នាក់ នៅវេលាម៉ោង១២.១០នាទីរសៀល ថ្ងៃទី២៥ ខែមេសា ឆ្នាំ២០២១ ស្ថិតភូមិថ្មដែកកេះ ឃុំបន្ទាយឆ្មា ស្រុកថ្មពួក ។
លោកវរៈសេនីយ៍ទោ លីវ គុណ មន្ត្រីនគរបាលស្រុកថ្មពួកបានប្រាប់ថា ជនរងគ្រោះដែលរបួសធ្ងន់ស្រាល៣នាក់ មាន១.ឈ្មោះ រិ ខោវ ភេទប្រុស អាយ២៧ឆ្នាំ (បាក់ភ្លៅឆ្វេង) ២.ឈ្មោះ អែម នី ភេទប្រុស អាយុ២៥ឆ្នាំ (បាក់ដៃឆ្វេង និងជើងឆ្វេង) ជនរងគ្រោះទាំង២នាក់ រស់នៅភូមិបន្ទាយឆ្មារត្បូង ឃុំបន្ទាយឆ្មារ ស្រុកថ្មពួក ៣.ឈ្មោះ លី ពីឆៃ ភេទប្រុសអាយុ៦៣ឆ្នាំ (របួសស្រាល)រស់នៅភូមិជើងភ្នំ ឃុំត្រពាំងព្រៃ ស្រុកអន្លង់វែង ខេត្តឧត្តរមានជ័យ ។
លោកបានបញ្ជាក់ថា ៖ នៅពេលគ្រោះថ្នាក់កើតឡើងគឺឈ្មោះ លី ពីឆៃ បើកបរម៉ូតូធំម៉ាក់ BMW.GS1200CCដែលពាក់ផ្លាក់លេខភ្នំពេញ1HD.5556 ក្នុងទិសដៅពីត្បូងទៅជើងក្នុងល្បឿនលឿន ហើយឈ្មោះ រិ ខោវ បានបើកបរម៉ូតូវ៉េវឌុបឈ្មោះ អែម នី ក្នុងទិសដៅបញ្ច្រាស់ទិសគ្នាដល់ផ្លូវបំបែកច្រមុះជ្រូកបានបុកពេញទំហឹង បណ្តាលអោយម៉ូតូធុនធំម៉ាក់ BMW ដួលឆាបឆៅអ្នកបើកបររបួសស្រាល និងភាគីម្ខាងទៀតដែលជិះឌុបគ្នា បណ្តាលរបួសធ្ងន់ម្នាក់បាក់ភ្លៅឆ្វេង ម្នាក់ទៀតបាក់ភ្លៅ និងដៃម្ខាងរបួសធ្ងន់ត្រូវបានសង្គ្រោះ ។
លោកវរៈសេនីយ៍ទោ លីវ គុណ បានបញ្ជាក់ថា ៖ ក្រោយពេលគ្រោះថ្នាក់ចរាចរណ៍កើតឡើងមន្ត្រីនគរបាលចរាចរណ៍ផ្លូវគោកស្រុកថ្មពួក បានចុះទៅពិនិត្យវាស់វែងឃើញគ្រោះថ្នាក់ចរាចរណ៍កើតឡើងបង្កដោយអ្នកបើកបរម៉ូតូធំបើកក្នុងល្បឿនលឿន ហើយអ្នកបើបរម៉ូតូវ៉េវ បើកបរឡើងផ្លូវបំបែក មិនប្រយ័ត្នទើបបង្កគ្រោះថ្នាក់បណ្តាលរបួសធ្ងន់ស្រាល៣នាក់ និងខូចខាតម៉ូតូឆាបឆេះអស់ទាំងស្រុងម៉ូតូធំ និងម៉ូតូវេវខូចខាតត្រូវបានយកទៅរក្សាទុក ដើម្បីដោះស្រាយតាមច្បាប់ ៕
ចែករំលែកព័តមាននេះ