ថ្ងៃទី៨ តុលា មានការវាយប្រហារដោយកាបិត៤លើក ប្រឆាំងជនជាតិអីុស្រាអែល បណ្តាលឱ្យមនុស្សត្រូវរបួស៧នាក់ ។ អ្នកវាយប្រហារម្នាក់ក្នុងចំណោមអ្នកវាយប្រហារជនជាតិប៉ាឡេស្ទីនត្រូវទាហានអីុស្រាអែលបា.ញ់ស្លា.ប់ ។
ថ្ងៃទី៨ តុលា មានការវាយប្រហារដោយកាបិត៤លើក ប្រឆាំងជនជាតិអីុស្រាអែល បណ្តាលឱ្យមនុស្សត្រូវរបួស៧នាក់ ។ អ្នកវាយប្រហារម្នាក់ក្នុងចំណោមអ្នកវាយប្រហារជនជាតិប៉ាឡេស្ទីនត្រូវទាហានអីុស្រាអែលបាញ់ស្លាប់ ។
មុននេះមានការវាយប្រហារដោយកាំបិត៣លើករួចហើយ ដែលជំរុញឱ្យនាយករដ្ឋមន្ត្រីអីុស្រាអែល លោកបេនចាមីន ណេតាន់យ៉ាហ៊ូ បញ្ជាឱ្យមានការប្រកាសអាសន្នពេញបន្ទុកមួយ ។
នៅក្រុងតែលអាវីវនាថ្ងៃទី៨ តុលា យុវជនម្នាក់បានចាក់នឹងទួរណឺវីស បណ្តាលឱ្យមនុស្ស៤នាក់រងរបួស ក្នុងនោះមានទាហានអីុស្រាអែលម្នាក់ ។ ប៉ូលិសអីុស្រាអែលនិយាយថា អ្នកវាយប្រហាររូបនេះជាជនជាតិអារ៉ាប់ម្នាក់ពុំដឹងជាជនប៉ាឡេស្ទីន ឬអីុស្រាអែលឡើយ ។ ក្រោយការវាយប្រហារ កងទាហានអីុស្រាអែលបានដេញតាម ហើយបាញ់សម្លាប់រូបគេនាវេលាល្ងាច។ ទាហានអីុស្រាអែលម្នាក់ត្រូវរងការចាក់នឹងកាំបិតរបួសធ្ងន់គួរសមនៅអាហ្វូឡាភាគខាងជើងអីុស្រាអែល ។ ជនវាយប្រហារត្រូវចាប់ខ្លួនដោយរូបគេជាសមាជិកក្រុមជនជាតិភាគតិចមួយពុំច្បាស់ជាជនប៉ាឡេស្ទីនឡើយ ។
ក្នុងឧប្បត្តិហេតុទី៣ ជនប៉ាឡេស្ទីនម្នាក់បានចាក់ជនស៊ីវិលអីុស្រាអែលម្នាក់ឱ្យរបួសធ្ងន់នៅជិតតំបន់និគមជន KIRYAT ARBA ខាងលិចក្រុងហេប្រោន តំបន់ស៊ីសហ្សកដានី ហើយអ្នកចាក់បានរត់គេចខ្លួន ។
មុននេះជនជាតិប៉ាឡេស្ទីនអាយុ១៩ឆ្នាំបានចាក់បុរសជ្វីហ្វអីុស្រាអែលម្នាក់ឱ្យរបួសធ្ងន់នៅទីក្រុងហ្សេរុយសាឡឹម ហើយរូបគេត្រូវចាប់ខ្លួន ។ ក្នុងការប៉ះទង្គិចគ្នាឯជំរំជនភៀសខ្លួនមួយនៅទីក្រុងហ្សេរុយសាឡឹមខាងកើតជនប៉ាឡេស្ទីនម្នាក់ទៀតត្រូវកងកម្លាំងសន្តិសុខអីុស្រាអែលបាញ់ស្លាប់ ។
ឧប្បត្តិហេតុទាំងនេះ បណ្តាលឱ្យជនប៉ាឡេស្ទីន៨នាក់ស្លាប់ ក្នុងអំពើហិង្សាចាប់តាំងពីថ្ងៃទី១ តុលា មក ដោយមិនរាប់បញ្ចូលអ្នកវាយប្រហារម្នាក់ដែលត្រូវបាញ់ស្លាប់នៅក្រុងតែលអាវីវ ដោយពុំស្គាល់សញ្ជាតិគេច្បាស់ ។ រលកនៃអំពើហិង្សាក៏បណ្តាលឱ្យជនអីុស្រាអែល៤នាក់ស្លាប់ដែរ ៕
ចែករំលែកព័តមាននេះ