ខេត្តក្រចេះ ៖ អ្នកជាប់ឃុំចំនួនជិត៣០០នាក់ នៅពន្ឋនាគារខេត្តក្រចេះ ត្រូវបានអាជ្ញាធរផ្តល់សិទ្ឋិឲ្យចូលរួមពិធីបុណ្យកាន់បិណ្ឌវេនកាន់បិណ្ឌវេនទី១២ ត្រូវនឹងថ្ងៃទី៩ តុលា នៅក្នុងបរិវេណពន្ឋនាគារខេត្ត ។
ខេត្តក្រចេះ ៖ អ្នកជាប់ឃុំចំនួនជិត៣០០នាក់ នៅពន្ឋនាគារខេត្តក្រចេះ ត្រូវបានអាជ្ញាធរផ្តល់សិទ្ឋិឲ្យចូលរួមពិធីបុណ្យកាន់បិណ្ឌវេនទី១២ ត្រូវនឹងថ្ងៃទី៩ តុលា នៅក្នុងបរិវេណពន្ឋនាគារខេត្ត ។
លោក ខ្វា សារ៉ន ប្រធានពន្ឋនាគារខេត្ត បានឲ្យដឹងថា ទណ្ឌិតចំនួន២៨១នាក់ (ស្ត្រី២១នាក់) ដែលកំពុងអនុវត្តទោសនៅពន្ឋនាគារខេត្ត ត្រូវបានរៀបចំឲ្យចូលរួមកាន់បិណ្ឌក្នុងពិធីបុណ្យប្រពៃណីជាតិតាមបែបព្រះពុទ្ឋសាសនា ។
លោកឧត្តមសេនីយ៍ត្រី ខ្វា សារ៉ន បានបញ្ជាក់ថា អនុវត្តតាមទិសដៅរបស់អគ្គនាយកដ្ឋានពន្ឋនាគារ ដែលតម្រូវឲ្យអ្នកជាប់ឃុំក៏មានសិទ្ឋិចូលរូមធ្វើបុណ្យតាមប្រពៃណីនៃពិធីបុណ្យជាតិធំៗ ដូចជា ពិធីបុណ្យចូលឆ្នាំ និងបុណ្យភ្ជុំ លោកបានរៀបចំពិធី និងអនុញ្ញាតឲ្យអ្នកជាប់ឃុំឃាំងទាំងអស់ ដែលកំពុងអនុវត្តទោស បានចូលរួមធ្វើបុណ្យបានស្មើៗគ្នានៅក្នុងពន្ឋនាគារខេត្ត ។
លោកឧត្តមសេនីយ៍ត្រី បន្តថា នៅក្នុងពិធីដែលរៀបចំឡើងពេញមួយព្រឹកនៅក្នុងពន្ឋនាគារខេត្ត ក៏មានការអញ្ជើញចូលរួមពីសំណាក់លោកអភិបាលរងខេត្ត ស្ថាប័នអយ្យការ សាលាដំបូង ព្រមទាំងមន្ត្រីពន្ឋនាគារ ។
នៅក្នុងឱកាសនៃពិធីបុណ្យកាន់បិណ្ឌខាងលើនេះ អាជ្ញាធរបានតម្រូវឲ្យទណ្ឌិតប្រុស-ស្រី ប្រគេនទេយ្យទាន រាប់បាត្រ និងប្រគេនចង្ហាន់ដល់ព្រះសង្ឃទាំង៧អង្គ ។
លោក ជាក់ ម៉េងហៀង អភិបាលរងខេត្ត បានមានប្រសាសន៍ផ្តាំផ្ញើដល់ទណ្ឌិតទាំងអស់ ក្រោយពេលដែលអនុវត្តទោសបានចប់សព្វគ្រប់ត្រូវចេះកែប្រែខ្លួនជាមនុស្សល្អ ជាពលរដ្ឋល្អ នៅក្នុងសង្គម ៕
ចែករំលែកព័តមាននេះ