១-ចាស់ពិតតែចិត្តរឹងប៉ឹង
ចោរម្នាក់លួចចូលផ្ទះមួយនៅក្រុងឃីងវីនហ្វត ចក្រភពអង់គ្លេស ត្រូវលោកតាថុម ប៊ូល អាយុ៨៨ឆ្នាំ យកឈើច្រត់ដេញវាយរត់គេចទៅបាត់ ។ លោកតាបញ្ជាក់ថា គាត់ចាស់ពិតមែន ប៉ុន្តែធ្លាប់ចូលប្រឡូកក្នុងសង្គ្រាមលោកលើកទី២ ។
២-ដេកលើទ្រូងម្តាយ
កូនស្វា «ដាឡៃ» ដេកលើទ្រូងមេ «ដេស៊ី» ក្នុងឧទ្យានសត្វក្រុងដ្រេសដេន ភាគខាងកើតប្រទេសអាល្លឺម៉ង់ ក្រោយពីកើតប៉ុន្មានថ្ងៃ ។
៣-តែងខ្លួនជាតុក្កតាដើរព្យុហយាត្រា
បណ្តាអ្នករបាំស្ថិតក្នុងឈុតម៉ាស្កុត «ពីកាជូ» (Pikachu) បង្ហាញក្បាច់រាំគួរឱ្យគយគន់ ក្នុងព្យុហយាត្រានៅក្រុងយ៉ូកូហាម៉ា ខេត្តកាណាង៉ាវ៉ា ភាគកណ្តាលប្រទេសជប៉ុន ដោយពិធីនេះនឹងធ្វើឱ្យស្ថានភាពបរិយាកាសមានភាពស្រស់ស្រាយរយៈពេល៦៥ថ្ងៃ ។
៤-អីុរ៉ាក់និយមទិញម៉ាស៊ីនត្រជាក់
ជនជាតិអីុរ៉ាក់នាំគ្នាទិញម៉ាស៊ីនត្រជាក់នៅខណ្ឌការា៉ដា ក្រុងបាដាដ ខណៈសីតុណ្ហភាពកើនកំដៅជាង៤៦oC ព្រមទាំងប្រឈមនឹងការដាច់ចរន្តអគ្គិសនីផងដែរ ។
៥-រំលឹកខួបអាកាសយានិក
ពលរដ្ឋនាំគ្នាចូលទស្សនាក្នុងពិពរ័ណ៍ «ហ្វ៊័រអេវើ រីមេនប៊័រ» នៅមជ្ឈមណ្ឌលអវកាស «ចន អេហ្វ កេណ្ណឺឌី» រដ្ឋផ្លរីដា សហរដ្ឋអាមេរិក ដើម្បីរំលឹកខួបដល់អាកាសយានិកដែលស្លាប់បាត់បង់ជីវិតពីសោកនាដកម្មចំនួន២លើកក្នុងលំហអាកាស រួមមានការផ្ទុះយានក្រោយពីបង្ហោះទៅទីអវកាសមានអ្នកស្លាប់៧នាក់នៅឆ្នាំ១៩៨៦ និងយានកូឡុំប៊ី បានផ្ទុះបែកក្នុងពេលត្រឡប់មកផែនដីស្លាប់៧នាក់ នៅឆ្នាំ២០០៣ ។
៦-មនុស្សយន្តជួយគ្រាហ៍
វិស្វកររបស់ក្រុមហ៊ុនតូយ៉ូតា បង្ហាញមនុស្សយន្តសម្រាប់ជួយគ្រាហ៍ក្នុងពិពរ័ណ៍ផ្នែកបរិក្ខារពេទ្យនៅក្រុងយូកូហាមា៉ ប្រទេសជប៉ុន ។ មនុស្សយន្តនោះផលិតឡើងដើម្បីជួយគ្រាហ៍មនុស្សចាស់ជរាដែលគ្មានកូននៅថែ ។
៧-មេត្តាដល់សត្វ
សមាជិកមេត្តាដល់សត្វ (PETE) តែងឈុតច្នៃរូបរាងដូចស្បែកក្រពើឈរនៅមុខហាងលក់ផលិតផលស្បែកមួយនៅក្រុងតូក្យូ ប្រទេសជប៉ុន ។
៨-តុក្កតារុស្ស៊ីបុរាណ
តុក្កតាចម្លាក់បុរាណមួយរបស់រុស្ស៊ី បានទទួលចំណាប់អារម្មណ៍នៅក្នុងពិពរ័ណ៍ទំនិញក្រុងមូស្គូ ។ តុក្កតាប្រភេទនេះមានចំណែកជួយឆ្លុះបញ្ចាំងពីហេតុការណ៍នានាក្នុងប្រវត្តិសាស្ត្រនាពេលកន្លងមក ៕
ចែករំលែកព័តមាននេះ