រដ្ឋការអាមេរិកយល់ថា កូរ៉េខាងជើងមានសមត្ថភាពវាយប្រហារដល់ដែនដីអាមេរិកជាមួយមីស៊ីលនុយក្លេអ៊ែរមួយ ហើយត្រៀមការពារប្រទេសប្រឈមមុខនឹងការវាយប្រហារបែបនោះ ។ នេះជាសេចក្តីថ្លែងការណ៍
រដ្ឋការអាមេរិកយល់ថា កូរ៉េខាងជើងមានសមត្ថភាពវាយប្រហារដល់ដែនដីអាមេរិកជាមួយមីស៊ីលនុយក្លេអ៊ែរមួយ ហើយត្រៀមការពារប្រទេសប្រឈមមុខនឹងការវាយប្រហារបែបនោះ ។ នេះជាសេចក្តីថ្លែងការណ៍របស់អ្នកទទួលខុសត្រូវយោធាជាន់ខ្ពស់អាមេរិកមួយរូប ។
ឧត្តមនាវី BILL GORTNEY ដែលដឹកនាំទីបញ្ជាការដ្ឋានភាគខាងជើងអាមេរិក និងទីបញ្ជាការដ្ឋានការពារអាកាសភាគខាងជើងអាមេរិក បានយល់ស្របតាមការវាយតម្លៃរបស់ផ្នែកស៊ើបការណ៍អាមេរិកដែលថា កូរ៉េខាងជើងមានសមត្ថភាពប្រើប្រាស់អាវុធនុយក្លេអ៊ែរ ហើយអាចដាក់ក្បាលគ្រាប់នុយក្លេអ៊ែរភ្ជាប់មីស៊ីលអាចបាញ់ ដល់ដែនដីសហរដ្ឋអាមេរិក ។
ក្នុងសន្និសីទសារព័ត៌មានមួយ ឧត្តមនាវីរូបនេះនិយាយថា យើងវាយតម្លៃថា អាវុធនុយក្លេអ៊ែរទាំងនេះមានសមត្ថភាពបាញ់ដល់ដែនដីជាតិជាមួយមីស៊ីលមួយ ។ លោកបន្តថា វាលំបាកខ្លាំងណាស់ ក្នុងការព្យាករណ៍ពីឥរិយាបថរបស់មេដឹកនាំកូរ៉េខាងជើង លោកគីម ជុងអ៊ុន ក៏ប៉ុន្តែកងទ័ពអាមេរិកត្រៀមតបតវិញក្នុងករណីប្រើប្រាស់អាវុធនុយក្លេអ៊ែរ ។ យើងត្រៀម២៤ម៉ោងលើ២៤ម៉ោងសម្រាប់ការទប់ទល់ ។
ទីភ្នាក់ងារអវកាសកូរ៉េខាងជើង ប្រកាសកាលពីខែកញ្ញាថា ក្រុងព្យុងយ៉ាងបានបង្កើតផ្កាយរណបថ្មីមួយ ហើយត្រៀមបាញ់បង្ហោះតាមរយៈកាំជ្រួចមួយ ។ កូរ៉េខាងជើងអះអាងថា ការបាញ់កាំជ្រួចរបស់ខ្លួនស្ថិតក្នុងក្របខណ្ឌនៃកម្មវិធីអវកាសសំដៅបញ្ជូនផ្កាយរណបទាំងឡាយទៅកាន់តារាវិថី ។
កាលពីខែមីនា ទីភ្នាក់ងារការពារមីស៊ីលអាមេរិកថ្លែងថា កូរ៉េខាងជើងនាឆ្នាំនេះអាចមានសមត្ថភាពបាញ់មីស៊ីលបាលីស្ទិករំលងទ្វីបមួយ ៕
ចែករំលែកព័តមាននេះ